Heẽ, ¡Ikatu ñagana ha ñaganátavoi katu!
Elder Ulisses Soares rupive
Presidencia Setenta pegua
Ñañekãrama porãva’erã ñane testimonio evangelio de Jesucristo-re; upéicha añoite ñaganáta ko batalla mba´e aña ndi cada ko´ẽgua.
Che hermanokuéra ahayhúva, che py´a mirĩ ko privilegio arekóvare añe´ẽvo peẽme, poseedor sacerdocio Tupã Iglesia-pegua oparupi.
Presidente Thomas S. Monson he´i vaekue:
“Sapy’ánte, jaikóvo ko mundo-pe ikatu ñanemongyhyjé. Pe moralidad sociedad pegua ha´ete ku pya´eterei ho´áva hína. Avave, imitãva, itujáva, terã imitãrusúva, ndojelibrái ko´ã mba´e oĩva opárupi ha ikatúva ñande guerahá yvy gotyo ha ñanerundi.
“Ñañorairõ hína pecadokuéra ndive… upeverõ aní ñañedesanima; ko guerra ningo ikatu ñagana ha ñaganáta katuete. Padre Celestial ome´ẽma ñandéve herramienta ñaikotevẽva ñagana haguã”1.
Opavave, imitãva ha itujáva, cada ko´ẽ ñañoraĩro ko guerra omencionáva presidente Monson. Ñane enemigo ha hi-ángelkuéra oñeha´ã ñandedistraese. Ipropósito ha’e ñanemokyre’ỹ jajei haĝua ñane conveniokuéragui jajapova’ekue Ñandejara ndive ha nañañatendéi haguã ñande herencia eterna-re. Ha´ekuera oikuaa porã pe plan Padre Celestial oguerekóva Ita´yrakuérape ĝuarã, ha´ekuéra oĩgui avei ñande apytépe amo Gran Concilio de los Cielos-pe oñepresenta ramo guare. Ojaprovechase hikuáii ñande debilidad ha flaqueza-re, ha ñande mbotavy “tatatĩ iñipytũvare… omoypytũva tesa, ha omohatã umi yvypora kuera ra´y korasõ, ha ogueraha chupekuéra tape pyrusúre, ha péicha okañy, ha oñehundi hikuái”2.
Jepevé ñambohováita oposiciõ, presidente Monson ñanembo´e ikatutaha ñaganá ko guerra ha ñaganátavoi. Ñandejára oconfía ñande capacidad ha determinación jaguerekóva ñagana haĝua.
Escritura kuérape jatopá heta ejemplo kuimba´e ha kuñakuéra oganáva’ekue ko guerra, incluso umi circunstancia yvaietereíva guýpe. Peteĩva ha´e capitán Moroni Libro de Mormón-pe. Upe mitãrusu hechapyrãva ipy’aguasu odefendé haĝua la verdad peteĩ época oĩrõ guare heta contención, disension ha guerrakuéra, o’amenazaba ohunditaha opa nefita retã. Jepevénte ogueraha irresponsabilidakuéra eficiencia reheve, Moroni oguereko gueteri humildad. Upéva ha ambue atributokuéra ojapo toiko chugui peteĩ instrumento excepcional, ha ojedestacáva Tupã poguýpe. Alma ohaí, ikatúramo ra’e ha´e tapiaite, Moroni-chagua, peina ápe, “añaretãmegua pu´akakuéra ojeityvyrova´erãmo´ã tapiaite; [ha] pe aña ndoguekoiva´erãmo´ã pu´aka araka´eve ypypóra ra´ykuera korasõ ári”3. Opa ko´ã atributo Moroni oguerekóva oú pe tuicha fe en Dios ha Señor Jesucristo-re4, ha pe firme determinación oseguívo Tupã Dios ha iprofeta kuera ñe´ẽ5.
