Mba´érepa iñimportante ñemenda ha familiakuéra – Opa ko múndore
Élder L. Tom Perry rupive.
Quórum Doce Apóstoles-gua
Família ha´e centro ñande rekovépegua ha clave jahupyty haḡua felicidad eterna.
Noviembre ohasava´ekuépe, aguereko kuri privilegio che invitávo hikuái, Presidente Henry B. Eyring ha obispo Gérald Caussé ndive, aparticipa haḡua peteî aty matrimonio ha familia rehegua, oikóva´ekue Vaticano Róma, Itália-pe. Avei ijaty avei upépe representantes 14 religióngua ojoparáva, seis, umi siete continente oîvagui. Opavave umi tekovekuéra oñe invita kuri oñe´ê haḡua ijerovia oikóva hina famíliakuérare ñane mundo ko´aḡaguápe.
Papa Francisco omoñepyrũ peteîha sesión pe asambléape, he´ívo ko´â mba´e: Jaiko peteî cultura oñeimprovisahápe, oîhápe hetave tekove orrenuncíava ñemendápe peteî compromiso público háicha. Ko sarambi costumbre ha moral rehegua, mantérei oheja oñemboveve bandera sasô rehegua, añetehápe katu ogueru devastación espiritual ha material hetaiterei tekovépe, especialmente umi ikangyvévape… Ha´ekuéra ha´e ohasa asyvéva ko crísispe. ”1.
Oñe´êvo generación pyahúre, he´i iñimportánteha ndojehejáivo hikuái ojegueraha ñemiandu ojapovaíva ha´éva provisorio rehe… ha ta irrerevolucionario py´aguasu reheve oheka haḡua mborayhu mbarete ha añetegua, terã ha´ese, tojeho corriente contra gotyo; upéva ha´e pe ojejapóva´erâ.2.
Iñe´êngue, oñembopuku mbohapy ára pukukuejaveve, oihápe presentaciones ha ñemiandu líderes religiososkuéra ojapóva ñemenda peteî kuimba´e ha peteî kuña ojoehe rehe. Ahendúvo ko´â heta religiosokuéra opavave mundo jeréregua, ahendu chupekuéra oîjoa peteî ñe´ême ha ojo apojávo oño creenciakuérape oñeñe´êvo santidad ñemenda ha familiakuéra ha´eha unidad básica sociedagua. Oguahê chéve peteî mbarete ñemiandu armonia ha unidad hendivekuéra.
Oî heta ohecha kuaáva ha omombre´úva pe unidad, ha ojapo hikuái heta hendáicha, Peteî chepy´ara´âva´ekue ha´e peteî erudito musulman Irán-gua he´ivo mokôi párrafos oîháichaite ñane proclamación familia reheguáre.
Pe aty aja, ahecha tekovekuéra ambue creenciagua, denominaciones ha religionesgua, oñembojoajúha oñeñe´êvo ñemenda ha familia rehe, avei, oñembojoaju valoreskuérare, fidelida ha compromiso ojeykekóva unidad familiar rehe. Che mbovy´a ajechávo mba´éichapa umi priorida oñecentráva familia rehe imbareteve umi joavy políka, ekonómica ha religiosakuéragui. Oñeñe´êvo mborayhu cónjuge rehe ha umi esperansa, jepy´apy ha jehupytyse ta`ýra ha tajyrakuéra rehegua, ñañombojoja paite.
Iporãiterei aime aty opaveve umi presentadoreskuéra opa henda rupigua he´ivo peteî ñe´ême hemiandu importancia ñemenda peteî kuimba´e ha peteî kuña oñondive rehegua. Opavave discursokuéra isўi testimonio ambue líder religiosokuérare. Presidente Henry B. Eyring, ome´ê ipaha testimonio pe atýpegua. Ha´e otestifica poder reheve mba´e iporãitereíva ha´eva pe entrega ñemendápe ha ñande jerovia rehegua pe bendición prometida família eterna rehegua.
Testimonio presidente Eyring ome´êva´ekue ha´e peteî manera hendapete oñemboty haḡua umi mbohapy ára especial.
Oiméne peporandu pendejupe: “Oimerô oî hetavéva oiva´ekue pe atýpe ohechakuaáva pe ñembojoja oîva prioridad ha jerovia família rehe, opavave umi religiónkuéra ocoincidi ramo ha´eva´erâha ñemenda, ha oîvo hikuái peteî ñe´ême valor oñeme´êva´erã ogapy ha relaciones familiares-pe, upéicharõ, ¿mba´épe jajoavy chuguikuéra? ¿Mba´éicha ñañe distingui ha mba´épe ijoavy Iglesia de Jesucristo de los Santos de los Últimos Días opa mundoguágui?”.
