Pe día de reposo ha’e peteĩ delicia
Elder Russell M. Nelson rupive
Quórum Doce Apóstoles-pegua
¿Mba’éichapa ikatu peje’asegura pene comportamiento día de reposo-pe ogueruha peẽme vy’a ha tory?
Hermano ha hermana-kuéra ahayhuetéva, ko’ã mokõi conferencia ára hechapyrãitereíkuri. Pe purahéi ñane’inspiráva ha umi ñembo’e porãite ñanemopu’ãkuri; ñande espíritu oje’edifikákuri umi mensaje tesape ha añetegua rehegua rehe. Ko Domingo de Pascua de Resurrección-pe, ñame’ẽ jey aguije añete oñondivepa Tupãme jaguereko haguére peteĩ profeta.
Pe porandu jajapova’erã ha’e: pe ahendu ha añanduva’ekue rire ko conferencia-pe, ¿mba’épe akambiáta? Oimeraẽ ha’éva pe ñembohovái, pehejami chéve po’invita pe’examina haĝua pene sentimiento pe día de reposo rehe ha umi pejapóvare upe diápe.
Che intriga Isaías ñe’ẽnguéra, ohenóigui pe día de reposo-pe “delicia”1; ha añeporandu:¿añetehápe piko pe día de reposo ha’e peteĩ delicia peẽme ha chéve ĝuarã?
Adescubriakue pe día de reposo delicia peteĩha jave ohasáma heta ary, ha’évo peteĩ cirujano hembiapoitereíva, oikorõkuri chugui peteĩ día de sanación personal. Cada semana paha che po oñembyaipa ajohéi heta haguére y, havõ ha peteĩ cepillo icerda hatãvape; ha avei tekotevẽkuri aguereko peteĩ descanso pe presión profesional ijexihenteitereívagui. Pe Domingo ome’ẽmi jepi chéve upe pytu’u aikotevẽva.
¿Mba’e he’isera’e pe Salvador he’irõguare “…pytu’uha árako ojejapova’ekue yvypórape ĝuarã, ndaha’éi pe yvypóra pytu’uha árape ĝuarã”?2. Aguerovia Ha’e oipotaha ñantende pe día de reposo ha’eha Irregálo ñandéve ĝuarã, ome’ẽva ñandéve pytu’u añetéva umi tembiapo vida diaria guágui ha ha’e peteĩ oportunidad ñañerrenova haĝua física ha espiritualmente. Tupã ome’ẽva’ekue ñandéve ko ára especial ndaha’éi jajediverti haĝua ni jajapo haĝua umi tembiapo jepiguáva, ha katu japytu’u haĝua ñane obligasiõkuéragui desahogo físico ha espiritual reheve.
Hebreo-pe, upe expresión día de reposo he’ise “pytu’u”. Pe día de reposo propósito ou pe mundo Creación guivéma voi, seis días omba’apo rire, Ñandejára opytu’u pe creación rembiapógui3. Tardeve orrevelávo umi Diez mandamientos Moisés-pe, Tupã omanda ñandéve: “ Penemandu’áke pe día de reposo-re pesantifika haĝua”4. Upe rire, pe día de reposo ojehecha peteĩ recordatorioicha pe Israel liberación Egipto cautiverio-gui5. Ikatu imba’eguasuvéva pe día de reposo-pe ha’e oñeme’ẽ hague peteĩ konvénio opave’ỹtavaicha, peteĩ ñenomandu’a meme Ñandejára osantifikataha Itavayguakuérape6.
Avei, ko’áĝa pe día de reposo-pe ja’u pe Santa Cena Jesucristo expiasiõ memoria-pe7, upéva reheve, jajapo jey konvénio ñaimeha dispuesto jajagarrávo Héra marangatu ñande ári8.
Pe Salvador oñe’identifika Ijupe pe día de reposo Járaicha9. ¡Upéva ha’e Hi’ára! Ojerure ñandéve jey jey tañañongatu pe día de reposo10 térã tañasantifika11. Ñaime kovénio guýpe jajapova’erãha upéva.
¿Mba’éichapañasantifika pe día de reposo? Che mitãme astudía umi lista ambuéva ojapova’ekue mba’épa ikatu ha mba’épa ndaikatúiojejapo pe día de reposo-pe. Ndaha’éi térã tenondeve a’aprendékuri umi Escritura’gui pe ajapóva ha pe che actitud pe día de reposo-pe ha’eha peteĩseñal che ha che Ru Yvagagua ndive12. Upe kuaapy reheve, naikotevẽvéima peteĩ lista mba’épa ikatu térã ndaikatúi ojejapo pe día de reposo-pe. Ajapótaramo peteĩ decisión umi actividad ha’épa térã ndaha’éi apropiado día de reposo-pe ĝuarã, simplemente añeporandu che jupe: “¿Mba’e señal-pa ame’ẽse Tupãme?”. Upe porandu ojapo umi che opción día de reposo peĝuarã tahesakã porã.
