Taha’e hi’añetéva
Presidente Dieter F. Uchtdorf rupive
Segundo consejero Primera Presidencia-pegua
Ajerure’asy tajarresisti tentación jagueru haĝua pe atención ñande jupe ha, hendaguépe, tañañeha’ã peteĩ honor tuichavévare: toiko ñandehegui Jesucristo discípulokuéra imirĩ ha hi’añetéva.
Opakuévo pe siglo XVIII, Catalina la Grande Rusia-pegua, he’i ovisitataha irreino sur gotyo umi embajador extranjerokuéra ndive. Gregorio Potemkin, upe región gobernador, o’impresiona porãseterei umi visitantepe, upévare omoĩ ñeha’ã ombotuicha haĝua umi mba’e hetã ohupytyva’ekue.
Pe viaje aja, Catalina oguejy rio Dnieper-re barco-pe, ohechaukávo orgullo reheve umi embajador-pe akãrapu’ã ohupytyva’ekue umi táva oĩva pe rio ypýpe, henyhẽva tavaygua ovy’a ha ikatupyrývagui. Peteĩ problema añónte Kuri oĩ: upéva ha’e aparienciante. Oje’e Potemkin ojapouka umi tienda fachada ha ogakuéra cartóngui; jepe omoĩka campesinokuéra ojehecha omba’apoporãva ohechauka haĝua peteĩ economía prospera apariencia-pe. Umi visitante ohasapávo peteĩ rio ypýpe lado, Potemkin kuimba’ekuéra odesmonta pe aldea ha ogueraha meme o’arma haĝua hikuái ambue tenda gotyo ohasatahápe jave Catalina.
Jepe umi historiador ko’aĝua ndoikuaái añetévapa upe upe historia, “Potemkin táva” opytáma vocabulario popular-pe oñehenói haĝua péicha opa mba’e ojejapóva jagueroviauka haĝua ambuévape ñaime porãveha ñaimeha añetégui.
¿Oĩpa ñane korasõ tenda porãme?
Pe jehechaporãse oĩ ñane naturaleza humana-pe. Upévare ñamba’apo hatã ñande róga rokáre ha umi ñane ryke’y Sacerdocio Aarónico pegua oje’asegura tojehechaporã, ojotopáramo ĝuarã peteĩ mitãkuña ijespeciálva ndive. Ndaipóri mba’eve ivaíva jalustrasévo ñande zapatu, ñaneryakuãporãse terã ñañomi pláto ky’a oĝuahẽrõ ĝuarã umi maetro oreintador. Upevére, jaguerahárõ upéva extremo-pe, pe jehechaukase ikatu ohasa útil-gui ñembotavysépe.
Profetakuéra tapiaite oñe’ẽ umi oñemo’aĝuivagui Ñandejárare [omomorãvo] ijurúpe….ha katu [omomombyry] hikuái ikorasõ [Chugui]”1.
Pe Salvador ipy’aporã umi pekador ikorasõ mirĩva ha hi’añetéva ndive, ha katu ipochy hendaitépe umi ijipócritava ndive, umi escriba, fariseo ha saduceo-icha, ha’ekuéra ome’ẽségui apariencia hekojojaha, ohupyty haĝua ko mundo ñemomorã, influencia ha pirapire, ojopy aja umi hapichápe ohovasava’erãháme. Pe Salvador ombojoja chupekuéra “sepulcros blanqueados-re, okáguio, añetehápe, ojehechauka iporãvaicha, ha katu hyepýpe henyhẽ kangue ha opáichagua mba’eky’águi”2.
Ñande épokape, Ñandejára oguereko avei péichagua ñe’ẽ pohýi ñandéve poseedores del Sacerdociope ĝuarã, umi oñeha’ãva “oñomi [i]pekadokuéra, terã omyanyhẽ [i]jorgúllo, terã [i]potapy rei”. Ha’e he’iháicha, upéicha ojapórõ “yvága oho, Ñandejára Espiritu ipochy, ha ojei vove, opa upe kuimba’e sacerdocio terã autoridad”3.
¿Mba’ére ojehu upéva? ¿ Mba’ére piko ñañeha’ã jepi jajehechauka activo, próspero ha dedicado okágotyo ha ñande ryepýpe katu, he’iháicha pe Revelador efesios-pe, “jaheja kuri [ñande] mborayhu peteĩha”?4.
