2010–2019
Tuichavéva generación de jóvenes adultos
2015

Tuichavéva generación de jóvenes adultos

Elder M. Russell Ballard rupive

Quórum Doce Apóstoles gua

Imágen – Ta’anga

Pe ñaikotevẽva ko árape ningo ha’e pe tuichavéva generación de jóvenes adultos Tupao historia gua. Ñaikotevẽ opa ikorasõ ha opa hi’ánga.

Peteĩ mba’e chembovy’avéva aguatávo opa ko yvy’apére, ha’e po’a arekóva aikuaa ha amomaitei haĝua ñane misionero-kuérape. Ko’ã élder ha hermana-kuéra hechapyrãva ohechauka pe Cristo Resape, ha pe mborayhu orekóva hikuái Ñandejára Jesucristo-re ha pe tory orekóva hikuái oservívo chupe, akóinte che inspirá. Aipojopy vove chupekuéra ha añandu pe hi’espíritu tuichapajepéva ha pe ijerovia, ha’éva che jupe: “!Ko’ã hechapyrãitéva ñande ra’y ha tajyrakuéra ha’e peteĩ milágro añetegua!”

Sacerdocio reunión general octubre 2002-pe, ha’ékuri umi obispo, sy ha túva, ha umi futuro misionéro-pe “jahupive haĝua pe nivel” servicio misional tiempo completo gua.

Upérõ guare ha’ékuri “pe…ñaikotevẽva ningo ha’e pe tuichavéva generación de misioneros araka’eve ojeheha’ỹva Tupao historia-pe. Ñaikotevẽ misionero hekopotĩva, oñehekombo’epyréva ha espiritualmente imbaretéva…

“…ñaikotevẽ opa ikorasõ ha opa hi’ánga. Ñaikotevẽ misionero ikyre’ỹ, iñarandu ha omba’aposéva, oikuaáva mba’éichapa ohendu ha ombohovái pe Espíritu Santo ñe’ẽ mbeguemi”1.

Heta hendáicha, ko’áragua mundo hasyve 13 áño mboyvégui. Umi ñane jóven ha jovencita oreko hetave mba’e omombíava chupekuéra pe iñembosako’i misión peĝuarã térã upeigua jeikove vy’apavẽmegui. Pe tecnología oñemosarambi ha haimete opa tekove ko yvy’arigua oreko peteĩ dispositivo móvil ikatúva pe Tupã familia humana oguerohory, ojapo haĝua heta mba’eporã térã heta mba’evai.

Ko pyharépe añe’ẽ umi misionero oservíva hína ko’áĝa, umi futuro misionero, ha umi ex misionero-pe ha mayma Tupaogua joven adulto kuimba’épe. Ajerure pentende ha pejepy’amongeta porã haĝua pe ha’étava peẽme peguata aja ko’ã ñanembovy’a ha hetamba’e ojeruréva áño de la vida-re.

Tupao ñepyrũmbýpe, peteĩ Autoridad General o’entrevistáva misionero-kuérape oservi mboyve umi imisiõ. Ko árape, umi obispo ha presidente de estaca pene entrevista pe servi mboyve misionéroicha, ha hetave peẽkuéra pehasáta ko jeikove rupi peteĩ Autoridad General pene entrevista’ỹre, mba’e ohechaukáva peteĩ Tupao mundial realidad, orekóva más de 15 millónes de miembro. Aikuaa añe’ẽha hína che hermano-kuéra rérape, umi apóstol, ha’évo peẽme ikatúmo ra’e poikuaa maymávape ro’e haĝua peẽme pohayhuha ha roĩha penendive.

Mba’eporãra, Ñandejára omoĩkuri medio ikatu haĝua roĝuahẽ peẽme. Péicha jahecha, peteĩ miembro Quórum de los Doce gua o’asigná opaitéva misionero imisiõpe. Jepeve péva ojejapo entrevista tradicional ojovaregua’ỹ rupi, pe tecnología ha pe rrevelasiõ ojoaju ome’ẽ haĝua peteĩ experiencia íntima ha personal-va. Peheja ta’emi peẽme mba’éichapa ojejapo.

