Upe añetegua ha pe plan
Jahekávo añetegua religión rehegua, jaipuruva’erã umi método espiritual oĩporãva umi jehekápe ğuarã.
Pe revelación moderna niko odefiní añetegua, “pe kuaapy mba’éichapa ha’e umi mba’e, mba’éichapa ha’ékuri ha mba’éichapa ha’éta” (Doctrina y Convenios 93:24). Péva ha’e peteĩ definición iporãvéva Plan de Salvación ha “La Familia: Una Proclamación para el Mundo” -pe ğuarã.
Jaiko peteĩ époka iñasãi hetahápe umi información, ha katu opavave información ndaha’éi añetegua. Tekotevẽ ñaneprudente jahekávo añeteguáva ha jaiporavo hağua mba’e fuente-pepa jahava’erã jeheka hağua. Ndaha`éi ñakonsideranteva’erã prestigio térã autorida secular añetegua fidedigna fuente-kuéra ramo. Ñañangarekova’erã jajefia hağua umi información térã consejo ome’ẽvare umi celebridad, atleta-kuéra opu’ãva térã umi fuente ojekuaa’ỹva internet-pe. Pe jeikuaa peteĩ campo-pe ndajajagarrava’erãi peteĩ añetegua pericia ramo ambuekuéra témape.
Upéicha avei, ñañangarekova’erã umi mba’érepa oñeme’ẽ pe información. Upévare Escritura-kuérape ñande’adverti superchería-re (tojehecha 2 Nefi 26:29 ). Pe fuente ojekuaa’ỹramo, upe información avei isospechosa.
Ñane decisión personal-kuéra oguapyva’erã información ári oúva fuente-kuéra orekóvare umi requisito oñeikotevẽva pe tema rehe, ha isãsóva umi motivacion egoísta- kuéragui.
I.
Jahekávo añetegua religión rehegua, jaipuruva’erã método-kuéra espiritual iporãva umi jehekava’erãme: ñembo’e, Espíritu Santo testimonio ha jaikuaaha’ã Escritura-kuéra ha profeta-kuéra ko’ağagua ñe’ẽ. Akóinte ambyasy ahendúvo máva oñe’ẽva upe fe religiosa ñekañýre enseñanza secular rupi. Umi orekova’ekue visión espiritual ikatu sapy’ánte osufri jehecha’ỹ espiritual ha’ete voi ojeguerúva hi’ári. Presidente Henry B. Eyring he’i: “Iproblema noĩri pe oroviávape ohechaha; ha katu pe ikatu’ỹvape ohecha.”1
Umi ciencia rehegua método ñandegueraha pe ñahenóivape “verdad científica”, Ha katu pe “verdad científica” ndaha’éi ko tekovepaite. Umi ndoikuaáiva “por el estudio como por la fe” ( Doctrina y Convenios 88:118) olimita pe ijeikuaa añeteguágui umi ikatúvapente overifika medio científico-kuéra rupive. Upéva omoĩ límite artificial añetegua jehekápe.
Presidente James E. Faust he’i: “Umi [oñemongaraiva’ekue] omoĩ hi’ánga peligro-pe ohekávo opensa’ỹre upe jeikuaapy fuente secular añónte. Roguerovia Iglesia de Jesucristo de los Santos de los Últimos Días orekoha Cristo evangelio plenitud, ha pe evangelio ha’eha añetegua ha tesape ijapyra’ỹva.”2.
Jajuhu gozo añete ha opa’ỹva jaikuaa ha ja’actuávo añetegua ári ore ha’éva rehegua, mba’épa he’ise tekove yvy arigua ha moõ gotyo jaha ñamano vove. Umi añetegua ndaikatúi jaikuaa umi método científico térã secular-kuéra rupive.
II.
Ko’áğa añe’ẽta umi Evangelio añetegua restaurada-re oĩva fundamental ramo Iglesia de Jesucristo de los Santos de los Últimos Días doctrina-pe. Pehechamína, pekonsidera umi añeteguáva ñamindu’u reheve, omyesakã porãre ñande doctrina ha ñande práctica-kuéra rehegua, jepe umi mba’e ne’irãva hesakã.
