Jaiporavo Jeguerovia
Élder L Whitney Clayton rupive
Presidencia Setentagua
Salvador ome´ê Iñevangelio peteî tesakâ ramo oisambyhy haḡua umi oiporavova´ekue ojerovía hese ha oguata hendive.
Enéro ohasava´ekuépe Sailor Gutzler, peteî mitakuña´î, oguerekóva siete años, ha ifamília oviaha hína kuri Florida guive Illinois peve peteî avión privado-pe. Sailor túva opilota hína kuri pe avión. Ohasa riremínte pyhare Mbyte, oñepyrû iproblema mecánico iñaviónkuéra, ha ho´a hikuái pe pyhare mbyte jave Kentucky-pe, ho´a hikuái yvy vái ári ha pyta ovapýo. Omanombaite hikuái, Sailor añónte katu nahaniri. Ha´e omopê kuri ijyva ho´akuévo. Oñekytî ha oñekarâimba, ha okañў chugui isapatu. Temperatura uperamo ha´e 3 grados centígrados —Upe pyhare ho`ўsa ha oky Kentucky-pe – ha Sailor katu omonde hína kuri kasõ mbyky, peteĩ blusa ha peteĩ media.
Ohenói isy ha itúvape, ha katu avave nombohovái chupe. Ha oñembopy`aguasúvo oñepyrû oguata pynandi pe ka´aguýre ohekávo pytyvô; ohasa y syry ha zanja, ha ombohovake ñoatî. Peteî cerro michĩmi rakâ guive Sailor ohecha peteî mba´e ohesapéva mombyry guive, un kilómetro y medio rupi, ha oiko rire heta pe pytûmbýre Ka´aguy mbytépe, ipahápe Sailor, oḡuahê peteî karai marangatu rógape, ndoikuaáivape, ha pe Karái oipytўvo chupe. Sailor ojesalváma. Pya´e ojegueraha chupe hospital-pe ha oñeipohano chupe ojerrekupera haḡua. 1.
Sailor nomanói ohecha haguére peteî tesape mombyrý guive, ha oñeha´â oḡuahê hendápe, ivaí ramo jepe pe yvy oguatava´erâ ári, tragedia ojehúva chupe ha umi herida oguerekóva ijehe. Hasy ñañeimagina haḡua mba´éichapa Sailor ikatu ojapo pe ojapóva´ekue pe pyharépe. Jaikuaáva ha´e ohechakuaa hague pe óga resape mombyrymíme peteî oportunidad ojerreskata haḡua. Oguereko esperansa. Ohupyty valor, o importa´ўre pe mba´e ojehúva chupe, ikatu ojuhu isalvación pe luz resape ohechávape.
Ndahetái ñande apytépe jahasáta peteî experiencia vaiete Sailor ohasava´ekueichagua. Ha katu opavave, sapy´ante jahasa experiencias hasýva ojeresolve. Umi moméntope, no importái mba´èichapa iñypytû terâ ha´etévaicha jajedesespera, jaheka ramo, oîta Katuete peteî tesape espiritual omyesakâva, ome´ êva ñandéve esperansa jajereskatata ha japytu’útaha. Pe tesape opave’ỹva ou pe Salvador-gui, ha´éva Tesape ko múndogua, opa humanidad-pe ḡuarã.
Pe tesape espiritual jahechakuaáva, iñambue tesape físico jahechávagui. Jehechakuaa lus espiritual Salvador rehegua oñepўrû ñane disposición jaguerovia haḡuare. Tupâ Ñandejára oipota, ñepyrûrâ, jagueroviase. “Pepáy ha pemokyre´ў ramo pene apyty´û…ha pemomba´apóramo michimi jerovia”, ohekombo´e profeta Alma, “Taha´e jepe pegueroviasénteva, peheja ko potapy tomba´apo pendepype, jepe peguerovia peve ha péicha peme´ê peteî tenda che ñe´ê pehênguépe” [del Salvador].”2.
Alma ñehenói, jaguerovía haḡua, ha oike haḡua ñane korasôme Salvador ñe`ênguéra, ñanemomandu´a jeguerovía ha fe jeguereko, oexigi ñandetévoi jaiporavo ha ja’actua. [Ñamombáy] ha [ñamokyre´ўva´erâ] ñane apytu´û”. Jajerure oñeme´ê mboyve; jaheka, jajuhu mboyve, ñambopu ojeabri mboyve ñandéve; Upéicharô oñeme´ê ñandéve ko promesa: “Ojerurévape niko oñeme´ê, ohekáva katu ojuhu, ha pe okê ombotávape ojepe´a”3.
