Jevyjey jeroviápe
Rosemary M. Wixom rupi
Presidenta General Primaria-gua
Peteĩteĩva ñande ikatu ñamombarete ñande jerovia Jesucristo-re ñande trayecto individual-pe ha jajuhu vy’a.
Ko Paskua de Resurrección pyharevépe, Pte Monson, ore aguijeterei rohendu haguére ore profeta oikovéva ñe’ẽ. Romomba’e umi ne ñe’ẽ ha avei ne consejo: “Jajuhu vy’a jaje’oikuévo” 1. ha “ Pe ára tenonderã omimbi pende jeroviáicha avei”2.
Ko áñope, umi mitã primaria-gua okomparti upe vy’a ha ijerovia mimbi Jesucristo-re opurahéivo “Che aikuaa cherayhuha pe Salvador”. Opurahéi ko añetegua: “Ha’e oikove, Heẽ!...Ame’ẽ chupe che korasõ”3. Umi mitã primariaguáicha, opavave ñande ikatu ñamombarete ñande jerovia Jesucristo-re ñande rape individual-pe ha jajuhu vy’a.
Nda’aréi, Sociedad de Socorro reunión dominical-pe ahendu peteĩ sy pyahu omombe’úrõ ikonversión rape. Okakuaa tupaópe tuvakuéra ombo’éva chupe pe evangelio ndive. O’asisti Primaria, Mujeres jóvenes ha seminario-pe. Ogustaiterei chupe oñemoarandu ha odescubri umi añeteguáva. Oikuaase meme mba’érepa. Elder Russell M. Nelson he’i: “ Ñandejárante ikatu ombo’e peteĩ mente inquieta-pe”4. Ha ko mitãkuña oĩ dispuesta toñembo’e chupe.
Escuela secundaria rire oho universidad-pe, ojesella peteĩ ex misionero ndive témplope ha ojehovasa mitã porã porã reheve.
Peteĩ jeheka espíritu reheve, ko sy osegi oñeporandúntevo ijupe; Ha katu umi porandu hasyveháicha ohóvo, upéicha avei umi ñembohovái. Sapy’ánte ndaipóri mbohovái, terã mbohovai ome’ẽva chupe py’aguapy. Oñeha’ãvo ojuhu mbohovái, ouve katu porandukuéra ha oñepyrũ oñekuestiona ijerovia pyendakuérare.
Upe époka confusa-pe, tapichakuéra ijereregua he’i chupe: “Ejepytaso che jeroviáre”, ha katu ha’e opensa: “Ndaikatúi. Peẽ napentendéi, napeñorãirõi ko’ã porandukuérandi. Ha’e omyesakã: “Aime dispuesta chepy’arory haĝua umi ndoguerekóivandi duda, ha’ekuéra avei hory ramo chendive”. Ha heta ha’ékuri.
Ha’e he’i: “Che tuvakuéra oikuaa pe che añandúva ha ndachepresionái; odisidi hikuái ome’e chéve imborayhu añeha’ã aja aikuaávo chejehegui” Pe sy pyahu obispo avei py’ỹi oñembyaty hendive ha he’i chupe ojeroviaha hese.
Umi barriogua miembro-kuéra avei ndodudái ome’ẽ haĝua chupe imborayhu ha ha’e oñeñandu incluida. Ibárriope natekotevẽi o’aparenta iperfectaha; ha’e añete peteĩ ñeipytyvõ renda.
“Iñinteresante”, imandu’a. “ Upe époka aja añandu peteĩ conexión añete che taita ha che jarýi omanomava’ekue ndive. Ha’ekuéra chepytyvõ ha chemokyre’ỹ asegi haĝua. Añandu he’i ramo chéve: “ Eñekoncentra pe reikuaávape”.