Oĩ peteĩ Tupã, ha’éva opavave umi espíritu oikova’ekue ha oikótavagui Túva oporohayhúva..
Pe género niko ijapyra’ỹ. Ñanase mboyve ko yvy ári, opavave jaiko espíritu masculino térã femenino ramo Tupã rovake.
Ñahendu ramoite Manzana del Templo Tabernáculo kóro opurahéirõ “Tupã plan ikatu asegui”3 Upéva peteĩ plan Tupã omoĩ opavave Ita’yrakuéra espíritu-pe ikatu rupi oprogresa eternamente. Upe plan ha’e vital peteĩ teĩ ñandéve ğuarã.
Upe plan guýpe, Tupã ojapo ko yvy peteĩ tenda ramo Ita’yrakuéra espiritual ohayhuetéva ikatutahápe onase ko tekove yvy ariguápe orresibi haĝua peteĩ cuerpo físico ha jareko oportunidad japrogresávo eternamente jajapokuévo jeiporavo ijojáva.
Isignificativa hağua, umi jeiporavo yvy ári ojejapova’erã umi mbarete oñombohováiva iporã ha ivaíva apytépe. Oĩva’erã mante oposición, ha upéicha, peteĩ adversario, oñemosẽva’ekue rebelión káusa, ha oñepermiti chupe otenta Tupã ra’ykuérape oñemoĩ hağua upe Tupã plan rehe.
Pe Tupã plan propósito ha’e ome’ẽ Ita’yrakuérape oportunidad oiporavo haĝua tekove apyra’ỹva. Upéva ikatu ojehupytykuaa experiencia terrenal rupivénte, ha ñemano rire, ñemongakuaa rupi ojehupytýva mundo de los espíritus-pe.
Tekove yvy arigua pukukue, opavave ñañemongy’átakuri pekádore ja’ávo adversario tentacion inicua-pe, ha ipahápe ñamanóta. Ja’aseptákuri umi rréto, jajeroviávo Tupã ñande Ru ome’ẽtaha ñandéve peteĩ Salvador, Ita’ýra Unigénito, ñanderreskatátava peteĩ resurrección universal rupive peteĩ tekove personificada-pe ñemano rire. Pe Salvador avei ome’ẽta expiación opagáva opavave precio oñemopotĩ hağua pekádogui umi condicion Ha’e ome’ẽva’ekue he’iháicha. Umi condicion-pe oike Cristo-re fe, arrepentimiento, ñemongarai, Espíritu Santo don ha ambue ordenanza-kuéra ojejapóva sacerdocio autoridad rupive.
Pe Tupã plan vy’apavẽ rehegua omoĩ peteĩ equilibrio porã justicia eterna ha misericordia mbytépe ikatúva jahupyty Jesucristo expiación rupive. Avei opermiti tañaneambue criatura pyahu ramo Cristo-pe.
Peteĩ Tupã oporohayhúva oñemoağui peteĩ teĩ ñanderehe. Jaikuaa Imborayhu rupi ha Ita’ýra Unigénito expiación rupive,opa pe humanidad ikatuha ojesalva evangelio léi ha ordenanza-kuéra obediencia rupi.” (Artículos de Fe 1:3 cursiva agregada)
La Iglesia de Jesucristo de los Santos de los Últimos Días ojeikuaa porã peteĩ Tupao oñemombytévaicha familia-pe, ha katu nahesakãporãiva ha’e ñane enfoképa oñemombyte familia-pe ha ndaha’éi oñemombyténteva umi relaciones terrenales-pe. Umi relacione eterna avei ifundamental ñande teología-pe ğuarã. “Pe familia Tupã orden rupive”4 Ñande Creador ñanderayhuetéva plan tuichaite guýpe, Itupao restaurado misión ha’e oipytyvõ Tupã ra’ykuérape ohupyty hağua exaltación reino celestial-pe, ikatúva ojehupyty peteĩ kuimba’e ha peteĩ kuña matrimonio eterno rupivénte (tojehechaDoctrina ha Konveniokuéra 131:1–3” Romboaje umi Ñandejára mbo’epy: “taha’e peteĩ kuimba’e térã taha’e peteĩ kuña ha’e peteĩ característica esencial tapichakuéra identidad ha propósito-kuéra premortal, mortal ha eterno ryepýpe” ha pe matrimonio peteĩ kuimba’e ha peteĩ kuña apytépe iñesencial Iplan eterno-pe ğuarã”5
Ipahápe, Tupã mborayhu tuichaiterei, upévare ndaha’éirõ umi oipotava’ekuégui voi oiko chuguikuéra perdición ra’ykuéra, Ha’e ombosako’i peteĩ destino de gloria opavave Ita’yrakuérape ğuarã. ”Opavave Ita’yrakuéra” ryepype oike avei opavave umi omanova’ekue. Rojapo hesekuéra ordenanza-kuéra ñane templo santokuérape. Jesucristo tupao propósito niko ome’ẽ Ita’yrakuérape grado de gloria ijyvatevéva, ha’éva pe exaltación térã tekove ijapyra’ỹva. Umi ndojaposéivape ğuarã térã ndohupytýivape umi requisito, Tupã ombosako’i ambue reino, igloria-kuéra michĩvéva.
