Opavave ojapyhyva’erã hi’ári téra Túva ome’ẽva’ekue.
Salvador réra oreko peteĩ poder ijojaha’ỹ ha esencial-va. Pe téra año rupinte ikatu ojehupyty salvación.
Ojapo semana aĩ heta mitã ócho áño orekóva ñemongaraihápe. Oñepyrŭkuri oikuaa hikuái Jesucristo evangelio ituvakuéra ha mbo’eharakuéragui. Pe Hese rehegua fe semilla oñepyrŭ okakuaa. Ha ko’áğa osegise ñemongarai y peve oiko hağua chuguikuéra Itupao oñemoĩjeyva’ekue miembro-kuéra ramo. Ahecha aja iñantisipación añeporandu mboýpepa hesakã porãne peteĩ aspecto importante convenio bautismal ryepýpe: pe compromiso jajapyhy haĝua ñande ári Jesucristo réra.
Ñepyrũha guive, Tupã odeclara Jesucristo réra ijyvateveha opa mba’égui pe iplan ñandéve ğuarãme. Peteĩ ángel ombo’e ñande ru ñepyrũ Adan-pe: “Rejapóta opa mba’e rejapóva Ta’ýra rérape, ha reñearrepentíta ha rehenóita Tupãme Ta’ýra rérape tapiaite ğuarã.”1
Pe Mormón Kuatiañe’ẽ profeta, rréi Benjamin ombo’e itavayguakuérape, “Ndaiporimo’ãiha ambue téra oñeme’ẽva ni ambue tape oğuahẽtaha rupi salvación” 2
Ñandejára he’i jey ko’ã añetegua profeta José Smith-pe: “Péina ape, Jesucristo ha’e pe téra oñeme’ẽva Túvape, ha ndaipóri ambue téra ikatuha rupi yvypóra ojesalva.”3
Ñande árape, Presidente Dallin H. Oaks ñanembo’ékuri “umi omomba’apóva ife Jesucristo rérape… ha oike ikonvenio pyahúpe … ikatúma ojerure Jesucristo sacrificio expiatorio.”4
Ñande Ru Yvagagua omyesakãporã Ita’ýra réra, Jesucristo, ndaha’éiha peteĩ térante heta apytépe. Pe Salvador réra oreko peteĩ pu’aka jojaha’ỹ ha esencial-va; ha’e Pe téra año rupi mante salvación ikatuha oiko. Ñamombaretévo ko añetegua káda dispensación-pe, Ñande Ru ohayhukuaáva o’asegura ñandéve oĩha peteĩ tape jajevy hağua Hendápe. Ha katu toĩ peteĩ tape seguro ikatúva jaipuru nde’iséi ñande jehojey oikotaha katuete automaticamente. Tupã he’i ñandéve tekotevẽteha jajapo: “…upévare, tekotevẽ opa kuimba’e [ha kuña] ojapyhy hi’arikuéra pe téra Túva ome’ẽ’akue.”5
Jahupyty hağua Salvador pu’aka oúva Cristo réra rupi añónte, ñande jajapova’erã pe: “oñemomirĩva [ñandete] Tupã renondépe… ha [ou] korasõ ojepy’apýva ha espíritu contrito reheve… ha [oĩva] dispuesto…ojapyhy hağua hi’ári Jesucristo réra” … ha upéicha, che amigokuéra mitãite ócho áño orekóvaicha ikatu hağua “oñemoğuahẽ ñemongarai rupi itupaópe.”6
Opa umi ojapyhyse añetéva Ñandejára réra hi’ári oikeva’erã ñemongarai ýpe ha orrecibi ñemongarai ordenanza testimonio ramo Tupãme idesicióngui.7 Ha katu ñemongarai ha’e ñepyrŭhánte.
Pe ñe’ẽjapyhy ndaha’éi pasiva. Ha’e peteĩ ñe’ẽ omỹiva ha he’ise hetáva.8 Upéicha avei ñane compromiso jajapyhývo Jesucristo réra oikotevẽ ñemba’apóre ha oreko heta dimensión.
