Inem ke Nsinsi
Akpaniko, edibighe idara ke nsinsi ye mbon emi nnyin imade edi ata idem-nkpo ke uduak inemesit eke Abasi.
Mme ufan, ndima ndito-eka iren ye iban, nte mbufo emeti ndinim ke akpaniko, mme ndiyom man enim, ke inem nsinsi ke uwem ebede?
Ekem uwem ada-itie. Nnyin “ikpon-ikori.” Mme ebuana oduk ndutime. Ererimbot emi edi uyom, oyoho, ofume, ye abianga ye nwut-idem. Edi, ke “ata isong esit” nnyin,1 nnyin iminim, mme imiyom ndinim ke akpaniko, ke ebiet kiet, ke usung ekededi, inem ke nsinsi edi akpaniko onyung ekeme nditibe.
“Inem ke nsinsi” idige nkpo ekikere eke mbuk nke. Akpaniko, edibighe idara ye nsinsi ye mbon emi nnyin imade edi ata idem-nkpo ke uduak inemesit eke Abasi. Edima usung emi Enye ebengede-enim eyenam isang nsinsi nnyin enem ke nsinsi.
Nnyin iminyeneediwak nkpo ndidara emi ikpinode ekom ibanga/ Edi, iduhe owo nnyin ekefonde-ama, ntre nko ye ufokemana. Mme ebuana nnyin esine ima, edibuaha, ye uduot-owo edi utuk, mfiomo, ke ubakini ata ubiak esiwak ndidu.
“Koro nte kpukpru owo ekpade eto ke Adam, kpa ntre ke edi nam kpukpru owo edu uwem eto ke Christ.”2 Edidu-uwem ke Christ esine uwem-unana-mkpa—eno Esie ke eriset eke ikpokidem nnyin. Nte nnyin idude uwem ke mbuotidem ye nkopitem, edidu ke Christ nko ekeme ndisine akpaimo idaresit uwem nsinsi ye Abasi ye mbon ima nnyin.
Ke inem usung kiet, prophet Abasi ke ada nnyin ekpere Andinyanga nnyin, otode ke ndisana edinam ye ediomi temple edide ekpere nnyin ke ediwak ebiet. Nnyin iminyene nti ifet ye eno ndikut obufa ifiok nkpo-Abasi, ima, erikabare-esit, ye erifen-nno ye kiet eken ye ufokemana nnyin, kini emi ye ke nsinsi.
Ke unyime, ami mbuana nsasana, nkanare nnen-nnen ifiok-ukpep nkpɔ-spirit iba emi mme ufan eketingde ebanga Jesus Christ ndidian mme ufokemana ke ndikan ubiak emi ekebighide kotu ediwak emana.3 “Akamba ye akpatre,”4 ɔsɔŋde akan uruk mkpa,”5 Erisio-isop Jesus Christ eyenwam nnyin ada emem aka ini-edem nnyin ye idorenyin ke ini-iso nnyin.
Ini emi mmo ekedukde Ufok Abasi Jesus Christ eke Latter-day Saints, ufan mi ye ebe esie ema enem esit ekpep ke mme ebuana ufokemana inaha nte “etre ke mkpa.” Ke temple, ekeme edidian ufɔkemana ke nsinsi (eseal).
Edi ufan mi ikiyomke edian enye enɔ ete esie. “Enye ikidige eti ebe ino eka mi. Enye eting ke Enye ikidige eti ete inɔ nditɔ esie,” “Ete mi enyene ndibet kaŋa. Ami nnyeneke udɔŋ ndomokiet ndinam utom temple eke esie nnyuŋ nyak edian mi ye enye ke nsinsi.”
Ke ufaŋ isua kiet, enye etie utre-udia, ɔbɔŋ-akam, eneme ediwak nkpɔ ye Abasi abaŋa ete esie. Ke akpatre, enye edibenge-idem. Ema enam utom temple eke ete esie ekure. Edikem, enye ete, “Kini ndede ete mi ama obiongore ono mi ke ndap, eyesine afia-ofong ke ofuri-idem. Enye ama okpuhore. Enye ete, ‘Se mi. Ami mmasana ofuri-ofuri. Sosongo ke edi-nam utom oro nno mi ke temple.’” Ete esie adian ete, “Daha da yung fiak ka temple; eyeneka eren fo ke ebet ndina baptism/”
Ufan mi ete, “Mbon-ntongo-ubon mi ye mbon emi ema ekekpa ke ebebet eyom enam utom eno mmo.”
“Kabanga okim,” enye ete, “temple edi ebiet ukok-udongo, edibo-ukpep, ye edifiok Eriso-isop Jesus Christ.”
Udiana ifiok-ukpep. Ufan emi efen enehede anam ndungore abanga family history esie. Enye okoyom ndidiongo ete-etebom esie.