Oimeraẽva tekove oikŭmbýva ko’ã verdad eterna ikatu oikŭmby mba’érepa Iglesia de Jesucristo de los Santos de los Últimos Días miembro-kuéra ropensa ropensaháicha ha rojapo umi rojapóva.
III.
Ko’áğa amombe’úta aplicacione-kuéra umi verdad eterna rehegua ikatúva oñeikŭmby Tupã plan resape guýpe añónte.
Peteĩha ña’onrra pe albedrío individual. Hetave ohechakuaa Tupao rrestaurado rembiapo tuichaite opromove hağua libertad religiosa Estados Unidos-pe ha opa mundo ryepype. Umi ñeha’ã ndaha’éi ohekáva interes ñanemba’évante, sino, Iplan he’iháicha, oñeha’ã oipytyvõ opa Tupã ra’ykuérape odisfruta haĝua jeiporavo sãsógui.
Mokõihañande ha’e peteĩ pueblo misionero. Sapy’ánte oporandu hikuái oréve mba’érepa ñamondo misionero-kuéra heta tetãme, uvei umi poblacion cristiana-kuéra rupi. Rorresivi peichagua porandu mba’érepa rome’ẽ millones de dólares ayuda humanitaria-pe umi tapicha ndaha’éivape ğuarã ore tupaogua miembro-kuéra ha mba’ére norombojoajúi ore pytyvõ ore ñeha’ã misional-pe. Rojapo péicha roestimágui opavave tekove mortal Tupã ra’ykuéra ramo—ñane hermano ha hermana-kuéra— ha ñamboja’ose ñane abundancia espiritual ha temporal opavavéndi.
Mbohapyhañandéve ğuarã, tekove yvy árigua isagrado. Ñane compromiso Tupã plan ndive oikotevẽ tañañemoĩ aborto ha eutanasia-re.
Irundyhaheta tekovépe oipy’apy opáichagua Tupao práctica-kuéra matrimonio ha ta’yrakuéra rehegua. Ñande kuaapy plan de salvación-re Tupã orrevela’akue ñanemoĩ heta umi presión política-kuéra, legal ha social-kuéra ko’ağaguáre rojapo hağua ñemoambue matrimonio tradicional térã ñemoambue okonfundíva térã o’alteráva pe género térã ombojehe’áva umi kuimba’e ha kuña diferencia-kuéra. Jaikuaa umi Kuimba’e ha kuñakuéra relaciones, identidad ha funcion iñesencialha ojehupyty hağua pe Tupã plan tuichaite.
Quinto-haavei jaguereko peteĩ perspectiva hesakãva ta’yrakuérare. Ñakonsidera pe ta’yrakuéra ñegueronase ha ñemongakuaa, Tupã plan ryepypeguaha, há peteĩ vy’a ha sagrado deber umi orekóvagui poder oparticipávo ipype. Jaguerovia umi yvy ha yvága tesoro-kuéra tuichavéva ha’eha ñande ra’ykuéra ha ñane ñemoñare. Upévare, ñambo’e ha jaluchava’erã umi principio ha práctica-kuéra ome’ẽtavare condicion iporãvéva ta’yrakuéra ñemongakuaa ha vy’ápe ğuarã; opavavépe ğuarã.