Ejemplo-rã, peteĩ pe he’iséva ñe’ẽjapyhy he’ise mokõi mba’ejapyhy ha’e ojerresibi ñande retépe, jajapyhýrõ peteĩ ñemboy’urã. Jajapyhývo ñande ári Cristo réra, ñañekompromete jajapyhývo Imbo’epykuéra, Icaracteristica, ha ipahápe Imborayhu, ñande pype oiko hağua chugui ñande ha’éva pehẽngue. Upévare, pe importancia presidente Russell M. Nelson he’ívare umi imitã kakuaávape “toñembo’e ha mbaretépe [toheka] oikŭmby hağua mba’épa he’ise umi hetaite [Ñandejára] réra personalmente [chupekuéra] 9 ha ojedeleita Cristo ñe’ẽme oĩva Escritura-kuérape ha especialmente Mormón Kuatiañe’ẽme.10
Ambue he’iséva ñe’ẽ japyhyha’e ja’acepta peteĩ tapicha ifunción determinada-pe térã ña’añuã peteĩ temimo’ã térã principio añete. Jajapyhývo ñande ári Cristo réra, ja’acepta Chupe ñande Salvador ramo ha ja’adopta meme Imbo’epykuéra gíaicha ñande rekovépe. Káda decisión significativa jajapyhývape, ikatu avei jajapyhy Iñevanhélio añetegua ha jaiko hese ñe’ẽrendúpe opa ñane korasõ, ánga, apytu’ŭ ha mbarete reheve.
Pe ñe’ẽjapyhy ikatu avei oñembojoja peteĩ téra térã peteĩ káusare. Heta ñande apytépe jareko experiencia jajajpyhývo) térã jarekóvo responsabilidad mba’apohápe térãjajapyhývo peteĩ káusa térã movimiento. Jajapyhývo ñande ári Cristo réra ña’asumi umi discípulo añete responsabilidad, ñadefende ikáusa, ha “ñañepresenta ha ñañemoĩ testigo [chugui] opa momento ha opa mba’épe, ha opa tenda ñaimehápe. .”11 Presidente Nelson o’invita opakuña imitãvape ha káda opa imitãva ojealista hağua Ñandejára batallón juvenil-pe oipytyvõ ombyaty hağua Israel.”12 Ha opa ñande ñaime agradecido jajapyhývo ñehenói profético japrofesávo Itupao restaurado réra orrevelaháicha Salvador-ete: La Iglesia de Jesucristo de los Santos de los Últimos Días.13
Pe proceso jajapyhyhápe pe Salvador réra ñande ári, ñaikŭmby pe Cristo káusa ha Itupao ha’eha peteĩchaite. Ndaikatúi ojoaju hikuái. Peicha avei, ñande discipulado personal Ñandejárape ha Itupao miembresía activa avei ndojoajúi. Javasila ramo ñane compromiso-pe peteĩ ndive, ñane compromiso ambuéndi avei ojehecha’íta, pe pyhare ouháicha ára rire.
Oĩ iraríva o’acepta hağuaJesucristo réra ha Ikáusa oimo’ãgui ipohy’ieterei, ilimitánte ha naisãsoóiha. Añete niko, jajapyhy Cristo réra oporomosãso ha oñeñanduporã. Omombáy pe potapy ñañandúva ja’asepta jave pe Tupã plan fe rupive Salvador-re. Ko potavy oikovéva rupi ñane korasõme, ikatu jajuhu propósito añete orekóva ñane don ha talento-kuéra Tupã ome’ẽva’ekue ñandéve, ñañandu imborayhu ñemombarete ha jakakuaa ñande interes ambuekuéra ñeimeporãre. Jajapyhývo jahávo Salvador réra, añete, jajapyhy opa iporãva ha ñağuahẽta Ha’éicha.14
Iporã ñanemandu’a jajapyhy Salvador réra ñande ári ha’eha peteĩ compromiso konvénio guýpe há oñepyrŭha upe konvénio jajapóvandi ñemongaraihápe. Presidente Nelson ombo’ékuri “[Ñane] compromiso jasegívo Salvador-pe jajapóvo Konvénio Hendie ha upéi ñañongatu umi konveniokuéra oipe’áta ñandéve okẽ opáichagua tovasapy espiritual ha privilegio oĩvape ğuarã”15 Peteĩ privilegio ijyvatevéva jajapyhývo Salvador réra ñande ári ñemongarai rupi ha’e pe jeikerã ome’ẽva ordenanza oúva konvénio rapépe: pe confirmación. Aporandúvo peteĩ che amigo ócho áño orekóvape mba’épa he’ise chupe jajapyhy Cristo réra, ombohováinte: “He’íse ikatuha jareko Espíritu Santo”. Ha’e oreko razón.
