Uko ke Ndifiori Akpaniko

Otode Elder Denelson Silva

Eke Seventy

Inikiet nnyin ikpepde ito akpaniko, Obong ono nnyin unen ke ndinam se akpenam adieke Enye ekpedude mfin.

Ke 1982, ami nkekure udiana degree ke topography ke technical school.

Ke akpatre isua, owo class mi ete inyene neme. Ami meti ke nnyin ima ikpong mbon class efen inyung ika ebiet ke edem ekwere mbre. Ke nnyin ikesimde do, enye eting iko ono mi kabanga edikpak eke edu ukpono, enye ikewutke mi nwed kpot, edi enye ama ono mi nwed oro. Ke akpaniko, ami ntighe kpukpru mme iko emi enye eketingde, edi ami mmeti ini oro eti eti ye adanga nte nke-kerede ke ini enye odohode, “ami nyom ndino fi iko ntiense nte ke nwed emi edi akpaniko, nko ke ema efiak emen Iko Abasi Jesus Christ edi.”

Ke neme nnyin ama ekekure, ami mma nyong ufok, nkubode esesit ikpa nwed ke nwed oro, nyung ndot enye ke nkpo udot nwed. Koro nnyin ikedude ke utit isua, ndien ekedi akpatre isua mi ke ndinam degree eke topography, ami nkineheke nno nkpang utong ke nwed oro mme ye owo class nnyin emi akabuanade enye ye ami. Enying nwed oro afo amekeme ndikere mbanga. Inh, enye ekedi Nwed Mormon.

Ke ofiong ition ebede, mme okworo iko Abasi ema edi ke ufok mi; mmo ekekpong ke ini emi ami nkenyongde utom ndi. Ami mfiak nkot mmo nsin ke ufok. Nnyin iketie ke ekpri itie ke iso ufok mi, ndien mmo ema ekpep mi.

Ke ndungode mi kabanga akpaniko, ami mma mbup mmo ewe ufokabasi edi akpaniko nko ndidie ke ami nkeme ndikut enye. Mme okworo iko Abasi ema ekpep mi ete ke ami mekeme ndibo iboro oro ke idem mi. Ye akwa ediyom ye udong, ami mma nyime idomo mmo ke ndikot ediwak ibuot nwed otode ke Nwed Mormon. Ami mma mbong akam ke esit akpaniko ye eti udong (seke Moroni 10:4–5). Iboro kabanga mbume mi ekedi inwang inwang, ndien ke nkpo nte usen ifang ke iso—ke ata nenen ke May 1, 1983—ami mma nna uduok mong enyung esongo mmi nte owo Ufok Abasi Jesus Christ eke Ndisana owo ke Ukperedem Usen.

Mfin emi, ke ini nkerede mbanga mme nkpo emi eketibede, ami nehede nkut ofon adanga nte okofonde ke uno udong eke owo class mi ekedide kini enye okonode iko ntiense esie kabanga mfiak mendi akpaniko ye nte enye okonode mmi eti menwut eke Edifiak mendi eke iko Abasi Jesus Christ, kpa nte Nwed Mormon. Memem nkpo oro, edi ye ata akpan nkpo ono mi, ama anam ediyire ke ufot mi ye mme okworo iko Abasi ke ini ami nke-kutde mmo.

Ema emen akpaniko ewut mi, ndien ke uduok mong mi okurede, ami mma nkabare ndi mbet Jesus Christ. Ke ufot mme isua emi eketienede, ye ke unwam mme ata asanga-sanga owo nkpo nte mme adausung, mme andikpep, mme ufan, nko otode ke ukpep eke idem mi, ami mma nkpep nte ke ini mbierede ndidi mbet Jesus Christ, ke ami mma nyime ubiong utom idighe kpot ke ndida nno akapn-iko, edi ke ndifiori enye.