Jepeve tuicha pe sistema de apoyo oguerekova’ekue, oiko chugui menos activa. He’i “Ndajeseparái tupaógui ajeportavai haguére terã kaigue espiritual-gui, terã ahekávo excusa ani haĝua avivi umi mandamiento térã ahekávo peteĩ salida hásy’ỹvante. Añandu aikotevẽha ñembohovái ko porandúpe “Mba’épa che aguerovia añete?
Uperõ omoñe’ẽ peteĩ libro Madre Teresa jehai rehegua, o’experimentava’ekue avei peichagua temiandu. Peteĩ carta 1953-pe, Madre Teresa ohai: “Eñembo’emína especialmente cherehe, ani haĝua ahundi Hembiapo ha Ñandejára tojerrevela chéve, chepype oĩgui peteĩ pytumby tuicháva, opa mba’e omanorõguáicha. Ha upéicha nunga ojehu amoñepyrũ guive “pe tembiapo”. Ejerure Ñandejárape tome’ẽ cheve py’aguasu”.
Arzobispo Perrier ombohovái: “Tupã ndegia, querida Madre; nereiméi pytũmbýpe reimo’ãháicha. Ikatu pe tape resegiva’erã nahesakã pya’éi. Eñembo’e errecibi haĝua upe tesape; ani redecidi pya’eterei; ehendu umi mba’e ambue orekóva he’i haĝua; ejepy’amongeta nde razón-kuérare. Rejuhúta katuete peteĩ mba’e neipytyvõtava…Pe jerovia gía, ñembo’e, ha razón, intención sincera reheve, reguerekóma upe reikotevẽva”5.
Che amiga opensa Madre Teresa ikatúramokuri ovivi irreligión oguereko’ỹre opaite ñembohovái ha oguereko’ỹre peteĩ sentimiento hesakãmbáva opa mba’ére, ha’e avei ikatúne ojapo upéicha. Ome’ẽtante peteĩ paso tenonde gotyo jerovia reheve ha upéi ambue. Ikatu oñekoncentra umi añetegua ha’e ogueroviávare ha oheja umíva tomyenyhẽ iñapytu’ũ ha ikorasõ.
Opensávo upévare, he’i: “Che testimóniogui oikókuri tanimbueta, oñehundipaitémakuri. Pe opytava añoite ha’e Jesucristo”. He’ive: “Ha katu Ha’e nanderejareíri reguerekóramo porandu. Pe máva okumpliséramo mandamientokuéra, pe okẽ ojeipe’a de par en par. Ñembo’e ha estudio de las escrituras iñimportanteiterei”.
Omopu’ã haĝua ijerovia, primero oñepyrũ umi Evangelio añetegua ibasicovévare. Ojogua peteĩ Himnario primaria-gua, ha oñepyrũ olee umi purahéi he’íva. Chupe ĝuarã ha’ékuri peteĩ tesoro. Oñembo’e ohupyty haĝua jerovia ombovevyi haĝua pe mba’e pohýi oñandúva.
O’aprende ojotoparõ peteĩ afirmación ombodudávandi chupe, “ikatuha opyta, ohesa’ỹijóvo pe visión general-re ha okonverti pe Evangelio peteĩ mba’e personal-pe” He’i:”Aporandu: “Kóva piko ha’e peteĩ tape porã chéve ha che familiakuérape ĝuarã?” Sapy’ánte añeporandu “¿Mba’épa aipota che membykuérape ĝuarã? Añeme’ẽ en cuenta aipotaha omenda hikuái témplope. Ha upéramo pe jerovia ou jey che korasõme”.
Elder Jeffry R. Holland he’íkuri: “pe humildad, jerovia ha Espíritu Santo influencia [ha’éta] tapiaite umi elemento opaañetegua jehekágui”6.
Jepe ha’e oguereko porandu Libro de Mormón origen rehegua, ndaikatúi onega umi añetegua ha’e oikuaáva pe Libro de Mormón-gui. Oñekoncentra o’estudiavo Nuevo Testamento ontende porãve haĝua Salvador-pe. He’i “ Ha katu, con el tiempo, aha jey Libro de Mormón-pe chegustaitereígui upe añandúva aleévo Jesucristo ha iñexpiasiõre”.