Ipahápeñande peteĩ Túva Yvagagua ra’ykuéra ñanmbo’éva’ekue pe masculinidad ha femineidad, ñemenda kuimba’e ha kuña apytépe, ha ta’yrakuéra jereko ha ñemongakuaa iñesencialha Iplan tuichaite vy’apavẽ reheguápe. Ore postura umi principio básico-re sapy’ánte ogueru oposición Tupaóre, ha rokonsidera upéva ndaikatuiha oñemombia. Pe oposición niko oĩ voi plan ryepýpe, ha pe oposición imbaretevéva Satana mba’e oho upe iñimportantevévare Tupã plan-pe. Ha’e ombyaise Tupã rembiapo; imétodo-kuéra principal-va ha’e odesacredita Salvador ha Ijautoridad divina, o’elimina umi Jesucristo expiación efecto-kuéra, odesalenta pe arrepentimiento, ofalsifika pe revelación ha okontradesi upe responsabilidad individual. Avei oñeha’ã okonfundi pe género, odistorsiona pe matrimonio ha odesalenta pe maternidad especialmente umi túva omongakuaátavape ta’yrakuéra añeteguápe.
IV.
Ñandejára oñemotenonde oposición organizada ha meme ñambohovái py’ỹi ramo jepe jaluchávo jaiko hağua ombo’eháicha Jesucristo Tupaogua Santokuéra Arapahapegua. Umi ovasilávape oposición guýpe, apropone mbohapy sugerencia
Penemandu’a arrepentimiento principio-re ojehupytyva’ekue pe Jesucristo expiación pokatu ijojaha’ỹva rupive. Oñemoñe’ẽháicha élder Neal A. Maxwell, ani pejejuhu umi “omoambueséva Tupao apytépe iñambue’ỹ rãngue ha’ekuéra voi”6
He’i haguéicha élder Jeffrey R. Holland:
“Pejaferra pe jeikuaa perekóvare voi ha peñemantene atã ouve peve kuaapy…
”… Ko tupaópe umi jaikuaáva akóinte oprevaleséta umi jaikuaa’ỹva ári” 7
Pemomba’apo fe Ñandejára Jesucristo-re ha’éva Evangelio principio peteĩha.
Ipahápe, peheka ñeipytyvõ. Ñande lider-kuéra penderayhu ha oñeha’ã guía espiritual peneipytyvõ hağua. Roikuave’ẽ heta recurso umi ikatúvaicha pejuhu LDS. org.-pe ha ambue médio de apoyo ja’estudia haĝua Evangelio ogapýpe. Avei, jareko hermano ha hermana-kuéra ministrante oñehenoiva’ekue oporoipytyvõ hağua mborayhúpe;
Ñande Ru Yvagagua ñanderayhuetéva, oipota Ita’yrakuera jareko upe gozo ha’éva ñande creación propósito. Pe destino vy’arã niko tekove ijapyra’ỹva, ikatúva jahupyty jaha pukukuévo tenonde ñemova’ỹme pe ñande profeta, presidente Russell M. Nelson, py’ỹi ohenóivape “konveniokuéra rape”. Kóva pe he’iva’ekue pe mensaje ñepyrŭme Tupao Presidente ramo: “Peñemantene konveniokuéra rapépe. Pene compromiso pesegívo Salvador-pe pejapóvo konveniokuéra Hendie ha upéi peñongatu umi konveniokuéra oipe’áta peẽme okẽ opa jehovasa ha privilegio espiritual-pe oĩva ohupyty hağuáicha kuimba’e, kuña ha mitã opa hendápe8
Solenmemente atestifika umi mba’e ha’éva añeteguaha, ha ikatuha ojehupyty Jesucristo mbo’epy ha expiacion rupive, ojapóva opa mba’e posible Tupã, pe ñande Ru Eterno, plan tuichaite guýpe,. Jesucristo rérape. Amén.