Sentido figurado-pe, enterove ñañetransformava’erã capitán Moroni moderno-pe ikatu haguã ñaganá ko guerra influencia del mal rehegua. Cheaikuaa peteĩ mitãrusu diácono oñetransforma capital Moroni moderno-pe. Ha´e oñeha´ã oseguí itúva ha ilíderkuéra Iglesia pegua consejo. Ijerovia ha ideterminación ojeprobá opa ára, jepevé imitã. Omombe´u chéve peteĩ árape oimo´ã ỹre oĩ peteĩ situación ijetu´úvape: isociokuéra omañákuri imagen pornográfica itelefonokuérape.Upe momento-pe, pe mitãrusu odecidí mba´épa iñimportantevé: ipopularidad terã hekojoja. Upe momento rire, oñembopy´a guasu ha he´i isociokuérape hembiapokuéra oĩvaiha. Avei, he´i chupekuéra ohejá va’erãha pe ojapóva hikuái terã oñeconvertíta hikuái esclavo-pe. Heta icompañerokuéra oñembohory iconsejo-re ha he´i chupe ko´ã mba´e ha´eha normal ha ndaha´ei maba´e vai. Upevére, oĩ peteĩ ohenduva’ekue iconsejo ha odecidí ohejávo pe mba´e ojapóva hína.
Pe diácono ejemplo ogueru influencia positiva peteĩ icompañero-pe. Ikatu isocio ha hese oñembohory ha ojegueroperseguí hikuai pe idecision rupi. Por otra parte, oseguí hikuai amonestación Alma ojapo va’ekue itavayguakuérape he´ívo: “ pesẽ umi hekoñañáva apytegui, ha pejei chuguikuéra, ha ani pepoko imba´eky´akuérare”6.
Pe folleto Para la Fortaleza de la Juventud-pe oguereko consejo Primera Presidencia o’aprováva’ekue mitãrusu Iglesia peguarã: “Nde reime responsable nde decisiónkuérare. Tupã ndeguereko presente ha nepytyvõta ejapo haĝua decisionkuéra iporãva, nde familia ha nde amigokuéra oipuruvaíramo jepe ijalbedrío. Ndevaléva’erã moralmente epyta haĝua ñemova’ỹme re’obedecévo Tupã rembipota,, repytáramo jepe ne’año. Péicha rejaporõ, eme´ẽta ejhemplo ambue nde rapicha osegui haguã”7.
Ko guerra entre el bien y el mal ocontinuáta jaikove aja, pe adversario propósito ha´e opavave ñande rapichakuéra imiserable ha´éicha. Satanás ha hiángelkuéra oñeha´ãta ñande confundí ñande pensamiento-pe ha ñande controláseta ñanetentavo japeká haguã. Oconseguirõ, ombyaíta opa mba´e iporãva. No obstante, iporã ñacomprende ha´ekuéra oguerekóta pu´aka a medida ñapermití chupekuéra.
Escritura pe avei oĩ heta ejhemplo tapichakuéra ohenduva’ekue adversario influencia, ha´ekuéra oñeconfundi ha oñehundi opakuévo hekove, umíva ha´e Nehor, Korihor ha Sherem. Ñaĩmeva’erã preparado ko´ã peligro-gui. Ani jahejá ñaneconfundi ko´ã mensaje ipopulárva yvoragua o’aceptáva fácilmente ha ocontradecíva doctrina ha principiokuéra añeteguáva Jesucristo evangelio rehegua. Heta umi mensaje mundano ha´énte intento ko sociedad ohustifika haguã pekádo. Ñanemandu´ava’erã, amó ipahápe, ñañembo’yva’erã Cristo renondépe “jaje huzgá haguã [ñane] rembiapóre, ha´erõ jepe iporã terã ivaíva”8. Oñepresenta vove umi mensaje mundano, oñeikotevẽta tuicha py’aguasu ha peteĩ kuaapy oñemova’ỹva ñande Ru Yvagagua plan rehegua jaiporavo haguã mba´e oĩporãva.
Opavave ikatu orrecibi mbarete oiporavo porã haguã oheká ramo Ñandejárape ha omoĩ ramo Hese iconfianza ha jerovia; ha katu, Escriturakuéra ñanembo´eháicha, jaguerekova’erã “peteĩ korasõ sincero” ha “verdadera intención”, upéramo Ñandejára Imisericordia infinita-pe “ ha´e ohechaukáta peẽme ko´ãva añeteguaha”… “Espíritu Santo pu´aka rupive; ha Espíritu Santo pu´aka rupive ikatúta peikuaa añetegua opa mba´e rehegua”9.