Ndang-nsiere usenubok kiet, ufan mi ete ke imo ima-ikop spirit erenowo ke ubet-ufok esie. Erenowo oro okoyom ete ufokemana esie ekut enyung ediongo enye. Erenowo atua-mkpofiok ke ndudue emi enye idahaemi ama akakabare esit ibanga. Erenowo oro edinwam ufan mi edfiok ete ke ufan mi inyeneke ebuana DNA ye owo oro ufan mi ekekerede ke ekedi ete-etebom esie. “Ke nditim nting,” ufan mi ete, “Ami mmedikut ete-etebom mi nnyung ndiongo ke enye idige owo emi nwed ufokemana nnyin etingde ete ke ekedi ete-etebom nnyin.”
Ke enamde ebuana ufokemana esie anwanga, ufan mi ete, “Ami mmoboho, ndu ke emem.” Oro anam ofuri ukpuhore ndidiongo ewe ufokemana mi edide.” Ufan mi eting ete, “Nkok-eto emi akwangade iworoke ke eto oro odiok. Usung nte nnyin idukde ererimbot inyeneke ufon nte owo eke nnyin idide kini nnyin ibede ifep.”
Ndisana nwed Abasi ye edisana ifiok-ukpep eke edikok ye emem idem nnyin esinede ye mbon edude ke uwem ke ererimbot spirit, ebuotidem ke ukpepnkpo ition.
Akpa: Akpan-nkpo ke uduak erifak ye inemesit eke Abasi, Jesus Christ, otode ke Erisio-isop Esie, onwongode ndidian spirit ye ikpokidem nnyin otokiet, “ikemeke ndidiaŋare aba, man [nnyin] ikpebɔ ɔyɔhɔ idaha.”6
Udiana: Erisio-isop—anam-ini-kiet ke Christ—edi-di ke nte nnyin inyenede mbuotidem inyung ida mfri erikabare-esit idi.7 Nte edide ke uwem isong, ntre nko ye uwem-unana-mkpa. Mme edinam temple ke idem mmo ikpuhokede nnyin mme mbon edude ke obio ekpo. Edi mme ndisana edinam emi osongo mme nam-nsana ediomi ye Abasi, emi ekemede ndinam inyene inemesit ye Enye ye kiet eken.
Idara nnyin akabare oyoho nte nnyin ikopde mfon Jesus Christ ye erifen-nno eke nnyin. Ndien nte nnyin iyakde utibe-nkpo eke mfon ye erifen-nno Esie ino kiet eken, mbom emi nnyin ibode ye mbom emi nnyin inode eyediong mme nkpo se ikwangade ke uwem.8
Oyoho Ita: Abasi enehede odiongo onyung ama nnyin. “Abasi ididige nkpo nsahi,”9 unyuŋ ukemeke ndibiaŋa Enye. Diana mfon-ma mbom ye ubiere, Enye atara mme ubok uboho Esie ofuk mbon nsuhore-idem ye atua-mkpofiok.
Ke Kirtland Temple, Prophet Joseph Smith ama okut nkukut emi ekenyangade eyeneka eren esie Alvin ke obio-ubong celestial. Prophet Joseph odu ke mkpaidem, koro Alvin ama akpa mbemiso edibo edinam erinyanga eke baptism.10 Ndidong-esit, Abasi ono ntak ke: Abasi “eyekpe ikpe [nnyin] etiene utom [nnyin], etiene udong esit [nnyin].”11 Ukpong nnyin edi ntiense abanga mme utom ye udong nnyin.
Ke ekom, nnyin imidiɔŋɔ ke mme odu-uwem ye “akpa-mkpa emi ekabarede-esit eyenyene ufak, oto ndikop item nno mme edinam-iko Abasi eke temple”12 ye Erisio-isop Jesus Christ. Ke obio-ekpo, kpa mbon edude ke idiɔknkpɔ ye ndudue enyene eti-ifet man ekabare-esit.13
Efen, mbon emi enehede emek idiɔk, emi efiɔkde etre edikabare-esit, mme mmo ke edinehede mme edidiɔŋɔ ɔfɔfiɔk abiat mbet Abasi aduakde oyom mmem-mmem edikabare-esit, eyebɔ ikpe Abasi enyuŋ “ekut mme idiɔknkpɔ [mmɔ] inwaŋ-inwaŋ.”14 Nnyin idikanke idiongo inam idioknkpo ke Saturday, ekem iyom usop-usop ereifen-nno ke ndidia udia-Obong ke Sunday. Eke mme ɔkwɔrɔ-ikɔ mme eke mbon efen emi etiŋde ke nditiene Spirit iwɔrɔke ndinim mme item mme ibet eke mission, mbɔk eti ke ndinim mme item mme ibet eke mission ada Spirit edi inaha owo nnyin ndomokiet esik nkabare-esit osio. Edidiong nkabare-esit otongo ke nnyin itongoke edikabare.
