Ñambyaty opa mba’e Cristo-pe
Pe Salvador evangelio pu’aka ñanetransforma ha ñanderovasa hağua osẽ jahechakuaa ha ja’aplikávo pe interrelación Idoctrina, Iprincipio ha Ipractikakuéra rehe.
Sã niko peteĩ tembiporu básico opavave jaikuaáva. Umi sã ojejapo téla, ka’avo, alambre térã ambue material-kuéra inimbo reheve, peteĩ teĩ ojepokáva térã ojeipyaháva oñondive. Curiosamente, oĩ material-kuéra común ha ikorrientevéva ikatúva imbareteterei.ojeipyahávo oñondive. Upéicha, umi material ordinário conexión ha ñembojoaju ikatu ogueru peteĩ.tembiporu hechapyrãva.
Peteĩ sã ohupytyháicha imbarete heta inimbo individual ojepokávo oñondive, péicha pe Jesucristo evangelio ome’ẽ peteĩ perspectiva tuichavéva añeteguágui ha oikuave’ẽ jehovasa hechapyrãvéva jajesarekoháicha Pablo ñemomarandúre “pembojoajuva’erã opa mba’e Cristo-pe…umi mba’e oĩva yvágape,…upéicha avei umi oĩva yvy ári.”1 Iñimportantevéva, upe añetegua ñembojoaju oñecentra Ñandejára Jesucristo-pe ha’égui Ha’e “pe tape, ha pe añetegua ha pe tekove”2
Ajerure’asy Espiritu Santo tañanderesape peteĩ teĩme jahechávo mba’éichapa upe principio ñambyaty opa mba’e Cristo-pe ojeipuru ipráctikoveháicha ña’aprende ha javivívo Iñevangelio restaurado ñande rekovépe ára ha ára.
Peteĩ revelación époka
Jaikove peteĩ époka singular ha revelación rehegua Iglesia de Jesucristo restaurada-pe. Umi ajuste histórico oje’eva’ekue ko árape oguereko peteĩ propósito global añónte: toñemombarete jerovia ñande Ru Yvagaguáre ha Iplan ha Ita’ýra Jesucristo ha Ijexpiasiõ rehe. Ndaha’éi oñemombykýnteva reuniones dominicales horario. Ha katu jaguerekove oportunidad ha responsabilidad individuo ha familia-háicha jaipuru hağua ñane tiempo ñamoĩporãve hağua dia de reposo delicia ramo ñande róga ha kapillápe.
Abril-pe, ndaha’éi oñemoambuenteva umi Cuorum del sacerdocio estructura organizativa. Ha katu, oñeme’ẽve énfasis ha mbarete peteĩ forma ijyvateve ha imarangatuvévape oñeministra hağua ñande hermano ha hermana-kuérape.
Umi sã inimbo ojepokáva ha’eháicha peteĩ tembiporu mbarete ha hi’aréva, opa ko’ã acción oñerrelacionáva oforma parte peteĩ tembiapo ojoajúva ombojoja porãve hağua pe Salvador tupao restaurado enfóke, umi recurso ha imisión fundamental rembiapo reheve: oipytyvõ Tupãme Hembiapópe ohupyty hağua Ita’ýra ha tajyrakuéra salvasiõ ha exaltasiõ. Anítei, pepyta umi oje’eva’ekue aspecto logístico-pente. Ndajahejaiva’erã umi procedimiento detalle omo’ypytũ umi razon espiritual global ogueraháva ojejapo hağua ko’ã kámbio ko’áğa.
Ore roipota upe fe Túva plan ha pe Salvador misión redentora rehe tokakuaa yvy ári ha Tupã konvénio sempiterno toñemoĩ.3 Ore objetivo año ha’e rofasilita konversión meme Ñandejárape ha tajahayhu ha jaservi porãve ñande hermano ha hermana-kuérape.