Ombopaha kóicha: “Javiviva’erã experiencia-kuéra espiritual ñanemba’éva umi añetegua oĩva upe libro reheve” ha ha’e ovivi hínakuri. “ Amoñe’ẽ Mosiah-pe ha añeñandu totalmente orientada. ‘Peguerovia Tupãme; peguerovia Ha’e oikoveha, ha ojapohague opa mba’e…peguerovia Ha’e oguerekoha opa arandu ha pu’aka yvágape ha yvýpe; peguerovia pe yvypóra ndaikatuiha oikumby opa mba’e Ñandejára oikumbykuaáva”7.
Uperõ ĝuarã oñehenói oservi haĝua pianistaramo primaria-pe. “Iseguro Kuri”, he’i “Aipota che membykuéra oĩ Primaria-pe ha ko’aĝa ikatu aime hendivekuéra. Ha ne’ĩra aĩkuri lista ambo’e haĝua” Oservívo, ohechakuaa pe invitación oúva umi oĩva ijeréregui: “Eju, ro’acepta reimehaichaite; romba’apóta nendive ne nivel-pe; Eme’ẽ oréve ikatúva reme’ẽ”.
Ombopúvo umi primaria-gua purahéi, py’ỹi opensa: “Ko’ãva ha’e umi añetegua che ahayhúva. Ikatu gueteri ame’ẽ testimonio. Ha’étante umi mba’e che aikuaáva ha ajeroviávare. Ikatu ndaha’éi peteĩ ofrenda perfecta kuaapy rehegua, ha katu ha’éta che ofrenda. Umi mba’e añecentrávape okakuaa chepype. Iporãiterei jaha jey umi Evangelio esencia-pe ha ñañandu hesakãha”.
Upe domingo pyhareve, ahendu aja upe kuñakarai pyahúpe omombe’úvo itrayectoria, chemandu’a ha’eha ñande Redentor rróka ári ñamopu’ãva’erãha ñande fundamento8. Chemandu’a avei élder Jeffrey R. Holland consejo rehe: “Pejejagarra atã pe kuaapy peguerekómavare ha pepyta ñemovã’ỹme perresivive peve kuaapy”9.
Ileccion aja, aikuaa mbareteve umi ñembohovái ñande porandukuéra añetévape oĝuahẽha jaheka kyre’ỹramo ha javivíramo mandamientokuéra. Chemandu’a ñande jerovia ikatuha ohasa umi razón limite.
¡Mba’eichaite piko che ha’ese umi ombojereva’ekuéicha pe sy pyahúpe, ahayhúvo ha aipytyvõvo chupe! Presidente Dieter F. Uchtdorf he’i: “opavave ñande ha’e peregrino jahekáva Tupã resape jaguatávo pe discipulado rapére. Nañakondenái ambue tapichápe pe tesape ikatúvare oguereko térã ndoguerekóivare; ha katu uvei, ñamongakuaa ha ñamokyre’ỹ opa tesape hesakãve, omimbive ha hi’añeteve peve”10.
Umi mitã Primariagua opurahéirõ “Peteĩ mitã ñembo’e”, oporandu hikuái: “Túva Yvagagua, eremína chéve, ¿reime piko upépe? ¿Ha rehendu piko akóinte opa ñembo’e?”11.
Ikatu ñande avei ñañeporandu: “¿Ñande Ru Yvagagua, reime piko añete upépe?”, javy’a haĝua, ojapohaguéicha che amiga, umi ñembohovái oĝuahẽramo kuaapy kirirĩ ha sencilloicha. Atestifika umi kuaapy sencillo oĝuahẽha Ivoluntad oñekonvertíramo ñane voluntad-pe. Atestifika añetegua oĩha ko árape yvy ári ha Iñevangelio oĩha Iglesia de Jesucristo de los Santos de los Ultimos Dias-pe. Jesucristo rérape. Amen.