Jepe pe día de reposo doctrina oguereko peteĩ ñepyrũmby ymaguare, kóva oñerrenova ára pahápe pe konvénio pyahu promesa pehẽnguéicha. Peme’ẽmi atención ko decreto divino pu’akápe:
“Y para que más íntegramente te conserves sin mancha del mundo, irás a la casa de oración y ofrecerás tus sacramentos en mi día santo;
“porque, en verdad, éste es un día que se te ha señalado para descansar de tus obras y rendir tus devociones al Altísimo…
“Y en este día… [prepara] tus alimentos con sencillez de corazón, a fin de que tus ayunos sean perfectos… [y] que tu gozo sea cabal…
“…la abundancia de la tierra será vuestra”13.
Peñeimahinamína pe afirmación jehupyty! Oñepromete pe Yvy plenitud umi osantifikávape día de reposo14. Na’iñextrañoi Isaías oherohague chupe “delicia”.
¿Mba’éichapa ikatu peje’asegura pene komportamiento oguerutaha peẽme vy’a ha tory? Peho rire Tupaópe, pe participa Santa Cena-re ha pejesareko pene llamamiento-re, ¿mba’e ambue actividad-pa penepytyvõne ojapo haĝua pe día de reposo ha’e peteĩ delicia peẽme ĝuarã? ¿Mba’e señal peme’ẽta Ñandejárape pehechauka haĝua chupe mborayhu peguerekóva Hese?
Pe día de reposo ha’e peteĩ oportunidad hechapyrãva ñamombarete haĝua umi ñane familia sãnguéra. Ipahápe ningo, Tupã oipota opavave ñande, ha’égui Ita’yrakuéra, jaha jey Chupe santo oñe’investipyréicha, jajeselláva témplope ñande ypykue ha ñane ñemoñare ndive familiaicha15.
Jajapo pe día de reposo-gui peteĩ delicia ñambo’éramo pe Evangelio ñande ta’ýra ha tajyrakuérape. Ñane responsabilidad túvaicha hesakãporãiterei. Ñandejára he’iakue: “Ha avei, oĩramo tuvakuéra oguerekóva mitã Sión-pe…hano [mbo’éi] chupekuéra pe doctrina arrepentimiento rehegua, pe jerovia Cristo-re, Tupã oikovéva Ra’y, pe bautismo ha pe Espíritu Santo don poñemoĩ rupive, oĝuahẽ vove ocho año-pe, pe pekádo ho’áta ituvakuéra akã ári”16.
Ojapo heta ary, Primera Presidencia ojapo hincapié pe importancia oguerekóva pe tiempo familiar ikalidáva, ha he’i:
“Rojapo peteĩ ñehenói umi túvape ome’ẽ haĝua hi’esfuerzo porãve ombo’e ha omongakuaa haĝua ta’yrakuérape umi Evangelio principio-pe, omantenétava chupekuéra tupao ypýpe. Pe hogar ha’e peteĩ tekove joja pyenda ha mba’eve ambue mba’e ikatu ojagarra henda ni okumpli umi i’función esencial umi rresponsabilidad Tupã ome’ẽva’ekuépe chupekuéra okumpli haĝua.
“Roñemoñe’ẽ tuvakuéra ha ta’yrakuérape tome’ẽ prioridad predominante pe oración familiar-pe, pe Noche de Hogar para la familia, pe estudio ha instrucción del Evangelio-pe, ha umi actividad familiar sana-pe. Jepe iporã umi ambue exigencia terã actividad, ndajahejaiva’erã omohendague umi deber oñeme’ẽva divinamente, umi túva ha familia-kuéra añómante ikatúva ojapo hendapete”17.
Ameditávo upe ñemoñe’ẽ rehe, haimete ha’ese jey peteĩ túva pyahu. Ko ára umi túva oguereko recurso-kuéra hechapyrãitereíva oipytyvõ haĝua chupekuéra pe tiempo en familia isignifikativove haĝua día de reposo aja ha avei opa pe semana aja. PeguerekoLDS.org, Mormon.org, los videos de la Biblia, el Canal Mormón, la biblioteca de obras de arte del Evangelio, la revista Liahona ha hetaitereive recurso. Umi recurso iporãiterei oipytyvõ haĝua tuvakuérape isagrádo deber-pe ombo’évo ita’yrakuérape. Mba’evéichagua tembiapo imba’eguasuve pe jaikuaágui ñamongakuaa porã umi mitãme.
