Upévare omboguapy hikuái ikyhyje

Élder David  A. Bednar rupive

Quórum Doce Apóstoles-gua

Oñembojoavývo Kyhyje mundoguágui, oguerúva alarma ha ansiedad, kyhyje Ñandejáragui, ha´e peteî fuente oguerúva py´aguapy, seguridad ha confiansa.

Che mandu´a porâiterei peteî mba´e ojehúva´ekue chéve che mitâ ramo guare. Peteî ára añemboharái jave che rapichakuérandive, ajapose´ўre ajoka peteì ovetâ almacen oîva´ekue ore róga ypýpegua. Ojekávo pe vídrio ha hyapu alarma de seguridad, peteî kyhyje tuichaitereíva omyenyhê che akâ ha che Korasô. Ahechakuaa upepete apytátaha condenado ahasa haḡua hembymíva cherekovégui, Ka´irâime. Ypahápe katu, che túvakuéra, che convence asê haḡua akañyhágui tupaguýgui, ha chepytyvô hikuái amoî porâ haḡua pe sarambi ajapóva`ekue almacén járare. Vy´ahápe, pe che sentencia ka´irâime jeho rehegua, oñyrô

Kyhyje añandúva´ekue upe árape hi’añete ha ipohýieterei. Oiméne katuete pe experimenta raka`e kyhyje tuichavéva pende rekovépe, peime rire desafío personal tesâi renondépe, oimérô oî miembro pende famíliagua ohasa asýva terâ oîva pelígroguýpe, pejesarekóvo mba´e ikatúva ñanemyangekói ko múndope. Upéicha jave, pe kyhyje ñañandúva oḡuahê pelígro oî rupi, py´a mokôi ha tasy, avei tembiasakue ñaharô´ўva, sapy`ante oḡuahêreínte ha ikatu oprodusi peteî resultado negativo

Ñande rekove ára ha árape, umi opakuaáve´ўva marandu violencia criminal rehegua, ñembyahýi, ñorairô, corrupción, terrorismo, valores opáva ohóvo, mba´asy ha umi fuerza destructiva naturalésapegua, ikatu ogueru kyhyje ha jejopy. Añétehápe jaikove peteî ára Ñandejára oñe´êmava´ekue hese he´ivo: “Ha upe árape… Opa henda yvy ape ári oîta conmoción, ha ikangýta tekove korasôkuéra” (D. y C. 45: 26).

Che objetivo hína ha´e, amombe´u peême mba´éichapa ojedisipa pe kyhyje, Jesucrísto jeikuaa porâ rupive ha jaguerekóvo jerovía hese. Sinseramente Ajerure Esprítu Sánto ñande rovasa haḡua opavavépe ñaconsiderávo oñondivepa ko tema importante.

Kyhyje mortal

Ohendúvo Tupâ ñe´ê, ho´u rire fruto prohibido, Adan ha Eva okañy Jardín de Edénpe. Tupâ Ñandejára ohenói Adán-pe ha oporandu chupe: Mamo piko reime? Ha [Adán] ombohovái: “Ahendu ne ñe´ê… ha akyhyje” ( Génesis 3:9–10). Añetehápe ñepyrûha mba´e oñandúva´ekue Adán ha Eva ho´a rire, ha´e kyhyje. Pe emoción imbaretéva ha´e peteî elemento importante ñande rekovépe ko yvy’ape arigua

Peteî techapyrâ oîva libro de Mormón-pe, orresalta pe jeikuaa Ñandejára poder rehegua. (tojehecha 2 Pedro 1:2–8; Alma 23:5–6) oñemombovy haḡua kyhyje ha jahupyty haḡua py´aguapy, jepe ñambohováivove umi adversidad tuicháva.

Helam yvýpe, Alma tavaygua okyhyje kuri ejército lamanita oavansávo.