Segmentación ha separación
Sapy’ánte, Tupaogua miembro-kuéra, ñamboja’o, ñamboyke ha ja’aplika pe evangelio ñande rekovépe jajapóvo umi tema específico lista ja’estudia ha jajapova’erãgui. ha katu, upe método omombykykuaa ñane entendimiento ha ñane visión. Ñañangarekova’erã ikatúgui pe enfoque fariseo oñemopyendáva umi tembiapo lista pukúpe ndohejáiva ñañemoağuive Ñandejára rehe.
Upe propósito ha purificación, pe vy’apavẽ ha vy’a, ha pe konversión ha ñemo’ã meme oúva “ñame’ẽ rire [ñane] korasõTupãme”4 ha “[jarresivi] ha’anga [ñande] rovápe”5 ndojehupytýi jajapo ha jatacha rupi pe lista-gui opa umi mba’e espiritual jajapova’erã. Ha katu, pe Salvador evangelio pu’aka ñanetransforma ha ñanderovasa haĝua osẽ jahechakuaa ha ja’aplikávo pe interrelación Idoctrina, Iprincipio ha Ipractikakuéra apytépe. ñambojoajurõ opa mba’e Cristo-pe mante, peteĩ enfoque firme Hese reheve, umi Evangelio añetegua ojapóta kyre’ỹme toiko ñandehegui Tupã oipotáva oiko6 ha py’aguasúpe tañañeha’ãmbaite ipahaite peve.7
Ña’aprendévo ha ñambojoapývo umi Evangelio añetegua.
Jesucristo evangelio ha’e peteĩ añetegua tapiz hechapyrãva “ojejapo porãitéva”8 ha ojeipyaháva. Ña’aprendévo ha ñambojoapývo umi evangelio verdades reveladas, jajehovasa peteĩ perspectiva hechapyrãva ha capacidad espiritual tuichavéva reheve, tesa ikatúvare ohecha Ñandejára influencia ñande rekovépe ha apysa ikatúva ohendu Iñe’ẽ.9 Ha upe principio ñambyaty opa mba’e Cristo-peñanepytyvõkuaa ñakambia hağua umi lista tradicional de tareas peteĩ todo unifikádo, integrado ha completo rehe. Pehejami tame’ẽ peẽme peteĩ ejemplo doctrina ha tupaógui pe asuheríva rehegua.
Ejemplo 1 Pe cuarto artículo de Fe ha’e peteĩ tembiecharã tuichavéva mba’éichapa “ñambyaty opa mba’e Cristo-pe”: “Roguerovia umi principio ha Evangelio ordenanza-kuéra ñepyrŭha ha’eha: peteĩha, Fe Ñandejára Jesucristo-re; mokõiha, Arrepentimiento; mbohapyha, Ñemongarai ñesapymi rupi pekadokuéra remisiõrã; irundyha, Po ñemoĩ don del Espíritu Santo oñekomunika hağua.”10
Pe fe añetéva oñesentra Ñandejára Jesucristo-pe: Hese, Túva Ra’y Divino ha Unigénito ramo, ha Hese ha pe misión redentora Ha’e okumpliva’ekue rehe. “Ha’e ombohovái haguére upe léi ojeruréva, ha ojerure opavave hése ojeroviáva rehe; ha hese ojeroviáva oñemo’ağuita opa mba’e porãre; upévare, ha’e oñemoĩ umi yvypóra ra’ykuéra ykére; ” 11 Ñamomba’apo jerovia Jesucristo-re ha’ejaguerovia ha ñamoĩ ñande jerovia Hese ñande Salvador ramo, Héra ha Ipromesakuéra rehe.