Oĩ káso nañañecentrasevéiteha pe evangelio esencia-pe, ha ñakonfundi pe “apariencia de piedad” “ijeficacia” reheve”5.Upéva ipeligróso jajehechaukasérõnte ha umi jajopóva discípuloicha okágotyo peĝuarãnte, japytaporã haĝua ñande rapichakuéra ndive terã jahupyty haĝua influencia. Upéramo jaike hína territorio fariseo-pe ha avei ha’e ára ña’examinávo ñane korasõ ñamoĩporã pya’e haĝua ñande rape.
Potemkin programakuéra
Upe py’ara’ã ña’aparentaseve pe ha’e añetévagui, ndaha’éi oĩnteva ñande vida personal-pe añónte, ha ikatu oĩ avei ñane rembiapo tupaoguápe.
Ejemplo ramo, aikuaa peteĩ estákagui, iliderkuera omoĩ umi méta anual iñexigénteva. Jepe umíva ojogua ovaleha la pena, oñemombyte umi ñe’ẽ porãme terã umi número ha porcentajekuérape.
Ohesa’ỹijo ha o’acepta rire umi méta, oĩ peteĩ mba’e oipy’apýva upe presidente de estákape, oñepyrũva opensa umi miembro ijestakapeguáre: peteĩ sy pyahu imemby michĩva ha o’enviuda ramoitéva; terã umi miembro oguerekóva dúda, ha’eñóva, terã hasykatúva ha ndoguerekóiva seguro médico; terã umi miembro iñemenda oñembyaíva, oguerekóva adicción, nomba’apóiva ha hasýva iñakãgui. Ha opensavérõ hesekuéra, oñeporandu ijupe ñemomirĩme: ¿ Umi méta pyahu romoĩva piko ojapóta alguna diferencia umi miembro rekovépe?
Oñepyrũ oñeporandu mba’éichapa iñambueva’erãmo’ã umi estáka méta oñeporandu raẽrõ hikuái: “ ¿Mba’épa ñane ministerio?”.
Upéicha upe presidente de estáka oñerreuni jey ikoncilio ndive ha oñondive omoambue pe enfoque; odecidi hikuái ndohejamo’ãiha “iñembyahýiva, ha oikotevẽva, ha ijopývova, ha hasýva ha ohasa’asýva [ohasa i]jykére ha nopenái hesekuéra”6.
Omoĩ hikuái méta pyahukuéra, ohechakuaávo pe éxito umi méta pyahúre nameméi ikatutaha oñemedi, ikatu kuimba’e nomedikuaái, ¿mba’éicha piko oñemedikuaa pe testimonio personal, Tupã mborayhu, térã karida tapichakuérare?
Ha katu avei oikuaa hikuái “ heta mba’e ojeipapakuaáva, ndojeipapái; ha heta mba’e ndojeipapakuaáiva, katu ojeipapa”7.
Añeporandu ndahetáipa umi ñane méta personal ha tupaóicha ojogua peteĩ “Potemkin táva” moderno-pe. ¿ Mombyry guivépa ojogua iporãha, ha katu ndohupytýi umi ñande rapichakuéra jahayhúva rembikotevẽ añetévape?
Che angirũ ha che irũnguéra ahayhuetéva peguerekóva pe sacerdocio, Jesucristo oguapýrõ ñanendive ha ojerure peteĩ informe ñande mayordomía rehegua, naimo’ãinte Ha’e oñecentrataha umi programa ni estadístikape. Pe Salvador oikuaasétava ningo mba’éichapa oĩ ñane korasõ; Ha’e oikuaaséne mba’éichapa jahayhu ha ñaministra umi oĩva ñane ñangareko guýpe, mba’eichapa jahechauka mborayhu ñane cónyuge ha ñane familia-pe; ha mba’éichapa ñambovevýi ikarga ára ha ára. Pe Salvador oikuaaséne mba’éichapa peẽ ha che ñañemoaĝui hína Hese ha ñande Ru Yvagaguáre.
¿Mba’érepa ñaime ko’ápe?
