![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F6a%2F9b%2F6a9b31521955304c1dbeb3e72a39b2e1fb55c347%2F6a9b31521955304c1dbeb3e72a39b2e1fb55c347.jpeg/full/!250,/0/default)
Fon Mma Ke Enye
Mfonma nnyin edito ke mfon Abasi kpot.
Ete nnyin ke Heaven ye Andinyanga nnyin Jesus Christ, enyene odudu ndinyanga nnyin nnyung mkpuhore nnyin. Mmo ekeme ndinwam nnyin ikabare itie nte Mmo.
Ke mme isua ifang emi ekebede, ekpri eyen eyen nnyin eren kiet, Aaron, ama otongo ndinyene mfina eke nsongidem. Enye akabare okop ekaha, enyene mkpri unaan, ndien enye ikikopke nsongidem. Ke ema ekenam ndungore eke ufokibok ekure, ema edoho ke enye enyene okposong udongo unana iyip, udongo emi anamde ndiakpo esie etre ndino ndandat iyip, afia iyip, ye mmong iyip. Ke usobo miduhe ye edikok, iyip esie ikikemeke nditre ndiworo ofon mme ndinwana ye mme unam udongo, ye mme mkpri iduo, mme unaan, mme udongo ekeme ndidi mfina eke uwem.
Ke anyan ini, Aaron okobo mmong iyip ye ndino iyip kubok kubok ke ndinam enye okudu ke mfina. Mme mbia-ibok mbakara ema eting anwanga ete ke nkukure usobo ke udongo oro edi ndinan edikpuho ndiakpo, nko ke eti ndaha ke ndikan edi ndinyene eyen eka esie nte andino. Edieke kiet kotu ndito eka esie enyenede ukem ye enye, ukpuho okpo oro eyedi nkpo unyanga uwem. Ema edomo mkpri ndito eka esie inang ese, ndien kiet, Maxwell, ekedi eti andinyene ukem.
Kpa nte eti andino, ukpuho ndiakpo osuk onono akamba mfina ye mme idiok. Nkpo oro oyom ete ke ana ebiat mme ndiakpo Aaron otode ke mme nkpo chemotherapy ye ikang mbakara mbemiso enye obo ndiakpo eke eyen eka esie Maxwell. Ndien ke ntak oro nsongidem Aaron ekedide, akana nte ebahade enye ke ufokibok ke ediwak udua ye ke ufok ke ediwak ofiong ye asanga asanga nkpo, utre isang, ye mme ibok.
Idorenyin ke ndikpuho ndiakpo ekedi yak idem Aaron okusin ndiakpo andino nko yak ndiakpo Maxwell ekeme ndinam mme iyip emi eyomde ke idem Aaron. Ndino ukpuho iyip anam ata akamba ukpuhore ke idem. Ke mkpaidem, andino eting ete adieke Aaron anamde idiok nkpo okpong iyip esie ke ebiet oro, ke police ekeme ndimum eyen eka esie Maxwell. Ke ntak edide ke iyip Aaron otode ke ndino ndiakpo Maxwell nko enye enyene DNA Maxwell, emi edidi ntre ke ofuri eyo uwem esie.
Aaron ndibo edikok otode ke iyip eyen eka esie anam ediwak ekikere kabanga iyip uwa eke Jesus Christ ye ndaha eke Uwa-usio-isop Esie ke nnyin. Ami nyema nditing mfin mbanga nsi nsi, ukpuhore uwem emi odude nte nnyin iyakde Obong anam mme utibe nkpo ye nnyin.1
Aaron ikinyeneke odudu ke idem esie ndikan udongo oro. Idem esie ikikemeke ndinam iyip okoyomde ndinam uwem esie aka iso. Ke baba nkpo emi enye ekenamde ke idem esie, enye ikikemeke ndikok ndiakpo esie. Kpa nte Aaron mikikemeke ndikok idem esie, nnyin ikemeke ndinyanga idem nnyin. Ke misehe adanga nte ekemede, akade nwed, ofiokde nkpo, mme osongode, nnyin ikemeke ndiyet idem nnyin nsio ke idiok nkpo, ikpuho idem nnyin isin ke ndaha unana mkpa, mme ndidibede idem nnyin. Edi memem kpot otode ke Andinyanga nnyin Jesus Christ ye ata edisana Uwa usio isop Esie. “Usung efen iduhe mme enyin enode ke idak enyong emi ekemede ndinyanga owo ke obio ubong Abasi.”2 Edi iyip isop Esie ekeme ndiyet nnyin nnyung nam nnyin isana.