Pene ra’ãnga ojekuaa pe computadora pantalla-pe, información clave ome’ẽva reheve pende obispo ha presidente de estaca. Ojekuaa vove pene ra’ãnga, roma’ẽ pende resáre ha romoñe’ẽjey umi mbohovái peẽ peme’ẽva’ekue recomendación misional gua porandúpe. Upe ára mbykymíme, ha’ete ku peĩvaicha upépe ha pembohovái hína oréve.

Roma’ẽvo pene ra’ãngáre, rojerovia pekumpli hague pe “nivel jehupípe” opa hendáicha oñeikotevẽva ko’árape ha’e haĝua peteĩ misionero fiel ha exitoso. Péicha, Ñandejára Espíritu pu’aka rupive ha presidente Thomas  S. Monson sambyhy guýpe, pomondo peteĩva umi 406 misiones Tupao orekóvape opa ko yvy’ári.

Nahániri, ndaha’éi peteĩ entrevista ojovareguáicha, ha katu haimete péicha.

Pe videoconferencia ha’e ambue medio oremoĝuahẽva Tupaogua líder ha miembro oiko mombyrýva umi Oficinas Generales de la Iglesia-gui.

Péicha, aipota umi peñembosako’íva hína peservi haĝua peteĩ misiõ, umi peju jeýmava ha opavave jóven adulto pehasami unos minutos chendive ñaimerõguáicha peteĩ video charla personal-pe ko’áĝaite. Pema’ẽ cherehe unos minutos, pẽe ha chenterõguáicha ñaiméva pe sala térã koty peĩháme ko pyharépe.

Ha che katu, ha’etéta ku ama’ẽva hína pende resáre ha ahendu jesarekópe umi mbohovái peme’ẽva ko’ã porandu he’ítavape chéve pene testimónio mbaretekue ha pe mborayhu perekóva Tupãre. Pehejáramo chéve ta’e peẽme umi mba’e ha’eva’ekue misionero-kuérape ojapo 13 áño, pe ñaikotevẽva ko árape ha’e, tuichavéva generación de jóvenes adultos Tupao historia-pe. Ñaikotevẽ opa pene korasõ ha pene ánga rehe. Ñaikotevẽ joven adulto ikyre’ỹ, iñarandu ha omba’aposéva, oikuaáva mba’éichapa ohendu ha ombohovái pe Santo Espíritu ñe’ẽ mbeguemi peguata aja umi opa aragua jeipy’ara’ã ha tentasiõre ha’égui peẽ peteĩ joven Santo de los Últimos Días ko aragua”

Ambue ñe’ẽme, oĝuahẽma ára jahupive haĝua pe nivel, ndaha’éi de misionéronte, ha katu umi ex misionero ha opa igenerasiõ avei. Pevarã, ajerure peẽme pejepy’amongeta haĝua pene korasõme ko’ã porandu ñembohováire:

  1. ¿Eheja’ỹijo py’ỹipa umi Escritura?

  2. ¿Eñesũpa ñembo’épe eñe’ẽ haĝua nde Ru Ygagua ndive opaite pyhareve ha pyharekue?

  3. ¿Eajunápa ha eme’ẽpa peteĩ ofrenda de ajúno cada mes, nde ha’éramo jepe peteĩ estudiante mboriahu, ohasa’asýva ha ndaikatúiva ome’ẽ heta?

  4. ¿Epensápa ndepy’aitégui pe Salvador rehe ha pe jehasa’asy expiatório ha’e ojapova’ekuére nderehe ojejerure vove ndéve embosako’i, ehovasa, ha eme’ẽ haĝua pe Santa Cena térã péva re’u vove?

  5. ¿Ehópa umi ne’rreunión-pe ha eñeha’ãpa esantifika pe día de reposo?

  6. ¿Nde rekojojápa nde rógape, universidad-pe, capilla-pe ha remba’apo hápe?

  7. ¿Nepotĩpa mental ha espiritualmente? ¿Nerema’ẽipa pornografía térã sitio web, revista, película térã aplicación —jepe umi ta’ãnga oĩva Tinder térã Snapchat-pe—omotĩtava nde sy ha nde rúpe, nde líder Tupaogua térã pe Salvador’etépe ohecháramo?