Ha katu Alma osê ha oho ijapytepekuéra, ha oñemoñe`ê chupekuéra ani haḡua okyhyje, ha katu imandu´a haḡua Ñandejára, itupâre ha ha´e omosãsotaha chupekuéra.

Upévare omboguapy hikuái ikyhyje (Mosíah 23:27–28).

Pejesareko Alma nomboguapyihague tekovekuéra kyhyje, Añetehápe, Alma, oñemoñe´ê umi ojeroviávape imandu´a haḡua Ñandejára rehe, ha sãso ha´e añónte ikatúva ome´ê (tojehecha 2 Nefi 2:8); ha pe jeikuaa ñeñangareko oguerekóvagui pe Salvador, opermiti umi tekovekuérape omboguapy ikyhyje.

Jeikuaa añeteha jaguerekóva Ñandejáragui, ha jerovia hese, ome´ê ñandéve mbarete, ñamboguapy haḡua ñande kyhyje. Jesucristo añoite ha´e hína pe py`aguapy me´êha. Ha´e odeclara: “Eikumby chehegui ha ehendu che ñe`ê; eguata che espíritu Marangatúre ha reguerekóta py´aguapy. ( D. y C. 19:23).

Mbo´ehára avei omyesakâ “…Ojapóva mba´e iporâva, ohupytýta igalardón, py´aguapy ko múndope ha vida eterna mundo oúva´erâme. (D. y C. 59: 23).

Jeguerovia Crístore, ha confianza imérito, imisericordia ha igraciáre, ñandegueraháta iñexpiación rupive esperansa Resurrección rehe vida etérnape. (tojehecha Moroni 7:41). Pe jerovia ha esperanza jaguerekóva oguerúta ñande rekovépe py´aguapy opavave jahupytyséva. Poder Expiación rehegua oheja ñandéve ñañe’arrepenti ha omokangy desesperanza pecado oguerúva; avei ñanemombarete jahecha ha jajapo haḡua iporâva, ha ñaguahê ñanemarangatúvo, araka´eve nañarreconocemo´ai haicha ñande capasida mortal ramo. Añetehápe, bendición tuichaitéva discipulado devotogua, ha´ehína “Tupâ Ñandejára py´aguapy ohasáva opa entendimiento-pe” (Filipenses 4:7).

Py`aguapy Cristo ome`êva ñandéve, ohechauka vida terrenal pe perspectiva eterna rupive ha ome´ê ñandéve mbarete espiritual ñane (tojehecha Colosenses 1:23), ñanepytyvôva ñamantene haḡua peteî enfoque constante ñande destino celestial-pe. Upévare, Ikatu jajehovasa ñamboguapy haḡua ñande kyhyje Idoctrina rupive ome´êgui ñandéve propósito ha dirección opa ñanderekovépe. Iñordenanza ha conveniokuéra ome´ê ñandéve mbarete ha py´aguapy ára ivai ha iporâva jave. Isacerdocio autoridad ome`ê seguridad umi mba´e iñimportetevéva oikovétaha ko árape, ha eternida peve.

Upéicharõ jepe, ¿ikatu piko ñamboguapy umi kyhyje peichareínte ha manterei ñande akosa ko ñane mundo ko´agâguápe? Ñembohovái ko ñeporandúpe ḡuarâ ha´e “si” añetehápe. Mbohapy principios básicos fundamentales jahupyty haḡua upe jehovasa ñande rekovépe: (1)  Ñaḡuahê Crístope, (2)   Ñamopu´â ñane pyenda Cristo ári ha (3)  Jaguata tenonde gotyo jerovía Crístore reheve.

Ñaḡuahê Crístope

Alma oñemoñe´êva´ekue Helamán-pe, ojeaplica opavave ñandéve ḡuarâ ko ára rupi. “… eñeha´âke tereho Tupâme reikove haḡua” ( Alma 37:47). Ñaḡuahêva´erâ Salvadorpe ha jaguerekova´erâ ñane enfoque mbareté ñañecentrávo hese opa ára ha opa ñaimehápe.