Ke ini nnyin ikeyimede ndinim ke akpaniko ye ke nditiene enye, ye ke ndinam odudu ke ndidi nti mbet Jesus Christ, nnyin iboho nwed itoro ye osongo ke nnyin idinamke ndudue, ke nnyin ididomoke ndiworo mkpong akpan-iko, nko mbak owo editing iko idian nnyin, kakpan ke nnyin idikutke mme ukut. Edi ifiok eke akpaniko ekpep nnyin ete ke ini nnyin idukde ke nenen ye mkpafaha usung emi edimende nnyin ifiak ibine Ete eke Heaven, ke eyesuk odu usung ke ndifeb mme mfina emi (seke 1 Corinthians 10:13eyesuk odu nnyin ndiyik eyighe nnyin mbemiso nnyin iyik mbuotidem nnyin (se Dieter F. Uchtdorf, “Di, Diana ye Nnyin,” LiahonaNov. 2013, 21); nko ke akpatre, nnyin iminyene osongo ite ke nnyin ididuhe ikpong ke nsi nsi ke ini nnyin ikutde ukut, koro Abasi esise mbon Esie ke ufot ukut mmo (se Mosiah 24:14

Inikiet nnyin ikpepde ito akpaniko, Obong ono nnyin unen ke ndinam se Enye oyomde nnyin ikpenam adieke Enye ekpedude mfin. Kakpaniko, Enye owut nnyin otode ke mme ukpep nkpo Esie se nnyin ikpenamde: “Ndien ke mbufo eyeka iso ke odudu Spirit mi, ndimkpep ikoabasi, iba iba, ke enying mi, ndimere uyo mbufo nte mme uyom obukpong, ndifiori iko mi nte mme angel Abasi” (Doctrine and Covenants 42:6. Unen ke utom ukworo iko Abasi fo ke uyen edi isio-isio!

Mbok, mkparawa, ekusik mbenge mbufo ndinam nkpo nno Abasi nte mme okworo iko Abasi. Nte afo okutde mme ndaha emi ekemede ndinam ubiere ke ndika mission ndidi okposong—nkpo nte ndibiongo ke ukpep nkpo fo ke ini, ndidoho tiesung nno ufan fo nwan ke osongo miduhe ke afo eyefiak odu ye enye aba, kpa nte ndikpong utom—eti se Andiyanga Jesus Christ okokutde ke Gethsemane. Kini utom esie, Enye nko ama okut mfina, esinede uting iko ndian, edisua, ye akpan akpan ndodot cup eke uwa usio isop Esie. Edi ke kpukpru ndaha Enye ekese ndinam uduak ete Esie nnyung nno Enye ubong. (Se John 5:30; 6:38–39; 3 Nephi 11:11; Doctrine and Covenants 19:18–19.)

Mme nkaiferi, enehede enyime mbufo, adieke mbufo emade, ke ndinam utom ke inwang vine Obong, ndien ke nte ebengede idem mbufo ke ndinam nkpo nte mme okworo iko, afo uduworoke ke mme idomo oro.

Kabanga kpukpru emi ebierede ndinam nkpo nno Enye, menwongo nno fi nte ke ofiong 24 mme 18 ke ndinam utom eyebe kpa nte ekpebede adieke afo akpetiede ke ufok, edi unen emi ebetde nti mkparawa ye nkaiferi Ufokabasi ke mission edi akpan. Unen eke ndida nno Andinyanga Jesus Christ ye Ufokabasi Andinyanga ikemeke nditre ndise. Ndibuana ke anana ibat ubong akam, ndikpep ye ndino iko ntiense ediwak ini ke usen, ndikpep nwed Abasi ke ediwak awa, ye ke ndisobo ye mme owo emi afo mukpu-unyeneke unen ndikut adieke afo akpetiede ke ufok, edi anana mbiet. Ukem ndaha mbufiok oro ke enim eno iwaad emi Abasi okotde ete enam utom ke mme idak utom miossion. Enehede ekom mbufo onyung edi akpan nkpo. Mbok, ekuda ke ekpri ndaha ke ndinam utom eke mission, koro utom ke mission nko ono akamba ukpep nkpo. “Ekom urua ukpong okpon eti ke iso Abasi” (Doctrine and Covenants 18:10), esinede ufon ukpong fo.