  8. ¿Ejesarekópa ne’tiempore ha nderepokóipa tecnología ha redes sociales iporã’ỹvare —umi videojuego jepe avei— ikatúva omonge neñeandu espiritual?

  9. ¿Oĩpa mba’e nderekovépe tekotevẽva emoambue ha emoĩporã ko’aĝaite?

Aguije ko ñemongeta mbykymíre. Aha’arõ oime pembohovái añetehápe ha jesarekópe opaitéva ko’ã porandu. Pehecháramo ndaperekoiha ko’ã principio hasy’ỹva, ajerure peẽme peñe arrepenti haĝua kyhyje’ỹme ha pemoĩ porãjey haĝua pende rekove pe Evangelio norma ha pe discipulado virtuoso-pe.

Ko’áĝa, hermano-kuéra, ¿ikatúpa peheja taikuave’ẽmie peẽme ñemoñe’ẽ pene pytyvõtava pene testimónio Evangelio-gui oikeporã haĝua pene korasõ ha pene ángape?

Ex misionero-kuéra, pomomandu’a pe ñande rekove ha ñane familia peĝuarã ñembosako’i ndopaiva’erãha. ¡”E.M.” nde’iséi “ex mormón”! Ex misionero háicha “peimeva’erã anhelosamente konsagrádo peteĩ mba’e porãme, ha pejapova’erã heta mba’e pendejehegui ha pejapova’erã heta hustísia2.

Ajerure porã peẽme, peiporúna umi katupyry pehupytyva’ekue pene misión-pe pe hovasa haĝua opa ára umi pendejerére oĩvape. Aníke penderesarái pe servi haĝua pende rapichápe peñeme’ẽgui estudio-pe, mba’apópe, térã umi actividad social-pe. Upéva rãngue katu, pemoĩporã pende rekove experiencia espiritual reheve pene momandu’áva pe ministra meme haĝua opa ára ambue tapichápe ha penembosako’i haĝua upevarã.

Pene misión aja peikuaákuri imba’eguasuha javisita mávape hógape. Aha’arõ mayma peẽkuéra, jóven adulto, taha’e pe serviakue misión completo térã nahániri, pentende imba’eguasuha javisitá tapicha oĩvape ha’eño, hasýva térã ndovy’áiva, ha ndaha’éi peteĩ tembiaporãguinte, ha katu avei tapenekyre’ỹ mborayhu añete perekóva rupi pende Ru Yvagagua ha Ta’yrakuérare.

Umi oĩvape escuela secundária (preparatória) ha oñembosako’íva hína misión-pe ĝuarã, pomokyre’ỹ peho haĝua seminario-pe ha pejegradua haĝua. Jóvenes adultos, pehova’erã instituto de religión-pe3. Pehóramo hína peteĩ Tupaogua universidad-pe, pemoĩ cada semestre, ha kontinuádo, peteĩ clase de religión. Ko ára guasu peñembosako’i aja peteĩ misión térã matrimonio eterno-rã ha pe vida de adulto peĝuarã, peheka memeva’erã pehóvo mba’éichapa ikatu peikuaa, pemongakuaa ha pehupyty inspirasiõ ha guía pe Espíritu Santo-gui. Pe Evangelio jestudia jesarekópe ha peteĩ espíritu de oración reheve seminario-pe, instituto térã umi clase de religión-pe ikatu penepytyvõ upe meta-pe.

Peho térã peho’ỹ peteĩ Tupao gua universidad-pe, taha’e peho térã ndapehói peteĩ institución académica-pe, aníke peimo’ã penerembiapo hetaha pe estudia haĝua pe Evangelio. Seminario, instituto ha umi clase de religión omoĩporãta pende rekove ha oipytyvõta pene formación secular-pe ome’ẽvo peẽme ambue oportunidad pehasávo ára peikuaa haĝua umi Escritura ha umi profeta ha apóstol mbo’epykuéra. Oĩ cuatro curso ipyahu ha iporãitéva, ha amokyre’ỹse mayma jóven adulto-pe ohecha ha oho haĝua ko’ã clase-pe. 4.