Okposuk edi nte Aaron mikikemeke ndinyanga idem esie, mman ukpuho okpo ndifon ana nte enye enyene udong ke ndinam se mmbia ibok mbakara ekebipde—kpa nte emi enehede osong, nkpo eke idomo. Okposuk edi nte nnyin mikemeke ndinyanga idem nnyin, kini nnyin isukde ibuot ino uduak Abasi inyung inim ediomi nnyin, usung eberede ono edidemere nnyin.4 Nte oworo etop ukpuho iyip DNA eke Aaron, nnyin imikeme ndinam esit nnyin okpuho,5 inyene ndise Esie ke uwutnko nnyin,6 inyung ikabare idi obufa obot ke Christ.7
Alma ama eti mbon Zarahemla abanga emana emi ekebede emi eke enyenede nkabare esit. Ke nditing mbanga ete esie, Alma anam anwanga “kabanga mbuotidem esie ke akamba ukpuho nkpo ama odu ke esit esie.”8 Enye ndien obup, “nte mbufo emenyene akwa nkabare esit emi ke esit mbufo?”9 Ikedighe mme owo ekekabare esit mmo. Abasi akanam ukpuhore oro. Alma eting ata inwang-inwang kabanga emi. Enye odoho,” enye okpuhore esit mmo.”10 Mmo “esuhore idem mmo enyun esin mbuotidem mmo ke eti ye oduwem Abasi … [nko] enyene mbuotidem tutu utit … [ndien] ema enyanga mmo.”11 Mme owo ema enyime ndikubore esit mmo enyung enyene mbuotidem, ndien Abasi okpuhore esit mmo. Nsuto akwa ukpuhore ke oro ekedi. Kere banga ukpuhore ke mme uwem owo iba emi ekotde Alma mbemiso ye ke ama ekekabare esit.12
Nnyin idi nditɔ Abasi ye akwa ini iso. Nnyin imikeme ndikabare ntie nte Enye inyung inyene “oyoho inem esit.”13 Satan, ke nkang eken, oyom nnyin idi idiok nte enye edide.14 Nnyin iminyene ukeme ndimek enye emi iyomde nditiene.15 Kini nnyin itienede Satan, nnyin ino enye odudu.16 Kini nnyin itienede Abasi, Enye ono nnyin odudu.
Andinyanga ama ekpep ete “ana nte nnyin ifon ima.”17 Emi ekeme nditie nte nkpo emi osongde. Ami mmekeme ndikut unana odudu eke idem mmi ye ke ubiak mfiok mbanga ke ufot mi nfon mma. Nnyin iminyene ukeme ndikere ke ana nte nnyin inam idem nnyin ofon, edi oro idighe mmemmem. Ke etienede kpukrpu ekikere ke kpukpru unwam eke idem emi otode nwed ke ererimbot ikemeke ndiam enye edi ntre. Usung kiet kpot odu ye enying kiet emi ufon ekemede ndiworo-ndi. Enam nnyin “ifon otode ke Jesus atie ubiong nnyin eke obufa ediomo, emi akanamde edisana otode ke nsana mma uwa usio isop ke ndiduok iyip esie.”18 Mfonma nnyin edito ke mfon Abasi kpot.
Nte afo amekere adanga nte ekpekedide ono eyen eyen nnyin eren Aaron ke ndinim ke ana nte enye ofiok ye ke ndinam kpukpru mme nkpo nsong idem kabanga ukpuho ndiakpo ke idem esie? Inaha nte ikere ke ana nte nnyin inam nkpo emi Andinyanga kpot ekemede ndinam nte emi an.
Nte Moroni eketrede nwed esie, enye ekpep: “Mbufo, edi etiene Christ, enyung esana ke enye, … ndien adieke mbufo editipde idem mbufo ke kpukpru anana mbiet abasi, enyung ema Abasi ke ofuri ukeme mbufo, ekikere ye odudu, nko ke mfom esie eyewak ono mbufo, man oto ke mfom esie ke mbufo ekeme ndisana ke Christ”24 Nsuto ndongesit ye enyene odudu akpaniko! Mfon Esie ekem mi udeme. Mfon Esie ekem mbufo udeme. Mfon Esie ekem kpukpru emi “ekpade mba ye emi ebiomde mbiomi.”25
Ye uno usobo eke ufokibok nte eke Aaron, esidu kpukpru ini ndutimede kabanga iboro. Ntem, Aaron ama oyom oyoho uno okpo iba ke ini akpa ekenyenede mfina. Ke ekom, kabanga nkabare esit eke spirit, nnyin inaha nte ikere mme enye eyetibe. Ke ini nnyin idude nte uduak Esie edide, “ibetde idem ofuri ofuri ke enye emi ekemede ndinyaga akamba,”21 odu ata osongo ke ndinam nnyin isana otode ke iyip Andinyanga nko ida ofon ke Enye. Enye edi “Abasi akpaniko, ndien [ikemeke] ndisu nsu.”22
Iduhe mbume emi ke nkpo ukpuhore emi adat ini nko ke ikemeke ndikure ibohoke ke uwem enye emi ama ebe, enwongo edi akpaniko. Kini ediworo nsu enwongo Abasi etiede nte oniong, nnyin isuk imum mme enwongo oro ikama, ifiok ke mmo eyeworo esu.23
Utibe nkpo ke nsongidem Aaron ama ada inemesit edi ke ufokemana nnyin. Kere banga akwa inemesit ke heaven ke ini akwa nkabare esit odude ke ukpong nnyin.
Ete nnyin ke Heaven ye Andinyanga nnyin Jesus Christ, ema nnyin nko eno nnyin ke mfon ndinam nnyin ikpuhore ndien enam nnyin ifon. Mmo eyom ndinam emi. Edi esine ufot ke utom ye ubong Mmo.24 Metie ntiense ke Mmo enyene odudu ndinam emi nte nnyin ikade ibine Mmo ke mbuotidem. Ke enying Jesus Christ, amen.