¿Hechapyrã gueteri piko peême ḡuarâ?
Obispo Gérald Caussé rupive
Primer Consejero Obispado Presidéntegua
Jahecha ramo maravillas Evangéliogua, ha´e peteî signo de fe; ha´e, jahechakuaa Ñandejára po ñande rekovépe ha opa mba´e oîva ñande jerére.
Che rembireko ha che, roguereko kuri vy´a tuichaitereíva romongakuaávo ore cinco ra´ykuéra tava´i iporáitéva Paris ypýpe. Roiko aja upépe, rome´êse kuri heta oportunidad chupekuéra odeskubrívo maravillas ko múndogua. káda ára haku jave, veráno-pe, ore familia ojapo viahe puku rovisita haĝua monumentos, lugares históricos ha maravillas naturales imba´eguasuvéva Europa-pegua. Ipahápe, ohasa rire 22 ary roiko rire Paris zona-pe, rovapotaite jave. Che mandu´a porâ gueteri pe ára che ra´ykuéra he´irô guare chéve: Ore Ru!, nañatîri piko! Jaiko ko´ape hetaiterei ary ha araka´eve ndajaháiva Torre Eiffel-pe!
Oî hetaiterei maravillas ko múndope. Há katu sapy´ante, jaguerekóvo ñande resa renondépe meme, ndajahecha ramôi. Ñamaña, ha katu ndajahechái añetehápe; Ñahendu, ha añetehápe nda jajapysakái.
Jesús, iministerio aja yvy ape ári, he´iva´ekue idiscipuloskuérape:
Ovy´aiténe umi ohecháva pe peê pehecháva hina,
“Añetehápe ha´e peême, heta maranduhára ha heta mburuvicha guasu ohechaséva´ekue ko peê pehecháva, ha ndohechái. Ha´ekuéra ohenduséva´ekue ko peê pehendúva, ha nohendúi”1.
Mante mante, añeporandu jepi che jupe voi, mba´éichapane raka´e ojeiko pe Salvador época-pe. Ikatúpa peñe imagina mba´éichapane pe jaguapývô ypýpe? Ñañandu iñe añua? jaiko ramo itestígorô omonistráha árape ambue tekovekuérape? Upéicharô jepe heta tekovekuéra oikuaáva chupe ndohechakuaái há ndohechái pe Tupâ ra´yete oikové hague ijapytépekuéra
Ñande avei jaguereko privilegio jaikovévo peteî ára excepcional-pe. Profétakuéra ymaguare ohecha tembiapo Restauración rehegua, peteî tembiapo maravilloso ramo... hee, peteî tembiapo maravilloso ha prodigio”2. Ndaipóri dispensación ohasava´ekuépe oñehenói haguépe hetaiterei misionérokuéra, oje abri heta naciónkuéra mensaje Evangélio reheguápe, ha oñeconstrui heta templo, opa múndo jerére
Ñandéve, Santos de los Últimos Días háicha, avei oiko maravillas; ñande rekovépe,Umía apytépe oî ñande conversión personal, ñembohovái jahupytýva ñane ñembo´epe ha bendioneskuéra Tupâ oñohêva ñande rehe ára ha ára.
Jahecha ramo maravillas Evangéliogua ha´e peteî signo de fe, ha´e jahechakuaa Ñandejára po ñande rekovépe ha opa mba´e ojeréva ñande rehépe. Ñandejehecha ramo avei Ome´ê ñandéve mbarete espiritual ha energía, jasegi haḡua ankládo ñande fe-pe, ha japarticipa haĝua ko tembiapo salvación reheguápe.
Ha haku jajesarekova´erâ; ñande capasida ñañemaravillávo ikangýha. Ára ha ára ohasahápe, ñecumpli mandamientokuéra desisterés rehe, ñemo kangy ha avei kane´ô, ikatu ojapo ñandehegui tekove insensible umi signo ha milagros tuichavéva evangéliopegua.
Libro de Mormónpe ojehai peteî periodo ojoguaitereíva ñane mba´epe, omotenondéva Mesias jeju Américas-pe. Ojekuaa sapy´a yvágape signos nacimiento rehegua. Umi Távayguakuéra oñemondýieterei ha o´ñe umilla hikuái, ha haimete opavave tekovekuéra oñeconverti. Ha katu cuatro años upe riremínte “távayguakuéra oñepyrû hesarái umi señales ha ñemomorâ ohechava´ekuegui ha ára ha ára sa´ive ojecharamô umi señál ha ñemomorâ yvágapegua. Ha [oñepyrû ]kikuái ndogueroviavéi ohecha ha ohendúva´ekuépe”3.
Che hermáno ha hermánakuéra, Evangelio, iñemomorâ gueteri peême ĝuarâ? Ikatú gueteri pehendu, peñandu ha pehecha ramo?, Terâ katu pende sensor espititual ikangypáma. Taha´e ha´éva ñane situación personal, poinvita jajapo haḡua ko´â mbohapy mba´e.
Ñepyrurâ, ani penekane´o pedescubri ha pe redescubri haĝua verdades evangelio rehegua. Escritor Marcel Proust he´i: Viahe añeteguáva descubrimiento rehegua, ndahaéi jaheka paisajes pyahu, ha katu ha´e ñamaña tesa pyahu rehe”4Penemandu´apa pemoñe´ê ypýrô guare peteî versíkulo Escritúragua ha peñandu Ñandejára voi oñe´êha ñandéve? Penemandu´a peñandu ypýrô guare influencia del Espíritu Santo, ikatu peikuaa´ŷ mboyve guive ha´eha Espíritu Santo? Ndaha´einepa raka´e umia momentos sagrados ha especiales?