Ikatu iporã ñandéve ĝuarã ñahesa’ỹijóramo ñane korasõ. Techapyrã, ikatu ñaporandu ñande jupe: ¿ Mba’ére jaservi hína Jesucristo Tupaópe?
Jepe ikatu avei ñañeporandu: ¿Mba’ére ñaime hína ko’ápe, ko atyhápe?
Oiméne ambohováitaramo ko porandu superficialmente, ha’éta aimeha ko’ápe presidente Monson ome’ẽ haguére chéve peteĩ discurso.
Upéicha, añetehápe, ndaguerekói ambue opción.
Avei, che rembireko, ahayhuetéva, oha’arõ che aime ko’ápe. ¿ Mba’éicha piko ha’éta chupe nahániri?
Opavave jaikuaa oĩha motivo porãve jaha haĝua ñane atyhakuérape ha jagueraha haĝua peteĩ tekove Jesucristo discípulo oñekomprometévaicha.
Che aime ko’ápe asegiségui che Maestro, Jesucristo-pe opa che korasõ reheve. Ajapose opa Ha’e oikotevẽva chehegui ko causa tuichaitépe. Aipota pe Espíritu Santo chemopu’ã ha ahenduse Tupã ñe’ẽ hembiguaikuéra oñe’ordenáva rupive. Aime ko’ápe oiko haĝua chehegui peteĩ kuimba’e porãve, aje’edifika haĝua umi ñande ermáno ha ermanakuéra en Cristo ejemplo rupive ha añemoarandu haĝua mba’éichapa ikatu aministra porãve umi oikotevẽvape.
Ipahápe, aime ko’ápe ahayhúigui che Ru Yvagaguápe ha Ita’ýra Jesucristo-pe.
Aime seguro peẽ peimeha ko’ápe upévare avei. Upévare ñaime dispuesto jajapóvo sacrificio, ha ndaha’éi ja’énteva jaseguitaha Salvador-pe. Upévare jagueraha honor reheve Isánto Sacerdocio.
Peteĩ chíspagui tuicha tatarendýpe.
Jepe pende testimonio tuicha ha hesáĩ terã pende actividad tupaópe ojoguave peteĩ “Potemkin táva”-pe, pe buena nueva ha’e ikatuha pemopu’ã oimeraẽ mbarete peguerekóva ári. Jesucristo Tupaópe ikatu pende’aju espiritualmente ha peñemo’aĝuive Salvador rehe pejapóvo umi Evangelio principiokuéra ára ha ára.
Paciencia ha persistencia reheve, pe michĩvéva tembiapo discipuládogui terã jerovia pehẽngue michĩvévagui ikatu oiko peteĩ tatarendy ojajáiva peteĩ tekove konsagrádova. Añetehápe, péicha oñepyrũ hetave umi tatarendy: peteĩ chispa michĩmígui.
Upéicha, peimo’ãrõ penemichĩ ha penekangyha, Simplemente, peju Cristo-pe, Ha’e ikatu ojapo umi mba’e ikangýva taimbarete8. Umi ikangyvéva ñande apytépegui ikatu imbareteve espiritualmente Tupã grásia rupive, Tupã “ndojapóigui acepción de personas”9. Ha’e ñane “Tupã hekojojáva, oñongatúva pe konvénio ha misericordia umi ohayhúva Chupe ha oñongatúva imandamientokuérape ĝuarã”10.
Aikuaa añetehápe Tupã ikatúramo oipyso ipo ha osostene peteĩ pobre refugiado Alemán-pe oúva peteĩ familia mboriahúgui oikóva peteĩ tetãme oñehundiva’ekue ñorairõre, medio mundo mombyrýva pe Tupao sédegui, upéicharamo Ha’e ikatu penepytyvõ peẽme avei.
Che ryke’ykuéra Cristo-pe pohayhuetéva, pe Tupã Creacion-gua, ome’ẽva’ekue tekove ko universo-pe, añetehápe oguereko pu’aka ome’ẽ haĝua avei peẽme tekove. Añetehápe, Ha’e ikatu ojapo pendehegui pe yvypóra espiritual añete tesape ha añetegua rehegua peẽ ha’eséva.
