![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F29%2F2f%2F292f9d2ff06a8745fd5d3c118a3581fa60afa42b%2F292f9d2ff06a8745fd5d3c118a3581fa60afa42b.jpeg/full/!250,/0/default)
Owo-mbet eke Ebighide
Nyin imikeme ndinyene uko eke spirit ye emem nte nyin ibɔkde mme ndisana ido ye mme edinen edinam emi ekemede ndimum mbuotidem nyin nkama nyuŋ nnam ikaŋ mbuotidem nyin asak.
Ke ini ndaeyo emi osuk ebede, iwaad nyin emi ewakde ebe ibat owo 200,000 ke ofuri ererimbot ema ekori ke mbuotidem nte mmo ebuanade ke kiet ke otu ediwak ikpehe eke mme mbono Odudu eke Iwaad, mme FSY. Ke ewɔrɔde ekpong udip-idem eke udongo ofuri ekondo, edi ndiwut mbuotidem ke Obong ono ediwak mmo emi ebuanade. Etie nte ediwak mme mkpri owo emi ekebuanade etiene usung kiet emi anwamde ndinam edikabade esit eneghede otungo. Ke utit urua mmo, Ami mmema ndibup mmo nte, “ Ndien,eke etie didie?”
Ndusuk ini mmo ema eting mme uto iko ntem: “ Ofon, ke Monday ami mma neghede nyat esit ye eka mi koro enye ama anam mi ndi, Ami nkoyuŋ mfioke owo ndomokiet. Ami nkoyuŋ nkereke nte ke mbono oro edi okim. Ami nkoyuŋ nyeneke ufan ndomokiet.… Edi mfin edi Friday, ndien ami nyom ndidu mi. Ami nyung nyom ndikop Spirit ke uwem mi. Ami nyom ndidu uwem ntem.
Mmo kiet kiet enyene mbuk mmo nditing mbanga ini anwangade ye mme eno eke Spirit emi ekeyetde mmo onyung emen mmo asanga ke usuŋ nkori. Ami nko mma mkpuhɔre ke mbono FSY eke ndaeyo emi, nte ami nkekutde Spirit Abasi mikikpaha mba ndiboro mme edisana udong eke otu iwaad emi mmo kiet kiet eke ekutde uko ndibuotidem ke edinim Esie ke uuua kiet.
Ukem nte ediye idem ubom ukwak ke akpa, nyin idung ke ebiet emi ekemede ndibiat mme nkpo eke spirit emi anade nte nyin itim ikama mme ndiyie nkpo emi nyin inimde ke akpaniko midighe ntre mmo ekeme ndibiara, ete nkarafang, ndien enyung ebe efep.
Nso ke nnyin ikpanam man itim ikama ikang edikabade esit nyin?
Se nyin ikutde ke mbono nte FSY, nna otu nka, mbono udia-Obong, ye ndika utom ukworo-iko Abasi ekeme ndinwam ndinam ikang iko ntiense nyin asak, ada nyin ebe ke usuŋ nkori ye ediyarade nkpo spirit ekesim emem. Edi nso ke ana nte nyin inam man idu do inyung “ika-iso isin ifik ye nsongonda ke Christ” (2 Nephi 31:20) akan nyin edifiak edem? Ana nte nyin ika-iso ndinam mme nkpo oro edidade nyin isim do ke akpa ifet, nte ndibong akam kpukpru ini, ibuk idem nyin ke nwed Abasi, inyung isin unwam ke ofuri esit.
Kabanga-de ndusuk nyin, oro eyeyom edibuoti-dem ke Abasi man iduk mbono udia-Obong. Edi kini nyin isimde do, odudu edikok eke udia Obong Jehovah, ukpebnkpo iko Abasi emi edi idukde fi idem, edibkok emi otode mbon Ufok Abasi ekeme ndida fi nsim ufok ke nkong-nkong isong.
Mmɔŋ ke odudu ndiboho otokiet nte otu owo edi-to?
Ke FSY ediwak iwaad nyin emi ewakde ebe ibat owo ikie tosin ema edi neghede efiok Andinyaŋa ke ndida edimem usung eke ndidi otokiet ke ebiet emi owo iba mme ita ebohode ke enying Esie (se Matthew 18:20),enam iko Abasi ye nwed Abasi, ekwode-ikwo, ebongde-akam otokiet, enyung ekutde emem ke Christ. Emi edi akwa item ke ndidemere spirit.