Pe consecuencia peteĩha ha natural jajeroviávo Salvador rehe ha’e ñañe’arrepenti ha ñañemomombyry ivaívagui. Ñamomba’apóvo fe Ñandejárare, manera natural-pe jajere Hese jaju Hendápe ha ñadepende Hese. Upévare, arrepentimiento ha’ejajeroviaRedentor-reñakontaHa’e ojajapotaha umi mba’e ikatu’ỹva jajapo ñandejehegui. Opavave ñande “[jajerovia paiteva’erã pe ipu’akapáva oporosalva hağua méritore”12 ha’e haguére“ pe Santo Mesías mérito, poriahuvereko ha grásia rupive mante”13 ikatu oiko ñandehegui criatura pyahu Cristo-pe14 ha ipahápe jaha ha jaikoTupã ndive.
Pe ñemongarai ordenanza inmersión rupi pekadokuéra remisiõrã oikotevẽ jajerovia Hese, ñadepende Hese ha jasegiChupe. Nefi he’i: “…che aikuaapehóramo ta’ýra ndivekorasõ añetére ndaha’éi tova mokõi ni japúpe, Tupã renondépe, ha katu añetehápe, peñe’arrepentívo pene angaipakuéragui, ha peme’ẽ testimonio Túvape pemoĩseha pende ári Cristo réra, ñemongarai rupi, heẽpesegívo Ñandejára ha ñande Salvador-pepeguejývo ýpe, iñe’ẽme he’iháicha, péina ápe , upérõ oñeme’ẽta peẽme pe Espiritu Santo; heẽ , ha upérõ oúta pe ñemongarai tata ha Espiritu Santo-gui.”15
Pe po ñemoĩ oñekomunika hağua don del Espiritu Santo ordenanza oikotevẽ ñakonfiaHese, ñadependeChugui, jaseguiChupe ha jaha tenonde gotyoIpype Espiritu Santo pytyvõ reheve. Nefi he’iháicha : “Ha ko’áğa….ko’ãvare aikuaa pe yvypóra noñeha’ãmbaitéiramo ipahaite peve, ojapóvo Tupã Ra’y Oikovéva ojapova’ekue, ndaikatumo’ãi ojesalva.”16
Pe artículo de Fe irundyha ndaha’éi oseñalávante umi Evangelio restaurado principio ha ordenanza fundamental. Ha katu, upe declaración inspirada creencia-kuéra ombojoaju opa mba’e Cristo-pe: jajeroviaHese, ñadependeHese, jasegiChupe, ha jaha tenondeHendive, ha jepeve Ipype.
Ejemplo 2. Ko’áğa amombe’use mba’éichapa opa umi tupaogua programa ha iniciativakuéra ijatypa Cristo-pe. Ikatu ojehechauka heta ambue ejemplo; ha katu aipurúta ko’ãvante.
1978-pe, presidente Spencer W. Kimball omomarandu tupaogua miembrokuérape omombareteve hağua Sion ko mundo jerére. Oñemoñe’ẽ Santokuérape opyta hağua hetãme ha omopu’ã hağua estakakuéra imbaretevéva, ha tombyaty Tupã familia ha tombo’e umi Ñandejára rape. Uperire oseñala oñemopu’ãtaha hetave templo ha opromete tovasapy Santokuérape taha’e ha’e oikohápe hikuái.17
Hetavévo estakakuéra, okakuaa avei tekotevẽ miembrokuéra róga “toiko chuguikuéra[tenda] familia miembrokuéra [ oĩsehápe], umi [ikatuhápe] omoporãve hekove ha ojuhu mborayhu ojuehe, apoyo, jehechakuaa ha ñemokyre’ỹ.”18 Upévare, 1980-pe oñembyaty umi reunión dominical peteĩ bloque de tres horas –pe “ oñe’enfatiza jey hağua responsabilidad personal ha familiar oñe’aprende, ojevivi ha oñembo’e hağua pe Evangelio.”19 Upe hincapié familia ha ógape oñemombarete “La Familia: Una Proclamación para el Mundo”-pe opresentava’ekue presidente Gordon B. Hinkley 1.995-pe.20
Abril 1998-pe, presidente Hincley omombe’u heta templo michĩva oñemopu’ãtaha, omoağuivo upéicha umi ordenanza marangatu oikóva Ñandejára Rógape heta persona ha familiakuéra Santos de los Ultimos Dias-pe mundo jerére.21 Ha umi oportunidad crecimiento ha desarrollo espiritual tuichavéva rehegua oñecomplementa umi autosuficiencia temporal jekakuaa reheve Fondo Perpétuo para la Educación ñemoĩ rupive 2001-pe.22
Iñadministración aja, presidente Thomas S. Monsón omomarandu jey jey santokuérape oho hağua “al rescate” ha ojapo hincapié mboriahu ha oikotevẽva ñeñangarekópe ha’éháicha peteĩ responsabilidad divinamente oñeseñaláva tupaópe. Oñekontinuávo upe énfasis preparación temporal-re, oñeimplementa umi Servicio de Autosuficiencia 2012-pe.