Ha aníke penderesarái umi clase ha actividad pene instituto local ha pende barrio ha estaca jóvenes adultos solteros-gua ha’etaha avei peteĩ tenda ikatuha peime ambue jóven ha jovencita ndive, ha peje’elevá ha peñe’inspirá peikuaa haĝua, pekakuaa haĝua espiritualmente ha pe peñemongeta haĝua oñondive. Hermano-kuéra, pemboykéramo umi pene teléfono celular ha añetehápe pema’ẽramo pende jerére, ikatu pejuhu pende futura compañera instituto-pe.

Ha péva che gueraha ambue ñemoñe’ẽme aikuaa pehechámava ouha: Adulto soltero-kuéra, pesẽva’erã joven del sexo opuesto ndive ha pemenda. ¡Anivéma pembotapykue! Aikuaa oĩha pende apytépe okyhyjéva omopu’ã haĝua peteĩ familia; upevére, pemendáramo pe máva ha’éva ndive, pe ára ha’évape ha pe tenda ha’évape, ndaipóri mba’ére pekyhyje haĝua. Ha katu uvei, heta umi mba’evai pejuhúva ndaiporimo’ãi peiméramo “anhelosamente konsagrádo” pesẽ haĝua tekopotĩme, pe cortejo ha matrimonio-pe. ¡Aníve pemondo texto! Peiporu pene ñe’ẽ tee peñe presenta haĝua Tupã rajykuéra pendejerére guápe. Ohendúramo peteĩ yvypóra ñe’ẽ noha’ãrõigui hikuái, ikatu he’i peẽme pe sí.

Ko’áĝa che hermano-kuéra, atestifika Ñandejára Jesucristo ikatuha ñanepytyvõ ñamyatyrõ haĝua opa mba’e ñande rekovépe Ijehasa’asy Expiatório rupive.

Ko ka’arúpe, ñañembosako’ívo ñambo’arete haĝua pe domingo Pascua de Resurrección ko’ẽro, pejapo chendive peteĩ pausa ñanemandu’a haĝua pe Cristo don de la expiación rehe. Penemandu’áke Ñande Ru Yvagagua ha ñande Salvador Jesucristo pendekuaa porãve ha pende rayhuveha opa ambue tapichágui.

Pe Expiasiõ rupive, pe Redentor omoĩakue Ijehe umi ñane mba’evai, ñane mba’e’asy ha ñande pekádo. Pe Salvador del Mundo ouva’ekue ñanentende haĝua opaitévape oñandúvo ñane ñeha’arõ noĝuãhẽiva, ñande jeiko’asy ha umi ñane ñehundi pe Ijehasa’asy rupi Getsemaní ha pe kurusúre 5. Iñemano ha’ékuri peteĩ imborayhu rechauka paha ñande rehe, ha upe pyhare vaité oñeñotỹakue chupe peteĩ te’õngue ryru pyahúpe.

Pe domingo pyhareve, Jesús opu’ãjeyva’ekue omanóva apytégui, oprometévo opaitévape peteĩ jeikove pyahu. Upéicha, pe Ñandejára oikovejeýva omondo I’discípulokuéra ombo’e haĝua maymávape ojerovia haĝua Cristo-re, oñe’arrepenti haĝua ipekádogui, oñemongarai haĝua, orrecibi haĝua pe don del Espíritu Santo ha oñeha’ãmbaite haĝua ipahaite peve. Hermano-kuéra, jaikuaa ningo Tupã, ñande Ru, ha pe Ta’ýra Ohayhuetéva ojehechauka hague profeta José Smith-pe ha ha’e rupi orrestaurapa hague hikuái pe Jesucristo evangelio sempiterno.

Penembaretéke, hermano-kuéra. Peneñe’ẽrendúke umi Tupã rembiapoukapýre. Ñandejára Jesucristo opromete ñandéve ñanemba’etaha opa mba’e tekojojápe jajaposéva. Umi tupaogua líder ojerovia pende rehe. Ñaikotevẽ opaitéva peẽkuérare, jóven adulto, pejeprepara pe menda haĝua, pe servi haĝua ha ha’e haĝua líder en el futuro, ha péva ajerure humildemente Ñandejára Jesucristo rérape. Amén