Mme ndito ete ye ndito eka emi edude ke nsio-nsio ebiet ema enyongo ufok idahaemi man eka ekebiere se iworode ndisuk nka iso “nyene mbuotidem ke Abasi”(Proverbs 3:5; 2022 youth theme) kini ndutime ererimbot ɔkwɔkde mmo osio. Edi nkpo kiet “ndikop Enye” (Joseph Smith—History 1:17) ke ifure-ifure ebiet eke uwuk-ekikere ye nwed ikoabasi emi ekubore enim. Ndien edi nkpo efen ndida mbet nyin nduk ererimbot emi oyohode ye mmen-mfep emi anade nte nyin iwana ukeme “ndikop Enye,“ ekpededi ke ufot ukereidem ye unana-uko. Yak eyighe okudu, edi ata edu eke mbon uko ke iwaad nyin ewut kini mmo enimde esit mmo ye ekikere mmo ndidaha nwana ye mme nkpo eke afinade eti edu uwem ke ini nyin.
Nso Ke Mme Ufokemana Ekeme Ndinam man Ebop edori ke Nti Ndaha emi Edinam Ufok Abasi Anamde?
Ini kiet ami mma-nam utom nte ebe Adaibuot eke Nkaiferi Iban ke stake. Okoneyo kiet ema eno mi utom ndineherd uyo mbono ke esa kini nwan mi adade usung ke mbono mbenikang ke esit ufok Abasi ekenimde eno mme eka ye ete ye ndito iban mmo emi ebengede idem ndika nna-ekong eke Nkaiferi Iban ke udua iso emi edide. Ke enye okurede ndinam anwanga ebiet edidude ye se mmo edidade idi, enye odoho ete, “ndien, ke usenubok Tuesday kini mbufo esukde mme ndiyie ndito iban mbufo ke itie edidukde nkpo-isang, afo eyenehede afat mmo. Ndien onyung otim mmo inua eke unyong—koro mmo idiyɔŋke idi aba.”
Ami nkop nte owo etingde iko ke esit, ndien ndifiok ke edi ami. “Idiyɔŋke idi aba?”
Edi ndien enye akaiso nditing, Kini afo osukde ndito iban usen ubok-Tuesday oro, mmo eyekpong mme mmen-mfep eke mkpri nkpo enyung ebiat urua kiet otokiet ke ndikpeb ye ke ndikori nyung nyene mbuotidem ke Obong. Nyin iyebɔŋ akam otokiet inyung ikwo ikwo inyung item udia inyung inwam kiet eken otokiet inyung ibuana ikontiense otokiet inyung inam mme nkpo emi ediyakde nyin ikop spirit Ete eke Heaven, ke ofuri urua, tutu enye oduk ekesim esit okpo nyin. Ndien ke Saturday, ndito iban emi mbufo edikutde nte eworode ke nkpo-isang ididihe mbon oro mbufo ekedade ekesuk ke Tuesday. Mmo eyedi mbufa owo. Ndien edieke mbufo edinwamde mmo ndisanga ke nkong-nkong usung oro, mmo eyenam idem akpa mbufo. Mmo eyeka iso ndikpuhore enyung ekori Edi idi kpa ntre nko ke ufokemana mbufo.
Ke Saturday oro, ekedi kpa nte anwan mi eketingde. Nte ami ntangde ataya ndong ke nkpo-isang, ami nkop uyo nwan mi ke ekpri ufok-mbre emi ndito iban oro ekobohode otokiet mbemiso mmo enyɔŋɔ ufok. Ami nkop nte enye odohode ete, “Oh, sese mbufo do. Nyin ima ikese mbufo enyin ke ofuri udua. Ndito iban Saturday nyin.”
Mme ukpotio iwaad eke Zion ke esanga ke okposong ini. Edikut idaresit ke ererimbot emi ekekutde nkukut ebanga ete ke ediyoho ye ndutime edi mmo inyung ibuanake ke ererimbot oro, ye idiok-itie kabanga se isanade, edi ata ubiong-utom mmo. Ke nkpo nte isua ikie ekebede G. K Chesterton ama eting iko ukem nte ekpedohode ete ke enye ama okut udong emi nte ekpedide se idade itie ke ufokemana ndien unwam oto Ufok Abasi kini enye odohode ete, “Ana nte nyin ikut ererimbot nte ediye ufok idiok unam, emi anade nyin iduk ifiak iworo, edi enye onyung edi ufok idung emi nyin inyɔŋde ika ke mbubreyo” (Orthodoxy1909], 130).