Pe conocimiento ome´ẽva Espíritu Santo ha´e ñande testimonio, omongakuaáva ñande jerovia ha determinación jasegui haguã enseñanzas del Evangelio restaurado ko último día-pe, jepeve umi mensaje ipopulárva ñahendúva. Ñande jerovia ha ñande testimonio oikóta escudo ramo ñande protege haguã umi ardiente dardo-gui pe adversario oñeha´ãvo ñande ataca10. Ñande testimonio ñandeguiata con seguridad tatatĩ pytũmby ha confusión rupive oĩva ko árape yvy´apere11.
Ko principio che aikuaa aservíramoguare che mitãverõ misionero ramo. Che mandu´a che compañero ndive roservi peteĩ rama michĩva Tupao pegua. Roñeha´ã roñemongeta opavave ndive pe ciudápe; orerrecibi porã hikuái, ha katu odiscutise hikuái umi escritura rehe ha ojerure oréve evidencia iconcrétova añeteguaha la rombo´eva.
Che mandu´a che compañero ndive roñeha´a jave rohechauka peteĩ mba´e, Tupã Espíritu orerejá ha roñeñandu perdido ha confundido. Roñandu ore firmeveva’erãha ore testimonio-pe umi añetegua Evangelio rehegua rombo´évape. Chemandu’a, upéguive tenondeve peve, Rotestificá jave ore korasõ mbytéguive, pe kotype oú peteĩ pu´aka oconfirmáva ouha Espíritu Santo-gui ha ndaipóri lugar confusiónrã ni discusiónrã. Che aikua ndaiporiha fuerza del mal ikatúva oconfundi, ombotavy terã omokangy pe pu´aka testimonio sincero osẽva peteĩ discípulo verdadero-gui Salvador Jesucristo rérape .
Ñande Salvador ñanembo´e, pe adversario ñande mbokachase trigo rakãicha ha oipota japerde capacidad ha’e haĝua peteĩ influencia porã ko mundo-pe12.
Che hermanokuéra ahayhúva, ola de confusión ha duda oñemyãsãi ko árape opárupi, jajejoko hatãveva’erã ñande testimonio-re evangelio de Jesucristo reheguáva. Upéicha okakuaavéta ñande capacidad ñadefende haguã pe añetegua ha hustísia okakuaáveta, ñaganáta ko batalla diaria ñambohováivo mba´evai, ha japerde rangue ko batalla de la vida, japersuadíta ambue ñande rapichápe toseguí ko´ã norma del Maestro.
Enterovépe ajerure pehekáke ñemo’ã umi enseñanza jatopáva Escritura-pe. Capitán Moroni omoĩ ijerovia Tupãre ha itestimonio añeteguágui pe conocimiento ha sabiduría jatopáva Escritura-pe ndive. Upévare, oguereko confianza orrecibitaha Ñandejára jehovasa ha ohupytytaha heta victoria, añetehápe oikova’ekue.
Ajerure peẽme tapeñemo’ã pe ñane profeta actual ñe´ẽ arandukuérape . Presidente Thomas S. Monson he´i: “Ñande, ñañe’ordena va’ekue Tupã sacerdocio-pe, ikatu ñamarcá pe diferencia. Ñamantenévo ñande pureza personal ha ña’onra ramo ñande sacerdocio, ñañekonverti ejemplo hekojojávape umi ambue ikatúva oseguí… [ha jaipytyvõ] jahesape haguã ko mundo ipytũvéva ohóvo”13.
Ajerure peẽme peconfia haguã pe Jesucristo expiación pu’aka ha méritore. Ha´e rupi, ikatu ñande jaguereko py’aguasu ñagana haguã opáichagua guerra ko árape, jepe dificultad, desafío ha tentacion mbytépe. Ñaconfiáke Imborayhu ha Ipu´akáre jajesalva haguã. Jesucristo voi he´iva’ekue:
“Che ha´e tape, añetegua ha tekove; avave ndoúi Che Ru rendápe ndaha´éiramo Che rupi”14.
“Che ha´e yvóra resape; Che seguíva ndoikomo´ãi pytũmbýpe, ha oguerekóta tesape hekovépe”15.
“Ko´ã mba´e ha´e peẽme peguereko haguã py´aguapy. Ko mundo-pe peguerekóta py´apy. Ha katu pe-confia; che avencéva’ekue ko mundo-pe”16.
Atestifica ko´ã añeteguágui Jesucristo rérape isagrádova. Amén.