Japyta pe yvyramáta ypýpe
Elder Kevin W. Pearson rupive
Setenta-gua
Pe visión oguerekova’ekue Lehi pe Yvyramáta tekove rehegua ha’e peteĩ potente parábola mba’épa ha’e perseverar ipahaite peve rehegua.
Presidente Heber J. Grant Omano mboyvemi, peteĩ Autorida General oho ovisita chupe, ha oĩ aja upépe ohendu Presidente oñembo’erõ: “ Oh Tupã, cherovasána ani haĝua aperde che testimonio ha tapyta fiel ipahápeve!”1. Upéva ha’e iñembo’e’asy ha’e rire 20 año rupi pe Tupao presidente. Iñejemplo ha’e peteĩ potente recordatorio maãvéva, mba’éve edad-pe, ha’e inmune Satana influencia-pe; mokõi arma mbarete ha’e oipurúva ha’e pe distracción ha pe mbotavy.
Perseverar ipahaite peve ha’e peteĩ señal upe discipulado añetégui ha iñesencial vida eterna-pe ĝuarã. Ha katu ñambohovakévo pruebas ha jehasa’asy, heta vece oje’e ñandéve sencillamente “ña’aguantava’erãha”. Amohesãkase peteĩ mba’e: “aguantar” ndaha’ei peteĩ pricipio evangelio rehegua. Perseverar ipahaite peve he’ise jaju memeva’erã Cristo-pe ha jajeperfeciona ipype.
Perseverar ipahaite peve iñesencial ramo jahupyty haĝua pe vida eterna ¿ Mba’ére piko ñañorairõva’erã ñanderekojoja haĝua? Jalucha ñaimeramo mokõi mba’e apytépe okompetíva prioridad rehe. Pe obediencia despreocupada ha pe kompromiso tibio ombyai pe jerovia. Persevarar ipahaite peve oexigi peteĩ kompromiso total pe Salvador ha Ikonveniokuéra ndive.
Pe visión oguerekova’ekue Lehi pe Yvyramáta tekove rehegua ha’e peteĩ potente parábola perseverar ipahaite peve rehegua; pe’estudiamina pe Lehi sueño ha pejepy’amongeta upéva rehe, peñembo’évo; upéi, pe’aplika pende jupe. Pejapóvo upéicha, pekonsidera porãmi seis principios iñimportánteva ñanepytyvõva japersevera haĝua ipahaite peve.
1. Ani penderesarái ñembo’égui
Opa mba’e oñepyrũ Lehi ndive, ha’eño “ Peteĩ desierto pytũ ha ilúgubreva”2. Opavave ñande jahasa periodo de oscurida ha soledad-re. “ Al navegar por ese mar de desesperación mi alma se consuela en secreta oración”3. Pesegui pe presidente Heber J. Grant ejemplo ha peñembo’e pejerurévo mbarete pepersevera haĝua ipahaite peve. Peporandu Túva Yvagaguápe: ¿ Mba’épa reipotave che ajapo?”
2. Peju Cristo-pe ha peñeperfecciona Ipype
Pe yvyramáta tekove rehegua ha’e Lehi kerarecha apytu’ũ. Opa mba’e ohechauka pe yvyramáta omoha’angáva Cristo-pe, ha’éva peteĩ Tupã mborayhu rechaukaha hesakãporãva. Pe yva ha’e Ijexpiasiõ infinita, peteĩ tuicha evidencia Tupã mborayhúgui. Pe tekove opave’ỹva ñande seres queridos ndive ha’e mba’e ndehe’ẽvéva ha jaipotavéva opa mba’égui; jahupyty haĝua upe don, “jajuva’erã Cristo-pe ha [jajeperfecciona] ipype”4. Ha’e “pe tape, ha añetegua ha tekove”5. Ikatu ñamyenyhẽ ñande rekove tembiapo porã ha jehupyty reheve, ha katu ipahápe, ndajajapóiramo konveniokuéra marangatu jaseguitaha Cristo-pe ha ñañongatu umíva tekojojápe, jafrakasapaitéta ñakumplívo ñande propósito añetéva.
3. Pesegui tenonde gotyo jerovia reheve
Oĩ peteĩ tape ogueraháva pe yvyramáta tekove reheguávape, Cristo-pe; ipo’i, ijestricto ha ijexacto. Tupã mandamientokuéra ijestricto ha katu ndaha’éi restrictivo; ñandeprotege umi peligro espiritual ha físico-gui ha oevita ñakañy.