Ke ndinyong ndi ke utom fo, kakpan ufan fo nwan idibetke fi, edi afo eyenyene akamba ukpep ke ndinyene eti ebuana ye mbon efen. Ukpep nkpo eke ufoknwed fo eye-nyene ufon ye mme nkpo emi afo akenyenede ke ndibenge idem fo ke ebiet utom, nko ke akpatre, afo eyenyene oyoho ndaha ke ndinyene uko ke ndifiori ikoabasi emem, nditie ntiense mbanga mfiak mendi akpaniko.

Eke mbufo emi ama ekedo ndo ye ke nsio nsio ndaha uwem fo, mbufo edi akpan ke utom eke Abasi. Ebenge idem mbufo. Edu nti uwem, ke ndiyom nkpo mbanga ndake idem eke obuk idem ye eke spirit, koro unen ke ndinam se Abasi akpenamde ye ndito Esie idighe kpot ino mbon emana kiet. Ata akpan ukpep nkpo kiet emi nwan mi ye ami ikinyenede ke mme isua emi ekebede ke ini nnyin ikenamde utom kiet ye mme asanga asanga ebe ye nwan, ke mme asanga asanga itie, ye ke ndinam nkpo nno mme asanga asanga owo.

Mbufiok emi nkenyenede ke utit degree mi ke topography ama ekpep mi ke nnyin kpukpru ini ida ino akpaniko ke ini nnyin ifioride enye nko ke ndida nno akpaniko edi nkpo mbenge idem. Ndida nno akpaniko inaha nte enam enye ke edu iyaresit edi ena nte enam ye eti ekikere ima, ebuana, ye ndikot mme owo emi nnyin itiede iko ntiense iwut kabanga akpaniko, ndikere kpot mbanga nda ke idem eke obukidem ye eke spirit eke ndito eke edima Ete eke Heaven (seke Mosiah 2:41

Ke akwa mbono eke October 2021, President Russell M. Nelson, edima prophet nnyin, ama ekpep ete ke ndinam nkpo emi mi sangake ye se mbon efen ekere, oro enehede edi se nnyin ikotde edinen ye idiok. Ineheke idu ata akpaniko—oro edi nsi nsi akpaniko. (Se “Pure Truth, Pure Doctrine, and Pure Revelation,” Liahona, Nov. 2021, 6.)

Mme ndisana nwed Abasi ekpeb nnyin ete “Akpaniko edi ndifiok nte nkpo edide, ye nte nkpo ekedide, ye nte nkpo edidide.” (Doctrine and Covenants 93:24

Ifiok eke akpaniko inamke nnyin ifon ikan mbon efen, edi enye ekpep nnyin se akpanade nnyin inam mman ifiak inyong ika ke iso Abasi.

Nte afo enehede aka iso ke Christ ye uko idighe kpot ndikworo akpaniko edi ke ndinam akpaniko, afo eyekut ndongesit ye emem ke ini ndutime emi afo edikutde ke mme usen fo.

Mme idomo uwem emi ekeme ndinuk nnyin nto, edi efiok ete ke ini nnyin inamde mbuotidem nnyin ke Jesus Christ, mme ukut “[nnyin] idi-ikponke ikan ekpri in” (Doctrine and Covenants 121:7) ke ata ndaha eke nsi nsi. Mbok eku-unim ini uno akpatre ini ukut mbufo ye mme idomo. Enyene idorenyin ke Ete eke Heaven koro adieke nnyin ikpade mba, nnyin idi-ifioke adanga nte akpatre isang,nnyin ekemede ndidi ke obio ubon Abasi.

Esongo emum ke akpaniko, ndikpep nto usung akpaniko:

• Mme nwed Abasi (se 2 Nephi 32:3.

• Mme iko prophet (se Amos 3:7).

• Edisana Spirit (se John 16:13).

Ami nting iko ntiense mbanga Jesus Christ nko ke emi edi Ufok Abasi Esie. Nnyin iminyene odu-uwem prophet, nko nnyin kpukpru ini iyekop inem ke ini nnyin ifioride akpaniko ye uko. Ke enying Jesus Christ, amen.