Oyoho Inang: Abasi ono nnyin edisana eti-ifet ndikabare ntie nte Enye nte nnyin inwamde inam unana mbon efen nno nda-nno edinam erinyanga eke temple emi mikanke inam ino idem-mmo. Nnyin ikabare iyɔhɔ inyuŋ ifɔn-ima ofuri-ofuri15 nte nnyin ikabare idi “mme andinyaŋa … ke obot Zion.”16 Nte nnyin inamde-nkpo ino mbon efen, Edisana Spirit eke Enwongo ekeme ndinyime mme edinam onyung odiong andino ye andibo. Andino ye andibo ekeme edi-nam onyung osongo nti edoimi, kini ekemde edi-bo mme edidiong ekenwongde eno Abraham, Isaac, ye Jacob.
Akpatre, ɔyɔhɔ ition: Nte Golden Rule17 ekpepde, ukem-ukem edinam-asana ke nkabare-esit ye erifen-nnɔ okot nnyin kiet-kiet ete inɔ mbon efen se nnyin iyomde inyuŋ inyene-udong.
Ubakini uduak nnyin ndifen-nno owo efen anwam mmo ye nnyin ndinim ke nnyin imikeme edkabare-esit nnyung mbo erifen-nno. Ubakini uduak erikabare-esit ye ukeme erifen-nno esidi ke nsio-nsio ini. Andinyanga nnyin edi Esin-emem ye Abasi, edi Enye nko anwam ndinam nnyin ifiok idem nnyin ye mbon efen nte nnyin ibinede Enye. Akpan-akpan kini unan ye ubiak okponde, ndidiong ebuana ye edikok esit nnyin osong, ndusuk iitibeke ino nnyin oto ke idem nnyin. Edi heaven ekeme edino osongo ye ifiok akande okim man idiogno ini eke ibetde ye nte idifreke-ibanga.
Nnyin iduhe ikpong kini nnyin ifiokde ke nnyin idige ikpong. Kpukpru ini Andinyaŋa nnyin ɔfiɔk.18 Diana ye unwam eke Andinyanga nnyin, nnyin imikeme edisin nkohore-idem, unan, idioknkpo nnyin ino Abasi. Nte ededi nnyin iyekop nte nnyin itongoke, nnyin ikabare ifon-ima nte nnyin iyakde Enye anam mme ebuana nnyin ofon-ama.
Abasi, emi okutde onyung ofiokde nnyin mfon-mfon, eyefen-ono owo eke Enye aduakde; nnyin (emi mifonke-ima) inyene ndifen-nno kpukpru owo. Nte nnyin itienede Andinyanga, nnyin isehe idem nnyin aba. Nnyin isuhode edibiom-ikpe inyung iwak erifen-nno. Edibuot-idem ke ntim-nam, mbom, ye mfon Esie19 eyesio nnyin okpong eneni, ifiopesit, ndubiara, esi-ne, se-ikwangade, ye mfina ikpokidem ye eke mfre emi esisangade ye obukidem ke uwem isong. Inem ke nsinsi iworoke ke ofuri ebuana eyedi inem ye nsinsi. Edi isua tosin kiet emi edibɔpde Satan20 ekeme edi-nɔ nnyin ini ye nti usuŋ emi iyomde ndima, mfiɔk, nnyuŋ nam nkpɔ ɔfɔn nte nnyin ibeŋede-idem inɔ nsinsi.
Nnyin idikut ebuana eke heaven ke kiet eken.21 Utom ye ubɔŋ Abasi esine ndinam inem ye nsinsi odu.22 Nsinsi uwem ye ndaha-ubɔŋ edi ndidiɔŋɔ Abasi ye Jesus Christ ntem, oto ke odudu Abasi, ke ebiet emi Mmɔ edude nnyin iyedu do.23
Ndima ndito-eka iren ye iban, Abasi Ete Heaven nnyin ye Jesus Christ Ediam Eyen Esie edu uwem. Mmo eno emem, idara, ye edikok eno ofuri oruk, ye edeme, ye nnyin owo kiet-kiet. Prophet Abasi ke ono ndausung. Eriyarare ekpere-edem usen ke akaka-iso osu. Yak nnyin ikpere Andinyanga nnyin ke edisana ufok Obong, ndien yak Enye ada nnyin ekpere Abasi ye kiet eken nte nnyin iidiande esit otokiet ke esit-mbom emi Christ onode, akpaniko, ye mbom eke Christ ke ofuri emana nnyin—ke ini ye nsinsi, inem ye nsinsi. Ke Jesus Christ, oro emem; ke Jesus Christ; oro edi akpaniko. Ami ntre ndi ntiense emi ke edisana enying Jesus Christ, amen.