Penemandu´ake umi Ñandejára apostoleskuérare, oimérô guare hikuái yguasu mbytépe. Jesús oho hendapekuéra oguatávo y ape ári; ha ndoikuáivo hikuái chupe, oguerosapukài kyhyje reheve.

“Jesus oñe´ê chupekuéra he´ívo: peñanima! ¡Chénteko, ani Pehykyje!

“Upépe Pedro ombohovái chupe ha he´i : Ñandejára, nde ramo añete, eheja chéve taha ne rendápe y apére.

“Ha Jesús he`i chupe: Eju” Mateo 14:27–29).

Upévo, Pedro oguejy ha oñepyrû oguata pe y apére, ohóvo Jesús rendápe

“Oñandúvo pe yvytu ratâ katu okyhyje ha oñepyrû ho´yguy, ha upépe osapukái. Ñandejára, che pytyvôke!.

“Upévo Jesús ipojái ipóre ha he´i chupe: Rejerovia´i’eterei ra´e. Mba´érepiko nde py´a mokôi reguatâ haḡua? (Mateo 14:30–31).

Ikatu ahecha Pédro-pe ombohováivo mbaretépe ha pya´e Salvador oipepirûvo chupe. Omaña mbaretépe Jesúsre, osê pe kanóagui ha milagrosamente oguata y apére. Hína katu pe hesa odesviá rire, yvytu atâ ha olas rupi, upépe ramo okyhyje ha oñepyrû oñapymi.

Ikatu jahupyty Jehovasa ñavence haḡua ñande kyhyje ha ñamombarete haḡua ñande jerovia jagueroguatávo Ñandejára ñehekombo´e: “Emopu`â che gotyo opa temiandu, ani rekyhyje, ani nde py´a mokôi” (D. y C. 6:36).

Ñamopu´â ñane pyenda Cristo ári

Helamán oñemoñe`ê ita´ýrakuéra Nefi ha Lehípe, “… penemandu´ake, che ra´ykuéra, penemandu´ake pene Redentor ita ári, ha´eva Cristo, Tupâ ra´y, pemoîva`erâha pene pyenda; upéicha pe añâ omondo vove ijyvytu vai, heẽ, kakuaáva yvytu jerépe, heẽ, opa iñamandau ha hi ára pochy vai pende havira vovê, upéva ani oguereko pu´aka pendegueraha haḡua yvykua teko´asy ha jehasa asy opave´ўvape. Pe ita peñemopu´âhague ári rupi, ha´éva peteî pyenda atâ, peteî pyenda yvypórakuéra omopu´âramo hi´ári, ndo´amo´âi. (Helamán 5:12).

Ordenanza ha conveniokuéra ha´e umi pieza fundamental jaipurúva ñaconstrúi haḡua ñande rekove Cristo ha iñexpiación fundamento ári . Ñaime conectado ñande Salvador-re ha hendive amedida jahupyty jahávo ordenansakuéra ha jajapóvo conveniokuéra, jagueromandu´a ha ñamomba´e umi compromiso sagrado ha avei jajapo iporâvéva jaiko haḡua umi obligaciones ja aceptáva´ekue rapépe. Pe joaju ha´e fuente de fortaleza espiritual ha de estabilidad opa ára ñande rekovépe.

Ikatu jajehovasa jahupyty haḡua ñemboguapy ñande kyhyjépe, ja establecévo mbaretépe ñane rembipota ha ñande rembiapo jaguatávo fundamento seguro Salvador-re, ñande ordenanza ha convenio rupive.

Jaguata tenonde gotyo jerovía Crístore reheve

Nefi odeclara: “Upévare, peñemotenondeva´erâ ñemova´ўme Cristo-pe, peguerekóvo peteî ñeha´ârõ porâ mimbi, ha mborayhu tupâre ha mayma yvypórare. Upéicharô, peho ramo tenonde gotyo, pende rorývo Crísto ñe´ême ha peñeha´âmbaitérô ipahaite peve, peina ápe Túva he´i : pehupytýta tekove opave´ўva ( 2 Nefi 31:20).