Péina ape ñembohovái: Iporáitereírô jepe ahecha ha ahechakuaa jaguerekoha heta mba´e ojoehegua opa mundoguándive oñeñe´êvo família rehe, ñande añoite jaguereko perspectiva eterna Evangelio Restaurado rehegua.
Evangelio restaurado o aportáva oñeñe´êvo ñemenda ha familia rehe tuicha ha imba´eguasueterei, araka´eve noîrei mo´êiha ja´ejey: ¡ñandéve ḡuarã ha´e peteî mba´e eterno! Jagueraha compromiso ha santidad ñemenda rehegua peteî nivel ijyvatevéva ñande jerovia ha ñande jekuaa famíliakuéra o existíhague ko mundo mboyvéguive ha ohótaha eternidad peve.
Purehéi Primáriagua “Las familias pueden ser eternas”, Ruth Gardner rehe, ohekombo´e ko doctrina isensilloiterei háicha. Peñamindu´u sapy´ami umi mitâ primariaguáre, opa hendápegua opurahéivo iñe´ênguérape ipulmón ome´ê haicha ha kyre´ўme mborayhy famíliare añoite ikatúva omomorâ
“Familiakuéra ikatu iñeterna”
Plan divino rupive
Che aeredase hogar celestial
Che mba´endi, eternida peve.3.
Opa teología ñande Evangelio restauradogua, ojerére familia ha pyahu ha sempiterno convenio matrimonio rehe. Iglesia Jesucristo Santos de los Últimos Días-pe jaguerovia peteî tekove premortal rehe, opavave jaikohaguépe Tupã Ñandejára ra´yicha, ñande procreava´ekue espíritupe. Jaguerovia ñande ha´e hague ha ha´égueteriha ifamíliagua.
Jaguerovia vínculos matrimoniales ha familiares ikatuha isўi amo mombyryve sepúlcrogui, ñemenda ojejapóva umi oguerekóva autorida añeteha rehe témplo-pe osegíta ovale mundo oúva´erãpe. Ñande ceremonia ñemendahápe ojepe´a pe ñe´ê he´iva “ñemano pende separa peve”, upéa rangue oje´e “ko árare ha eternidá rehe”
Avei jaguerovia umi família tradicionales mbarete oîva, ndaha´eiha unidad básica sociedad estáblegua, economía estáblegua ha peteî cultura ha valores establesgua añónte, avei ha´e unidad básica eternidágua ha reino ha gobierno Ñandejára mba´e.
Jaguerovia organización ha gobierno yvágagua ojestablesetaha familia ha opavave parientekuéra jerere.
Ha´e Ñande creencia rupive ñemenda ha famíliakuéra iñetérnoha, tupâoháicha, jaikose líder ha participantes ramo movimiento mundialeskuérape oporomombaretéva. Jaikuaa ndaha´eiha umi tekovekuéra oguerekóva peteî vida religiosa ha activa añónte oguerekoha valores ha prioridades ojoehegua matrimonios perdurables la relaciones familiares imbaretéva rehegua. Oî Hetaiterei tekove ndaireligiósoiva oguahêva conclusiónpe ñemenda ha peteî estilo de vida familiar oñepia´ãva ha´eha forma iprudente, iñeconómico ha ijevy´aveháicha jaikove.
Avavépe noñantohái araka´eve peteî forma iporãveháicha oñemongakuaa haḡua generación tenondeguápe ndaha´éiva peteî ogapy ryepýpe tuvakuéra omendáva ha ita´yráva hápe.
Mba´ére iñimpotánteva´erã ñemenda ha familia opavave hendápe? Ñeporandu ojejapóva temiandu tekovekuérape, ohechauka pe ñemenda ha´ehágueteri peteî estado ideal ha esperansa hetave aty apytépe, avei generación milenio guápe, oñehenduetereihápe ojepyta soltero háicha, sasõ personal ha jeiko oñondive ñemenda rangue. Añeteháva ha´e oîha hetave imembysévagueteri ha oestableseséva familia imbaretéva
Ñamenda ha ñande ra´y terâ ñande rajy rire, añeteha mba´e ojoehegua oguerekóva opavave humanidad ojehechakuaavéma. Mba´éicha “Tekovekuéra jaguerovíava famíliape, jahecha´ўre moôpa jaiko terâ mba`épa ñande creencias religiosas, ñambohovake heta problema ojoeheguáva, jajapo ojoehegua ajustes ha jaguereko ojoehegua esperansas, jepy´apy ha jeipota ñande ra´ykuérape ḡuarã
He´i haguéicha ohaíva New York Times, David Brooks: “Tekovekuérape ndohoporãvéi oñeme´erõ opaite sasõ personal ojapo haḡua ojaposéva, ohoporãve chupekuéra oñangarekóvo icompromisokuérare otrascendéva iñintereses personalkuérape: compromiso ifamíliandive Tupãndive, Hembiaporãndive ha Hetãndive”4.