Ko’ã año ohasávape, oñemoĩ énfasis ha ojerreforsa.umi principio esencial ojejapo hağua dia de reposo-gui peteĩ delicia ogakuéra ha tupaópe,23 ñanembosako’ívo upéicha Domingo-gua reunión-kuéra horario pyahúpe ğuarã ajuste oñe’anunciáva ko Conferencia General sesión-pe.
Ha ojapo séi mése, umi Cuórum del Sacerdocio de Melquisedec oñemombarete ha oñealinea porãve umi organización auxiliar ndive ohupyty hağua peteĩ enfoque yvateve ha marangatuve ministración-re.
Aguerovia ko’ã acción secuencia ha tiempo heta década pukukue aja ñanepytyvõkuaaha jahecha hağua peteĩ tembiapo ojoaju ha oĩmbáva, ha ndaha’éi peteĩ serie iniciativa-kuéra independiente ha ha’eñoreínteva. “Tupã orrevela peteĩ modelo de progreso espiritual umi persona ha familia-pe ğuarã ordenanza, enseñanza, programa ha actividad-kuéra rupive oñemombytéva ógape ha oguerekóva tupao pyenda. Tupaogua organización ha programakuéra oĩ ohovasa hağua yvypóra ha familiakuérape, ha ndaha’éi peteĩ fin ijeheguirei.”24
Ajerure’asy tajahechakuaa Ñandejára rembiapo peteĩ tembiapo mundial-cha oñemombytéva ohóvo ógape ha oguerekóva tupao pytyvõ. Che aikuaa ha atestifikaÑandejára orrevelahahína ha orrevelataha gueteri heta ha iñimportánteva asunto-kuéraTupã rréino rehegua”25
Promesa ha testimonio
Añepyrũ che mensaje amomba’eguasúvo mbarete oĨva umi material individual inimbo ojepokávo oñondive peteĩ sãme. Upéicha avei, apromete peẽme okakuaavetaha upe perspectiva, propósito ha pu’aka ña’aprendévo ha javivívo pe Jesucristo Evangelio restaurado ñañeha’ã aja ñambyaty opamba’e Cristo-pe.
Opa oportunidad ha tovasapy oguerekóva consecuencia eterna oñepyrŭ, ikatu oiko ha oguereko propósito Ñandejára Jesucristo-pe ha hi’are Ha’e rupive. Otestifika haguéicha Alma: “ndaiporiha ambue mba’éichapa ni mba’e rupive yvypóra ikatuha ojesalva, ndaha’éiramo Cristo-pe ha hese rupive. Péina ápe, ha’e niko pe yvóra rekove ha resape.”26
Vy’ápe ame’ẽ che testimonio Túva Ijapyra’ỹva ha Ita’ýra Jesucristo ojehayhuetéva divinidad ha realidad viviente-gui. Ñande Salvador-pe jajuhu vy’apavẽ ¸ha Ipype jajuhu añeteha pe “py’aguapy ko mundo-pe, ha tekove opave’ỹva mundo oúvape .” 27 Upévagui atestifika Jesucristo réra marangatúpe. Amén.