Perseverancia disciplinada ojehaíva ko versículo-pe, ha´e resultado ñemyesakâ ha visión espiritual rehegua, persevarancia, paciencia ha Ñandejára grasia. Ñemomba´apo jerovia Jesucristo rérape, jajapóvo hembipota hendapete ñande rekovépe, ha jahechakuaa humildemente ipo opa mba´épe, omoheñói umi py´aguapy Tupâ rréinogui oguerúva vy´a ha tekove opave´ўva (tojehecha D. y C. 42:61). Jepe ñambohovake dificultad ha py´amokôi ñande futuro rehegua, ikatu japersevera tesâi ha mbarete reheve ha ñandepy´aguapy jaikóvo piedad ha honestidad rehe. ” (1 Timoteo 2:2).

Ikatu jajehovasa jahupyty haḡua ñemboguapy ñande kyhyjépe jahupytývo fortalesa oúva pe ñeikumby ha jejapógui umi principio del evangelio, ha resolución reheve, jaguata tenonde gotyo conveniokuéra ryepýpe.

Jekyhyje Ñandejáragui.

Iñambuévo ha avei ojojoguávo kyhyje, mantérei ojehúva ñandéve ha’e Escritúrape oñe´êva ohechaukasévo ñandéve “kyhyje” rehegua (Hebreos 12:28) térâ “Tupâgui jekyhyje” (Job 28; Proverbios 16:6; Isaías 11:2–3). Imbojoavývo kyhyje ko múndopegua, ome´êva ñemoindýi ha jepy´apy, kyhyje Ñandejáragui ha`e peteî py´aguapy, seguridad ha confianza renda

Mba´éicha ikatu mba´e kyhyje rehegua ñanemopu´â ha espiritualmente iporâ ñandéve ḡuarâ

Kyhyje oî porâva ahaísévare ko´aḡa oñe´ê peteî profundo sentimiento reverencia, respeto ha jehecharamo Ñandejára Jesucristo rehe (tojehecha Salmos 33:8; 96:4), ñe´êrendu imandamientokuérape (tojehecha Deuteronomio 5:29; 8:6; 10:12; 13:4; Salmos 112:1) ha ñeha´âro Juicio Final ha justicia oîha ipóguýpe. Upéicharô, kyhyje Ñandejáragui oñe´ê comprensión añeteha naturaleza divina ha Jesucristo misión rehegua. Pe disposición oñemoingévo ñane rembipota hembipotápe ha jekuaa opa kuimba´e ha kuña oñe´êva´erâha hembiapovaikuére Jucio Final árape (tojehecha D. y C. 101:78; Artículos de Fe 1:2).

Oñemboajeháicha escritúrakuérape, “kyhyje Ñandejáragui “ha´e arandu ñepyrûpy” ( Proverbios 1:7), ñehekombo´e ha´e arandu (Proverbios 15:33), peteî mbarete jerovia (Proverbios 14:26) ha tekove ykua (Proverbios 14:27).

Pejesareko kyhyje Ñandejáragui oîha ojoajuete peteî jekuaapy Juicio Final rehe ha responsabilidad ñande remikotevê, remiandu, ñe´êngue ha rembiapo rehe. (Tojehecha Mosíah 4:30). Ñandejára kyhyje ndaha`ei peteî pyhy ñaḡuahêvo chupe. Ha´e ñande husga haḡua. Ndaguerovíai oiméneha jakyhyje chugui mba´eve ramo. Añetehápe ha´e, pe expectativa ñaimévo henondépe ha ñambohovái opa mba´e añetehápe ñandejehe voi ha jaguerekóvo pe arandu ijyke`ўva (2 Nefi 9:14; tojehecha Alma 11:43). Opa ñande momarangatukuérare, pretextos ha ñane auto-decepciones-re, Ipahápe japytáta excusa´ўre