Ndaipóri súplica imbaretevéva pe ojapóva´ekuégui Salvador voi iministério terrenal aja, oñe´êvo umi ndoguerovíaivape ha ohendúva chupe.
“Che ndajapói ramo umi mba´e che Ru ojapóva, ani che rerovia”
“Ajapo ramo umi mba´e ha´e ojapóva katu, nda che rovíai ramo jepe chéve, peguerovia umi mba´e ojapóva, péicha peikuaa porâta che ru ha che peteînteha” 4.
Opa ára ñambohovái peteĩ prueba. Ha´e prueba ñande rekove rehegua: Jaiporavótapa jaguerovia chupe ha jaheja tesape iñevangélio rehegua tokakuaa ñande pype, terâ ñambotovéta chupe ha ñainsistíta jaguata pytûnguýpente? Pe Salvador ome´ê iñevangelio peteî tesape ramo, oisambyhy haĝua umi oiporavóva ojerovia hese ha oguata hendive.
Pe accidente rire, Sailor oiporavôva´erâ kuri. Ikatú kuri opyta pe avión ypýpe pytûnguy-pe ha´eñomi ha kyhyje pópe, ha katu pyhare ipukuvéta ha ho´ўsavéta kuri. Ha´e oiporavo ambue mba´e, ojupi peteî cerro ári ha ohecha peteî tesape mombyrymi horizonte-pe.
Mbeguekatúpe, Sailor, oguata aja pe pyharepe tesape gótyo, pe tesape omimbive ohóvo, Upéichavérô jepe, oî momento ndohechaihápe mba´eve. Ikatu oime ndohechavéi ra´e ho`a ramo yvykuápe terâ yvyramáta kupépe, ha katu ha´e osêgui tenonde gótyo. Ohecha jáve pe Myesakâ, Sailor oguerekó seguridad oîha tape porâme. Ndoikuaái añetehápe mba´epa pe tesape ohecháva, ha upichavêro jepe oguata upéva gótyo, oconfiávo pe oikuávare, Oconfiávo ohechájeýtaha oguatárô pe dirección-pe. Ojapóvo ko mba´e, ha´e osalva hekove.
Ñande rekove upéicha avei, oîta ára nañaime porâiha, ñane kane´ô, ha ñande rekove ha´ete iñypytû ha ho`ysâva. Oîta ára ndajahechamo´âihápe mba´evéichagua tesape pe horizonte-pe ha ñañandu ñañentregasemaha. Ñaime ramo dispuesto jaguerovíavo, jagueroviasêro, jaiporavo ramo jeguerovia, upéicharô, pe Salvador ñehekombo´e ha ejemplo ohechaukáta ñandéve tape tenondé gótyogua.
Jaiporavo Jeguerovia
Sailor oguerovía haguéicha ojuhútaha seguridad pe ñemyesaka mombyrýguive ohecháva, upéicha avei ñande jaiporavóva´erâ jaipe´a ñane korasô pe realidad divina salvador rehegua, i lus etérno ha imisericordia sanadora rehe. Profetakuéra ymaite guive ñane anima ha oimplora jajerovía haḡua Crísto rehee. Hekombo´e ohechauka pe mba´e fundamental: Tupâ nañande obligái jaguerovia haḡua. Upéa rangue katu, ñaneipepirû jaguerovia haḡua, omboúvo ñandéve profetas ha apóstoles oikovéva, ñanerekombo´éva, ome´ê ñandéve eskritura ha ohechauka ñandéve tape, ijespíritu rupive. Ñande jaiporavóva´erâ ha acepta umi ñeipepirû espiritualpe, jaiporavo jahecha ñande resa rupive umi tesape espiritual ha´e ñane renoihá rupi. Jeporavo Jagueroviávo, ha´e jeporavo iporâvéva jajapóva. O afecta opavave umi ñande ambue jeporavokuérape.