Umi Tupã promesakuéra isegúro ha hi’añete. Ikatu ñaneperdona ñande pekadokuéra ha ñanemopotĩ opa tekoñañágui11. Jasegírõ ñañañuã ha javivi umi pricipio añeteguáva ñane circunstancia personal ha familiar-pe, ipahápe ñaĝuahẽta pe punto-pe “ndajaguerekomo’ãveihápe ñembyahýi ni y’uhéi…pe Cordero oĩva trono mbytépe [ñandepastoreátagui] ha…ñandegiáta fuente de aguas vivas-pe; ha Tupã omokãta opa tesay [ñande] reságui”12.
Tupao ha’e peteĩ tenda jakuera haĝuáme, ndaha’éi ñakañy haĝua.
Upevére, kóva ndoikomo’ãi ñakañýramo fachada personal, dogmática terã organizatíva kupépe. Péichagua discipulado artificial ndaha’éi ndohejáinteva jajehecha ñande jupe ha’ehaichaite, ha katu ndohejái ñakambia añete pe Salvador expiasiõ milagro rupive.
Ko tupao ndaha’éi peteĩ kóche jehechauka, terã, peteĩ tenda jajehechaukahápe ñande rapichakuéra omomorã haĝua ñande espiritualidad, kapacidad, terã prosperidad. Ojoguave peteĩ taller de servicio-pe, umi kóche oikotevẽva ñemyatyrõ oñeme’ẽtahápe mantenimiento ha reajuste.
¿Nañaikotevẽi piko opavave ñande ñemyatyrõ, manenimiento ha reajuste?
Ndajahái tupaópe ñamokañy haĝua ñande problemakuéra, ha katu ñamonguera haĝua.
Ñande, Sacerdocio jarekóva, jaguereko responsabilidad adicional “[ñañangarekóvo] Tupã grey-re… , ndaha’éi mbarete rupi, ha katu voluntariamente; ndaha’éi ganancia [personal] rehe, ha katu kyre’ỹ reheve; ndaha’éi jaguerekoramoguáicha pu’aka umi Tupã rebáñore, ha katu ha’évo ejemplo porã umi grey-pe ĝuarã”13.
Penemandu’áke, joyke’ykuéra, “Tupã orresisti umi oñembotuichávape ha ome’ẽ gracia umi imirĩvape”14.
Pe kuimba’e tuichavéva, ikatupyryvéva ha iporãveva oikova’ekue ko yvy ári ha’eva’ekue avei upe imirĩvéva. Iservicio hechapyrãvéva ojapo momento privado-pe, pokã testigo reheve, ojerurévape “ani omombe’u avavépe” umi mba’e Ha’e ojapova’ekue15.Oñehenóirõ chupe “bueno”, pya’e ha’e ombohasa upe ñemomorã he’ívo Tupã añonteha pe “bueno” añetéva16. Ojekuaa porã pe Yvóra ñemomorã ndaha’eiha mba’eve chupe ĝuarã. Ha’e oservisénte Itúvape ha “[ojapo] meme upe chupe ogustáva”17. Jajapo porãne jasegirõ ñane Mbo’ehára ejemplo.
Jahayhu Ha’e ohayhuháicha.
Joyke’ykuéra, upéva ha’e ñande llamamiento yvate ha imarangatúva: ha’e haĝua Jesucristo rembiguái, jahayhu Ha’e ohayhu haguéicha, jaservi Ha’e oservi haguéicha, “jasocorre umi ikangývape, ñamopu’ã umi po ho’áva ha ñamombarete umi tendypy’ã ikangýva”18, [ñañangereko] umi imboriahu ha oikotevẽva rehe”19 ha ñañangareko umi viuda ha ityre’ỹvare20.
Ajerure’asy che ryke’ykuéra, jaservívo ñane familia, quorum, barrio, estáka comunidad ha tetãnguérape, tajarresisti upe tentación jagueru haĝua pe atención ñandéve ĝuarã ha, hendaguépe, tañañeha’ã peteĩ honor tuichavéva: toiko ñandehegui Ñandejára ha Salvador Jesucristo discipulokuéra imirĩ ha hi’añetéva. Jajapóvo upéicha, jaguatáta pe tape ñandeguerahátava ñande “yo” porãve, añetegua ha inoblevévape. Upévagui Atestifika, ñane Mbo’ehára Jesucristo rérape . Amén.