Pembo’évo pe Evangelio, peẽ peikuaavéta. Upéicha Ñandejára penepytyvõ pe komprende haĝua Hi Evangelio. Ha’e he’i:
“Y os mando que os enseñéis el uno al otro la doctrina del reino.
“Enseñaos diligentemente… para que seáis más perfectamente instruidos… en doctrina, en la ley del evangelio, en todas las cosas que pertenecen al reino de Dios”18.
Upeichagua Evangelio estudio ojapo pe día de reposo-gui peteĩ delicia; ha upe promesa oje’aplika taha’e ha’éva pe familia tuichakue, mba’éichapa oñe’integra ha moõpa oiko hikuái.
Avei pehasa rire tiempo pene familia ndive, peẽ ikatu pe’experimenta pe día de reposo delicia añetéva pejapóvo historia familiar rembiapo. Peheka ha petopakuaa umi familiar ouva’ekue ñande mboyve ko Yvy’ári rerakuéra —umi ndoguerekoiva’ekue oportunidad oaceptávo pe Evangelio hekovépe— ha upéva ikatu ome’ẽ peẽme tuicha vy’a.
Che ha’ékuri testigo upévagui. Ojapo heta ary, Wendy, che rembireko ahayhuetéva odecidi o’aprendévo ojapo pe historia familiar investigación. Ñepyrũme, iprogreso mbegue, ha katu sa’i sa’i o’aprende ndahasyiha jajapo ko tembiapo sagrado, ha araka’eve ndahecháiva chupe péicha ovy’aite. Natekotevẽi peẽ peho avei ambue tetãme, ni siquiera peteĩ centro de historia famailiar-pe; pende rógape, peteĩ computadora ha dispositivo móvil reheve, ikatu petopa umi ánga ohupytyse’asýva hína umi ordenanza. Pejapo pe día de reposo-gui peteĩ delicia petopávo umi pende ypykue réra ha pejora chupekuéra upe prisión espiritual-gui19
Pejapo pe día de reposo-gui peteĩ delicia peme’ẽvo servicio pende rapichápe, especialmente umi noñeñanduporãiva térã oĩva ha’eño terã oikotevẽvape20. Pemopu’ãvo hi’animokuéra omopu’ãta avei penemba’e.
Isaías he’irõ guare pe día de reposo ha’eha peteĩ “delicia” ramo, ñanembo’e avei mba’éichapa jajapova’erã deleitable. Ha’e he’iakue:
“[Nde] rejapóiramo… nerembipota pe che ára marangatúpe, ha ehenóiramo péva delicia… ha… ehayhúramo [Jehová-pe] ndaha’éi reikópe nderapérente, ni rehekápe nerembipota ni erépe umi neñe’ẽ,
“upérõ ejedeleitáta Jehová-pe”21.
Ndajahekái pe “ñane rembipota” día de reposo-pe oikotevẽ autodisciplina ha ikatu ndapejapói mba’e pejaposéva, ha katu peiporavóramo pejedeleita Jehová-pe, ndapetratamo’ãi oimeraẽ ambue diáicha. Umi rutina ha actividad recreativa ikatu jajapo ambue momento-pe.
Pepensami kóvare: japagávo pe diezmo, ñame’ẽjey pe décima parte ñane ingreso-gui Ñandejárape. Ñasantifikávo pe día de reposo, jarreserva peteĩ día pe siete áragui Imba’eicharamo. Upéicha, jaguereko privilegio ñakonsagra haĝua ñande pirapire ha ñane tiempo Upe ome’ẽvape ñandéve tekove ára ha ára22.
Pe jerovia Tupãre ñandegueraha jahayhúvo pe día de reposo; pe jerovia día de reposo-re ñandegueraha jahayhúvo Tupãme. Añetehápe, peteĩ día de reposo sagrado ha’e peteĩ delicia.
Ko’áĝa, opakuévo ko conferencia, jaikuaa, oimeraẽ tenda javivihápe, ñande ha’eva’erãha ejemplo de los creyentes ñane familia, vecino ha angirũnguéra apytépe23. Umi creyente añetéva osantifika pe día de reposo.
Ambopaha jerure’asy ha despedida Moroni ombopaháva reheve pe Mormón Kuatiañe’ẽ ohaírõ guare: “…peju Cristo-pe ha peñemoĩporãmba ipype, ha ani pejapo mba’evéichagua mba’evai; ha ndapejapóiramo mba’eve ivaíva, ha pehayhúramo Tupãme opa pene ánga, apytu’ũ, ha mbarete reheve, upéicharamo…peñesantifika Cristo-pe”24.
Tuicha mborayhu reheve, aheja ko’ã ñe’ẽ che ñembo’e, testimonio ha jehovasáramo. Jesucristo rera marangatúpe. Amén.