Ñañandúva´era ñémbyahýi ha yúhéi jekuaa espirituálre ára ha ára. Pe práctica personal oguereko ibáserô estúdio, meditación ha oración-pe. Ikatu sapy´ante, jaguereko tentación ñañamindu´uvo “Ko árape natekôtevéi amoñe´ê eskitúrakuéra, amoñe´émbamavoi kuri. Terâ katu “naikotêvéi aha ko árape Tupâope; ndaipóri upépe mba´eve pyahu”
Evangélio ha´e peteî fuente de conocimiento araka´eve ndopáiva. Katuetei ñaikumby ha ñañandúta mba´e pyahu káda domingo, káda atyhápe, ha káda versículo eskrituraguápe. Jeroviápe ñañakarama hatâ promesa he´ivare “[jaheka ramo], [jajuhúta]”5.
Mokôihápe, peñapytî pende jerovia umi mba´e isimple ha isensíllovare Evangéliopeguare. Ñande jehecha ramo oñakaramava´erâ principios básicos ñande jerovia rehe, puresa ñande convenios ha ordenasas-pe, ha ñane rembiapo de adoración isesíllovévape.
Peteî hermána misionera omombe´u káso mbohapy kuimba´e oikuaa ñepyrûva´ekue peteî conferencia de distrito aja África-pe. Oiko hikuái peteî aldea ijaisládovape, Tupâo noñeorganisái gueteri hápe. Ha katu upépe oî 15 miembro fieles ha haimete 20 investigadores. Haimete 2 semanas aja, umi kuimba´e oguata yvý rupi cuatrocientos ochenta kilómetros tape vaíre oîhame lodo, okyeterei rupi, oasisti haĝua conferénciape ha ontrega haĝua idiezmoskuéra. Oñamindu´u kuri opyta haĝua pe semana pukukue javeve oguereko haĝua privilegio odisfrutávo Sánta Céna Domingo oúva´erâpe ha upéi oviaha jey haḡua hógapekuéra, oguerahávo iñakâ árikuéra mba´yru henyhe libro mormón rehegua, ome´ê haĝua ihentekuéra aldéaguápe.
Misionera otestifica mba´éichapa oñeñandu ha ohecha ramo umi hermanokuéra ohechaukávo sacrificio ojapòva umi tapichakuéra ohupyty haĝua hikuái, mba´e chupe ĝuarâ, ndahasýietéva ojeguereko.
Ha´e oñeporandu ijupe: “Apu´â ramo peteî domingo pyhareve Arizónape, há Che mba´erumýi ndoikói, Aguatáne capilla peve, opytáva hi´aiĝuieterei che rógagui? Terâpa apytáne che rógape mombyrýeterei haguére téra okýre?6. Ko´âva ha´e ñeporandu porâ ikatúva jajapo ñandejupe voi.
Ipahápe, po invita peheka ha pe atesora haĝua Espíritu Sánto Ñemoirû. Hetave maravillas ha milagros Evangélio rehegua ndaikatúi jahechakuaa ñane sentído natural rupive. Ha´e umi mba´e “Tesa ndohecháiva, ha apysa nohendúiva… ha´e Tupâ ombosako´iva umi ohayhúvape chupe”7.
Jaguerekorô Espíritu, ñane sentido espiritualeskuéra oje agudisa, ha ñane mandu´a ojestimula, ani haĝua ñanderesarái umi milagro ha umi señales ñapresenciáva´ekue. Upévare, oikuaá haguére hikuái Jesus oheja potaiteha chupe, idiscípulos nefitakuéra oñembo´e py´arakúpe hikúai pe mba´e oipotavéva rehe; ha pe ha´ekuéra oipotáva ha´e toñeme´ê chupekuéra upe espíriti Santo 8.
Ohecha ramorô jepe Salvadór-pe, hesa rupive, ha opoko kuri me ijerida rehe ipoite rupive, oikuaa hikuái itestimoniokuéra ikatuha ojedebilita ndaipórirô peteî renovación constante Espíritu Santo Poder rupive. Che hermáno ha hermánakuéra, Ani pejapo araka´eve mba´eve ikatúva ohundi pe Don Precioso ha maravilloso ha´eva compañía de Espíritu Sánto. Peheka oración mbaretépe rupive, ha peikove réctamente.
Atestifica peême ko obra japarticipávape ha´eha peteî “Obra maravillosa ha peteî prodigio”. Jasegí vovê Jesucrístope, Tupâ otestifica ñandéve “señales, prodigos ha milagros dones del Espíritu Santo rupive ”9. Ko ára especiálpe atestifika peême maravillas ha prodigios Evangéliogua, oîha ankládos umi Don Tuichavéva Tupâ mba´épe: Expiación del Salvador rehegua. Péva ha´e Don perfecto mborayhu rehegua Túva ha Ta´ýra, oñondive peteî propósitope, ome´êva opavave ñandéve ĝuarâpe, “Ahecha ramo mborayhu ome´êva chéve Jesús… Tuchaite mba´e ome´êva´ekue che rehe”.10.
Taikatu jaguereko meme tesa ohecháva, apysa ohendúva, ha Korasô ojapyhýva umi mba´e ñemomorâ ko Evangelio hechapyrãvagui, Ha´e che ñembo´e Jesucristo rérape. Amén.