Tupâ na ñande obligai jaguerovia haḡua hetave ñande obligaháicha ñacumpli haḡua mandamientokuéragui, jepérô oguereko tuichaiterei jepota ñanderovasávo. Upéicha iñehenói jaguerovíavo hese – ñamomba´apóvo ñande fe ha hendúvo iñe`ê- opermanece ko´aḡaite peve. Salvador he´iháicha “Che atestifika Túva he´iha mayma yvypórape, opa hendápe, toñarrepenti, ha tojerovia che rehe”.5.
Jeguerovia, testimonio ha fe, ndaha´ei principios pasivos. Ndoikói péichante. Jeguerovia ha´e mba´e jaiporavóva- ñaha´ârôva, ñamba´apo ha jajesacrifica hese. Ndajaguerovía mo´âi Salvador ha iñevangéliore accidentalmente, nañañembo´ei ha ndajapagái haicha ñande diezmo accidente hápe. Jaiporavo Jeguerovia, jaiporavo háicha ñacumpli mandameintokuéra.
Ñamomba´ápo ñande creenciakuéra.
Sailor ndaikatúi oikuaa ñepyrû oguatávo pe ñanáre osê porâtapa chupe. Upéro ha´e oî ha´eño ha hasý avei; iñypytû ha ho´ўsa pe pyharépe; ha katu oheja tapykue gótyo pe accidente renda ha ojearriesga, oguerekóvo esperanza ojerreskatataha, opoñy ha ojepiro ohóvo pe tapére, ohechá peve pe tesakâ mombyry guive. Ohechávo, ojapo ikatuhápeve oḡuahe haḡua ijypýpe, imandu’ávo pe ohechava´ekue.
Upéicha avei ñande jaguerekóva´erâ esperansa jajuhútaha tesape espiritual jaceptávo jeguerovia jaiporavo rangue py´amokôi. Ñane rembiapo ha´e evidencia ñande jerovia rehegua ha ha´e esencia ñande fe rehegua. Jaiporavo jeguerovia ñañembo’e ha jaleevove umi escritúra. Jaiporavo jeguerovia ña’ajuna jave, ñañongatu jave día de reposo, jaha jave templo-pe. Jaiporavo jerovia jajebautisávo ha japarticipávo Santa Cénagui. Jaiporavo jerovia ñañé’arrepentí vovê ha jaheka jave perdón ha mborayhu sanador divino.
Ani araka`eve ñañentrega
Sapy´ante ha´etévaicha progreso espirirual imbegue ha iñintermiténteva. Sapy´ante ikatu ñañandu japerdeha terreno, jajavýha, terã ñaneñeha’ã ñañemboja haĝua Salvador-re nome’ẽi resultado. Oimérô upéicha peñeñandu, ajerure por favor, ani peñeme’ẽ por vencido araka`eve. Pe jerovia meme hese, Iñevangelio ha Itupâóre. Pejapo porâ pene rembiapo pene creencia rerápe. Ha umi ára tesape ha jerovía ikangy jave, peheja esperanza pe Salvador mborayhu ha grasiare, oîva Itupao ha Iñevangéliope tosupera py`amokôi. A’asegura peême ha´e oimeha listo pende recibi haḡua. Ára ha ára ohasa jave pehechakuaáta pejapohague jeiporavo iporâvéva ikatúva pejapo. Pe pende jeiporavo jerovia rehegua, penderovasa kakuaáta ha tapiaitépeve.
Jehovasa jeguerovia rehegua.
Che rekovépe añandu pe Salvador mborayhu. Aheka chupe umi ára iñypytû jave, ha ha´e ombohasa chéve Ipo ha Hesape ñanemongueráva. Peteî vy’a aguerekóva che rekovépe ha´e umi viahe ajapóva che rembireko Kathy ndive añembyaty haḡua miembro tupâoguándive heta hendápe múndore. Umi aty iporâitereíva cherekombo´e Tupâ oguerekoha mborayhu ita´ýrakuérare; ohechauka chéve pe potencial opave´ўva jaguerekóva javy´a haḡua ohovasáva umi oiporavóvape osegui Jesucristo ñehekombo´e . A’aprende ajerovíávo hese ha ipoder redentor-re, ha´eha pe tape añetegua jahupyty haḡua “Py´aguaypy ko múndope ha jeikove opave’ỹva mundo oútavape”6.
Atestifica Jesucristo ha`eha fuente tesape ha esperanza rehegua opavavépe ḡuarâ. Ajerure’asy opavave tajaiporavo jajerovia hese. Jesucristo rérape, Amén.