Pe Espíritu Santo don ojerrecibi confirmación rupive oñemopotĩ rire ñemongarai ordenanza rupi. Upe don ha’e pe derécho ha oportunidad jarekóvo Espiritu Santo ñane irŭ tapiáva ramo. Ñahendu ha ñaneñe’ẽrendu ramo Iñe’ẽpu vevýi ha ipy’aguapýva Ha’e ñanemantenéta konvénio rapére jaikehaguépe ñemongarai rupi, ñanemomarandúta jareko jave tentación jahávo, ha ñanemokyre’ỹta ñañearrepenti hağua ha ja’ahusta oñeikotevẽ ramo. Ñande jehecha objetivo ñemongarai rire ha’e Espíritu Santo ñemantene meme ñanendive ikatu hağuáicha jaha tenonde Konvenio rape pukukuére. Espíritu Santo ikatu oĩ ñanendive ñamantenévo ñande rekove potĩ ha isãso ramo pekádogui.
Upévare, Ñandejára ome’ẽ ñandéve mba’éichapa ñambopyahukuaa jepi ñande ñemongarai efecto purificador ambue ordenanza rupi: pe Santa Cena. Káda semana ikatu “Rotestika ndéve, [ore] roimeha dispuesto rojapyhy hağua [ore] ári nde ra’y réra.”16Upéi, omyasãi jeývo ojapyhy umi emblema, Ñandejára ro’o ha huguy ore pópe, pe pan ha y —ha mokõivévarojajapyhývo ore ángape. Upéicha, Salvador ñanemopotĩ milagrosamente ha ñandekalifica jareko meme hağua Espíritu Santo. Ndaha’éi piko kóva ohechaukáva misericordia opa’ỹva ojejuhúva Jesucristo réra añómente? Ñande jajapyhyháicha Héra ñandepype, Ha’e ojapyhy ñande pekadokuéra ha mba’asykuéra Hi’ári, ha upeichavérõ, ijyva poriahuvereko “iñasãi gueteri”17 ñaneañuã hağua imborayhu jyva ári.18
Pe Santa Cena ha’e peteĩ mandu’aha semanal jajapyh ñande ári, Jesucristo réra ha’eha peteĩ compromiso oikove ha meméva, ndaha’éi peteĩ mba’e año oikóva peteĩ jeýnte ñande karaiha árape.19. Ikatu jadisfruta meme jey jey “pe divino don-gui, clemencia jopói, mborayhu ha redención” 20Nañaimo’ã’ỹi upéicharõ káda umi Tupã ra’ykuéra oikŭmbyha umi tovasapy espiritual mbarete ikatúva ogueru Cristo réra hi’ári jegueraha, hemiandukuéra akóinte ha’éta tory ha potapy tapia oike hağua konvéniope Itupãndi.21
Jaguatávo ko konvénio rape divinamente ojejapova’ekuére, ñane compromiso ha ñane ñeha’ã jajapyhy hağua ñande ári Jesucristo réra ñanemombaretéta ñamombyta hağua [Imba’éva] héra ojehai akoiete [ñane] korasõme”22 Jahayhúta Tupãme ha ñanderogaykereguápe ha ñañandúta ñaministrase chupekuéra, jajapóta Imandamientokuéra ha ñañemoğuisevéta Hese jajapovévo umi konvénio. Ha ñañeñandúvo ñanekangy ha ndaikatúi jajapo jaipota jojáva, jajeruréta mbarete oúva hérare añónte ha Ha’e oúta ñanepytyvõ. Japersevera ramo fideliad reheve oğuahẽta ára, jahechátaha Chupe ha ñaimétaha Hendie, ha jahecháta Ha’éichaha, ha’épe, upéicharõ, digno jajvy jey hağua Túva rovake.
Pe Salvador promesa isegúrogui: umi “oroviáva Jesucristo rérape” ha o’adora Túvape hérape, ha opyta pe fe hérape ipahaite peve”23 ojesalváta Tupã rréinope. Peẽicha avei, avy’a umi jehovasa ijojaha’ỹva ikatúgui ojehupyty jajapyhývo ñande ári Jesucristo réra, upe atestikávagui ha atestikáva rérape. Amén.