Peteĩ problema ha´e heta mba´e mundo ocompartíva medios de comunicación ha entretenimiento rupive, ndohói prioridades ha valores oikumbýva hetave tapichakuéra. Hetaiterei mba´e ojehechaukáva Téle rupive, películakuéra, música ha internet ohechauka ojapóva umi imbovyvéva, orepresenta gua´úvo hetavévape. Inmoralidad ha amoralidad oḡuahẽva violencia gráfica guive sexo recreativo peve, ojehechaukase ñandéve peteî mba´e normal ramo, ha ikatu omoñeñandu vai umi oguerekóva valores convencionales-pe iñantikuádorô guáicha. Peteî ára medios de comunicación ha internet odominahápe, araka´eve ndahasyvéiva oñemongakuaa ta´ýra ha tajýra responsable ha ñamante oñondive matrimonio ha famíliakuérape.
Upéichavérõ, ohechaukárô jepe ñandéve umi medios de comunicación ha entretenimiento-pe, ha oîro jepe tuichaiteréi declinación ñemenda rehe ha famíliakuérare tapichakuéra rehe, oî hetave tekovekuéra ojerovíava gueteri matrimonio oikóva´erãha peteî kiumba´e ha peteî kuñándive, ojerovia fidelidad matrimonio rehe ha umi votos matrimoniales rehe he´íva: mba´asy ha tesãime, ñemano pende separá peve.
Sapy´a py`ante ñanemandu`ava`erâ, che mo mandu`aha`eicha hikuái Róma-pe, pe mba`e ñane mbopy`aguapýva ha ñanemombaretèva ñemenda ha família ha`egueteriha mba`e hetave tekove oipotáva, ha nañaimeiha ñane año ko jeguerovía-pe. Araka`eve ndahasyvéiva jajuhu peteî equilibrio ñemba`apo, família ha tekotevê personal jaguerekóva ko ñande árape. Tupâoháicha, ñande rembipota ha´e ñepytўvô opa mba´e ikatúvape oñeforma ha oñeipytyvô ñemenda ha família mbarete.
Upe mba`ere ha`e Tupâo oparticipáha activamente heta atý ha tembiapo interreligiosas oikóvape, ha ome`ê tekombo`e oñemombarete haḡua famíliakuéra. Upévare ñacomparti ñande valoreskuéra oñecentráva famíliare umi medios de comunicación ha redes sociales oîvápe. Upévare ñakompartí ñande registro genealógikokuéra ha umi ñande ypykuéra réra opa tekove múndopegua ndive
Jaipota ñane ñe`ê oñehendu, contrariamente umi jeikove jejapu ha alternativo oñemoîva ñane renondépe oñemoambue haḡua pe organisasión familiar Tupâite o establecéva´ekue. Avei jaipotá ñane ñe`e oñehendu ñambo`ajévo jevy`a ha realisasión ome`êva ñandéve pe familia tradicional. Ñacontinuava`erâ japroyecta pe ñe`ê opa hendápe mundo jerére ha ñamombe`u mba´erepa pe ñemenda ha familia iñimportànteite, ha ha`e ñemenda ha familia añetehápe iñimportante, ha péicha meméta katuétei.
Che hermano ha hermakuéra, Evangélio restaurado ojere ñemenda ha familiakuérare. Ha´e avei matrimónio ha famíliape ñañombojoajuvétaha ambue religionkuéra ndive, Ha´e matrimónio ha famíliape jajuhútaha mba´e ojoehegua jaguerekóva oñondive opa mundogua ndive. Ha´e matrimónio ha famíliare Iglesia de Jesucristo de los Santos de los Últimos Días oguerekoha oportunidad tuichave ha´evo peteî tesape cerro ári.
Aipota peheja chéve ambopaha, Atestificávo (ha ko`â nueve décadas aguerekóva che ári, ome´ê chéve derecho ha`évo ko`â mba´e) Che tujavévo ahávo, ajehechakuaavéntema familia ha´eha centro de vida ha clave jahupyty haĝua felicidad eterna.
Ame`ê che aguije che rembirekóre, che ra´ykuérare, che nieto ha che bisnietokuérare, che primo, che suegrokuérare, che rovajakuérare ha opa che família polítika ha opavave che parientekuérare ojapóva che rekové henyhê, ha avei iñeterno. Pe verdad etérnagui ame`ê che firme ha sagrado testimonio, Jesucristo rérape, Amén.