Pe obediencia odesarrolla jerovia Cristo-re. Pe jerovia ha’e peteĩ principio de acción ha pu’aka. Jaseguimemévo pe Salvador ejemplo ñamopu’ã ñande katupyry ha mbarete espiritual. Pe Expiasiõ pu’aka ñanemombarete ha ñanemopotĩva’ỹre, ndaikatúi japyta pe tapépe ha japersevera.
“Upévare peñemotenondeva’erã ñemovã’ỹme Cristo-pe”6.
4. Pe Libro de Mormón ha’e pe clave supervivencia espiritualpe ĝuarã
Ko tekovére jeiko hasy, ha ndahsyiete jajedistrae, ñasẽ pe tapégui ha ñakañy.Pe jehasa’asy ha’e peteĩ mba’e inevitable ha tekotevẽva ñande progreso eterno-pe ĝuarã; ou vove pe jehasa’asy ani peheja peteĩ mba’e napentendepáiva ohundi umi mba’e peikuaa añetéva. Peguereko paciencia, peñekarama pe añeteguáre ha perrecivita komprensión. Umi prueba ha’e peteĩ tuicha vapor de tienieblas-cha ikatúva ñandecega ha omohatã ñane korasõ. Nañaimeirõ “jajejagarra memévo”7 Tupã ñe’ẽre, ha javivi upéva, ñaneresatũta espiritualmente ha’e rangue de ánimo espiritual. Pehesa’ỹijo pe Libro de Mormón ha umi profeta oikovéva ñe’ẽ ¡ára ha ára, opa ára aja! Péva ha’e clave ñañemo’ã haĝua espiritualmente ha ja’evita haĝua pe mbotavy. Upeva’ỹre ñakañy espiritualmente.
5. Ani pejedistrae ha ani peñembotavyka
Ñakonsidera peteĩ mba’e he’ise ñame’ẽ chupe atención minuciosa. Pe prestáramo atención umi ndogueroviáiva Cristo-pe napenepytyvõmo’ãi pejuhu haĝua Chupe; jahekarõ internet-pe “edificio espacioso” 8; jatopa haĝua kuaapy nañandeguerahamo’ãi pe añeteguápe. Ndaipórigui upépe. Pe Salvador añónte oguereko umi “ ñe’ẽ vida eterna rehegua” 9 oimeraẽ ambue mba’e ha’e ñe’ẽnguérante. Pe edificio tuicha ha ijespaciósova osimboliza umi “vanas ilusiones ha pe orgullo” del mundo, terã ambue ñe’ẽme, distracción ha mbotavy; henyhẽ hénte oñemondeporãvagui ojoguáva oguerekoha opa mba’e ha katu ojeburla pe Salvador ha umi chupe oseguíva rehe; ha’e umi hénte “tapiaite oaprendéva hína, ha katu araka’eve ndaikatúi oĝuahẽ pe añetegua jeikuaápe” 10. Ikatu políticamente oĩ porã hikuái ha katu espiritualmente okañy.
6. Japyta pe yvyramáta ypýpe
Pe Lehi mensaje ningo ha’e japytava’erãha pe yvyramáta ypýpe, ha japyta ñañekonvertihaguére Ñandejárape. Alma ombo’e kóva: “Peina ápe, Ha’e omoambuékuri ikorasõkuéra; heẽ, Ha’e omombay chupekuéra peteĩ jeke atãgui, ha opay hikuái Tupãme”11. Ñame’ẽvo ñane korasõ Tupãme, Espíritu Santo omoambue ñande naturalezaite, ha ñañekonvertipaite Ñandejárape ha ndajahekavéima pe edificio espacioso. Ha katu ndajajapoirõ umi mba’e oproducíva peteĩ konversión pypuku, jajevyjey espiritualmente. Pe apostasía ningo ijopuesto pe konversióngui.