Opavave oikómava´ekue con Yvýpe “ojegueraháta okomparece haḡua Tupâ Tribubal renondépe, ojehusga haḡua, iporâ terâ iváíro hembiapo” (Mosíah 16:10). Oimérô ra´e ñane rembipota oguata mba´e porâ gotyo ha ñane rembiapo iporâ, upéicharô tribunal ñanembovy´ata (tojehecha Jacob 6:13; Enós 1:27; Moroni 10:34); upéicha avei oñehepyme´êta ñandéve tekojojápe” (Alma 41:6).

Ha katu oiméro ra´e ñane rembipota ivai ra´e ha ñane rembiapokuéra ivai avei, upéicharo pe Juicio ára ñanemongyhyjéta “Nañanima mo´âi ñamaña ñane Tupâ rehe; ha katu javy´ata ikatu ramo ja´e itakuérape yvytypeguàpe to´a ñande ári ñaneñomi haḡua. (Alma 12:14);ha aḡa ára pahápe, jahupytýta avei ñane jehepyme´ê ivaívagui.(Alma 41:5).

Oñemombyky háicha Eclesiastés-pe

Embojerovia Tupâme ha ejapo hembiapoukapy, upéva niko ha´e Tembiapo tiuchavéva oguerekóva Yvypóra.

Tupâ ojeruréne ñandéve ñamombe´u haḡua chupe opaite mba´e jajapòva, ivaíva terâ iporâva, ha jepevénte ra´e rejapo ñemiháme. (Eclesiasté 12:13–14).

Che hermáno ha hermanakuéra, jekyhyje Ñandejáragui ombogue jekyhyje yvy ape árigua, Omombovy jepy´apy soso, araka´evevaicha nañanemarangatupái espiritualmete ha araka´eve ñaimétaha jagupyty haḡua requisitos Ñandejára oha´arôvape. Añetehápe ndaikatui ñane marangatu upéichaitépeve ñaime haḡua pe altura pévape, ñaconfiaramo ñande katupyry ha capacidad-re añónte. Ñande rembiapo ha rembipota ha´eñoreínte na ñande salva mo`âi “ Jajapo rire opa mba´e ikatúva” ” (2 Nefi 25:23), Jakuera misericordia ha grasia rupivénte jehasa´asy expiasíô Ñande Salvador rupi (véase Alma 34:10, 14).Añetehápe jaguerovia Cristo Expiasión rupive, opaite género humano ikatúha ojesalva, obediencia leyes ha ordenanzas del evangelio, rupive (Artículos de Fe 1:3)

Ñandejáragui Jekyhyje ha´e jahauhy chupe ha ñaconfía hese. Jakyhyjévo Tupâgui, jahayhuve chupe, ha “Mborayhu porâ oipe´a opa kyhyje” (Moroni 8:16). Apromete peême ha´eha pe tesakâ omimbipáva jekyhyje Ñandejáragui omosarambítaha pytû ha jekyhyje yvy ape árigua (véase D. y C. 50:25) ñaguahevêvo ñande Salvador-pe, ñamopu´â hi´ari ñane fundamento ha jaguata tenondégotyo iconvenio ryepýpe peteî compromiso consagrado rehe.

Testimonio ha ñe´êñeme`ê

Ahayhu ha amomba´eguasu Ñandejárape. Ipoder ha ipy´aguapy ha´e mba`e añetéva. Ha`e ha´e ñande Redentor, ha atestifica ha`e oikoveha, ha ha`e rupive, ñane korazô ndokyhyjéi ha ndojepy`apyvéimava´erâ (tojehecha Juan 14:27), ha upéicha jajehovasáta ñamboguapy haḡua ñande kyhyjekuéra. Ko´â mba´ere ame´ê testimonio, Sagrado ha Santo Jesucristo Rérape. Amén