Ke esit ekom, mmo isangake ikpong ika iso ekong. Mmo enyene kiet eken. Mo enyene mbufo. Ndien mmo etiene odu-uwem prophet, President Russell M. Nelson, emi adade usung ye idorenyin eke asiak-uduak ke nditing nte ke akwa utom eke eyo emi—nditang Isreal mbok— edi idi ata akamba ye ediye nkpo.(se ““Idorenyin Israel” [worldwide youth devotional, June 3, 2018], HopeofIsrael.ChurchofJesusChrist.org).
Ke ndaeyo emi, nwan mi, Kallen, ye Ami ikikpuho ubom-ofim ke Amsterdam, obio emi Ami nkedide obufa okworo-iko Abasi ke ediwak isua emi ekebede. Ke mma nkebiat mme ofiong ke ndiwana ndikpeb usem Dutch, nte ubom-ofim KLM nyin oyomde ndisim isong, ndien etubom asian etop ke nkpo usuan-etop emi miwangake. Ke ekpri ini ndobo ebede, nsanga ukworo-iko Abasi mi eting sung-sung ete, “Ami nkere ke oro edi usem Dutch” Nyin idise enyɔŋ, inwana ndikot se owo nyin kiet-kiet ekerede, Kpukpru nkpo ama osop.
Edi kpukpru idihe ntak-ntak. Nte idem akpade mi abanga mbuotidem emi nyin ikiyenede ini oro nte nyin isangade ke anwa ubom-ofim ika usung nyin ndikut mme utibe nkpo emi edisimde nyin nte mme okworo-iko Abasi, ke usop ema efiak eda mi enyong edi ebiet emi ami nkedude oto ke odu-uwem, ewek-iwek okworo-iko Abasi kiet emi okodukde ubom-ofim ndinyɔŋ ufok. Enye eting owo emi enye edide ndien onyung obup ete, President, “nso ke ami ndinam idahaemi?” Nso ke ndinam man nkaiso nyene nsongonda?”
Emi edi ukem-ukem mbume emi odude ke esit mme iwaad nyin nte mmo ekpongde mbono FSY, nna-ekong mme iwaad, isang uka temple, ye ini ekededi mmo ekopde odudu eke heaven: “Didie ke ima emi inyenede ino Abasi ekeme ndikabare ndi owo-mbet eke ebighide?”
Ami mma-nnyene akwa ima nno okworo-iko Abasi emi anamde utom ke akpatre ini ke isang ukworo-iko Abasi esie, ndien ke esisit ini ndobo eke Spirit oro uyo mi asiaha nte ami ndohode nte, “Inaha nte afo adiana idiongo man ekere enying Esie.”
Ami nkoyom ndidori ubok mi ke afara esie nnyung ndoho nte, “Emi edi se edinamde. Afo yɔŋ ufok yung ka kedi emi Afo omofon eti-eti ayak esisit afo akpayama ke ekim. Item ye nwaidem fo ke utom ukworo-iko Abasi anam fi edi ata ediye eyeneren Abasi. Ka iso edi-nam ke ufokidung mme nkpo oro okofonde ye afo mi ke ata eti usung. Afo ama ekpeb nte ebongde akam ye owo emi edibongde-akam ino ye mme usem edade ebong akam. Afo omokot iko Esie onyung edi ma Andiyaŋa ke ndinwana ukeme nditie nte Enye. Afo emema Ete eke Heaven nte Enye akamade Ete Esie, anwam mbon efen nte Enye akawamde mbom efen, onyung enim mbet nte Enye ekenimde mmo— ndien kini mukunamke ntre, afo ama akabade esit. Owo-mbet fo idige suk iko emi ewetde edian ke ofong idem—oro akabade edi ubak nkpo kiet ke uwem fo emi afo enehede odu ono mbon efen. Ke ntre, afo yɔŋ ufok yuŋ kanam oro. Di oro. Da odudu spirit emi sin ke nsuhɔ uwem fo.”
Ami mediɔŋɔ nte ke oto ke ndibuotidem ke Obong Jesus Christ ye ke usung ediomi Esie, nyin imikeme ndinyene uko eke spirit ye emem nte nyin ibɔkde mme ndisana ido ye mme edinen edinam emi ekemede ndimum mbuotidem nyin nkama nyuŋ nnam ikaŋ mbuotidem nyin asak. Nyin kiet-kiet ikpikam isik ke nsinsi ikpere mme ikaŋ oro emi onode ufiop, nte ekpededi, isongo ida. Ke enying Jesus Christ, amen.