Opa misionerokuéra, yma ha ko’aĝaguápe: Elderes ha hermanakuéra, peẽ ndaikatúi simplemente pejujey misión-gui, peñapymi Babilonia-pe ha pehasa heta hora pegana haĝua punto ivvyroreíva umi video juego-pe pe’a’ỹre peteĩ jeke espiritual pypukúpe. Ndaikatúi avei peipuru pornografía internet-pe ha pemboyke pe virtud ha kastidad peguereko’ỹre cosecuencias espirituales ivaietereíva. Peperderõ pe Espíritu, pejeperde pendejupe; ani pejedistrae ni peñembotavyuka.
Umi discípulo añetéva okontinua hikuái opáyvo Tupãme opa ára, ñembo’e personal añetéva, estudio de las escrituras, obediencia personal ha servicio desinteresado rupive. Pepyta pe yvyramáta ykére ha pepáy meme.
Ojapo heta ary, che ha che rembireko roñehenói ropresidi haĝua Mision Tacoma Wshintong. Pe ñehenói orejagarra totalmente de sorpresa. Jepy’apy’imi reheve añerreuni pe compañía che amba’apohápe presidente ha director general ndive ha amombe’u chupekuéra che llamamiento misional-gui; Ipochy hikuái ahejatahaguére pe empresa ha oporandu chéve: “ Araka’e piko rejagarra upe decisión ha mba’ére nereñe’ẽi orendive?”
Peteĩ momento hesakãme, ou che akãme peteĩ respuesta profunda ha ha’e chupekuéra: “ Ajagarrákuri pe decisión aguerekóramoguare diecinueve años ha ajapo témplope konvénio sagrado Tupãndive aseguitaha pe Salvador-pe. Amopyenda opa che rekove umi konvénio ári ha aguereko intención ajapóvo upéva ko’aĝaite peve”
Jaike guive konvéniope Tupã ndive, ndaipóri jeguevi. Ñañerrendi, jajapyhara terã ñañeme’ẽ por vencido ndaha’éi opción. Tupã rréinope oĩ peteĩ norma de excelencia exaltacionpe ĝuarã, ¡ ha oikotevẽ discipulokuéra ipy’aguasúva! Ndaipóri tenda umi discípulo mediocrepe ĝuarã ni umi oñekomplacéva ijupe. Mediocreva ikontrario pe excelénciagui ha peteĩ kompromiso ikalidad médiava ndohejamo’ãi pepersevera ipahaite peve.
Peimerõ peteĩ ñorairõme, confundido, terã pekañy espiritualmente, poexorta pejapo haĝua umi mba’e che aikuaa pendegueraha jeytaha pe tapépe: peñepyrũ jey pestudia pe Libro de Mormón ñembo’épe ha pevivi hekomboekuéra ára ha ára opa ára! Atestifika pe tuicha pu’aka orekóvagui pe Libro de Mormón omoambue haĝua pende rekove ha omombarete haĝua pende determinación pesegui haĝua Cristo-pe. Pe Espíritu Santo omoambuéta pene korasõ ha penepytyvõta pehecha haĝua “ umi mba’e ha’eháicha añetépe”12; ha ohechaukáta peẽme umi mba’e pejapova’erã upéi. Kóva ha’e Nefi promesa peẽme ĝuarã:
“Ha ha’e chupekuéra…umi ohendúva pe Tupã ñe’ẽ ha ojejgarra hatãva hese, nomanomo’ãiha araka’eve; ha ndaipu’akamo’ãi hesekuéra py’ara’ãkuéra ni umi ñande rayhu’ỹva arma hendypáva omoypytũ haĝua chupekuéra, ha ogueraha haĝua chupekuéra oñehundi peve.
“Upévare…añemoñe’ẽ…ohendu haĝua Tupã ñe’ẽ ha imandu’a haĝua hikuái iñe’ẽrendu haĝua tapiaite hembiapoukapykuérare opa mba’épe”13.
Hermano ha hermanakuéra, ñañeha’ã ipahaite peve ha’e pe discipulado prueba tuichaitéva. Ñane condición diaria discípuloicha odetermináta ñande destino eterno. Pepáy Tupãme ĝuarã, pejejagarra hatã pe añeteguáre, peñongatu umi konvénio sagrado pejapova’ekue témplope ¡ ha pepyta pe yvyramáta ypýpe!
Atestifika pe Cristo rresucitado ha oikovévagui. Che aikuaa Ha’e oikoveha. Pe che aipotavéva ningo ha’e cheañete ha cherekojoja aseguívo Iñejemplo hechapyrãva. Jesucristo réra marangatúpe. Amen.