Ibat-utom Nnyin ke Isɔŋ
Enwɔŋɔ akamba edidiɔŋ eke nkpɔ-spirit enɔ mbon emi emade enyuŋ ekpemede isɔŋ ye irenowo ye iban mmɔ.
Kini nkade ata idut nnyin eke France, mmi-mmi-emi nnwan mi ye ami ima ikop inem edida esisit nditɔ eyeyen nnyin man ekekut ediye inwang-esa emi odude ke ekpri obio eke Giverny. Nnyin ima idara ndisanga ke mfafaha usung obio oro man itoro ndiye bed eke flawa, ndinen ikong mmong, ye unwana ekebrede-mbre ke ndioho mmong.
Utibe ebiet emi edi iboro inem ifiok-obot eke erenowo kiet: akamba anam benti Claude Monet, emi, ke isua Aba, enehede odiong onyung ɔtɔ inwang-es esie man anam oro edi ebiet-utom edidebi esie. Monet ama esin idemesie ke uyai uduot-obot; ekem, diana ye eto-benti esie, enye ediwut ekikere esie ke mfiongo mbuwet ye unwana. Ke mme isua eken,enye edibot ediwak utibe ntang-mbok eke benti, emi okotode ifiok inwang-esa esie.
Water Lilies ye Japanese Bridge, 1899, otode Claude Monet
Ndito-eka iren ye iban, ebuana nnyin ye ndiye nkpo-obot eke ekperede nnyin ekeme ndiwut ubak akpan ifiok ye inem ifiok-ukpep ke uwem. Mme ntuuk emi nnyin ikopde obumede ata ifiok ekom ke esit idem nnyin ono Ete Heave nnyin ye Eyen Esie, Jesus Christ, emi okobotde ediye isong emi—diana ikpo-obot ye idim, ikong ye unam—ye akpa ete ye eka nnyin, Adam ye Eve.+
Utom edibot idige akpatre ke idemesie. Oro edi akpan nkpo ke uduak emi Abasi enyenede ono ndito Esie. Ufon esie edi ndino ntongo emi edidade idomo irenowo ye iban ese, enam edimek mmo, ekut idara, enyung ekpep enyung ekori man otodo mmo ke usen kiet ekpefiak eka iso Andibot mmo enyung enyene nsinsi uwem.
Ekebenge nti nkpo-obot kpukpru eno ke ufon nnyin ndien edi odu-uwem idiongo eke ima emi Andibot enyenede ono ndito Esie Abasi odoho ete, “Ihn, kpukpru nkpo emi odude ke isong … ekenam eno ufon ye owo edida nam nkpo, mbiba ndiye ke enyin nnyung nam esit enem.”ě
Nte ededi, edisana eno Obot iduhe ke mme utom ye ubiong miduhe. Enehede ewut mme utom emi ke ukpepnkpo ibat-utom. Ke usung iko Abasi, iko oro ibat-utom owut nsasana ubiong nkpo-spirit mme eke ikpokidem anade ikpeme nkpo eke enyenede Abasi emi nnyin idinode-ibat.3
Nte ekpede ke ndisana nwed Abasi, ibat-utom nnyin ke isong esine mme ukpepnkpo emi:
Akpa ukpepnkpo: Akpaimo isong, esinede kpukpru uwem ekedude do, enyene Abasi.
Andibot ama ayak mme inyene isong ye kpukpru oruk uwem esin ke ukpeme nnyin, edi Enye akama oyoho edinyene. Enye ete, “Ami, Abasi, nkenim mme heaven, nnyung mbot isong, ata utom ubok mi; ndien kpukpru nkpo ekedude do edi okim.”4 Kpukpru nkpo emi odude ke isong enyene Abasi, esinede ufokemana nnyin, ikpokidem nnyin, ye ata uwem nnyin.ř
Udiana ukpepnkpo: Nte mme ono-ibat eke nkpo-obot eke Abasi, nnyin iminyene ubiong ndikpono nnyung mkpeme mmo.
Nte ndito Abasi, nnyin ima ibo ubiong ndidi ono-ibat, ese-enyin, ye andikpeme ndisana nkpo-obot Esie. Abasi odoho ete ke Enye ama anam “ofuri owo enyene-utom, nte ono-ibat ke mme edidiong nkpo-isong, emi Enye akanamde onyung ebenge ono se Enye obotde.”6
Ete nnyin ke Heaven enyime nnyin ida inyene isong nte asangade ye mbumek nnyin. Edi inaha nte iyak unen-edimek nnyin edi odudu ke ndida mme ndidia ufon ererimbot emi ke unana-ifiok mme ikpan. Abasi okono item emi ete: “Ndien enem Abasi esit koro enye ama ayak kpukpru mme nkpo emi ono owo; koro ke ntak emi ke ekenam mmo ete edia, ke ifiok, idige ke ekaha, mme ke ufik.”7
Inikiet President Russell M. Nelson ete: Nte mme adia-ufon eke edisana Obot, nso ke nnyin ikpinam? Nnyin inyene edikpeme isong, idi nti ono-ibat ino isong, inyung inim enye ino emana ini-iso.”8
Akande ndidi ekpri mbufiok mme se ukara eyomde, edkpeme isong ye nkan-nkuk nyinedi nsasana ubiong eke Abasi onode nnyin, emi ediyohode nnyin ye ekikere utom ye nsuhore-idem. Oro nko edi akpan nkpo eke owo-mbet nnyin. Didie ke nnyin ikeme ndikpono nnyung ma Ete Heaven ye Jesus Christ ke nnyin mikponoke inyung ima mme nkpo-obot Mmo?
Odu ata ediwak nkpo emi nnyin ikemek ndinam—ke eboho ye ke owo kiet-kiet—man idi nti ono-ibat. Editim-ekere ndaha nnyin, nnyin owo kiet-kiet imikeme edida ediwak inyene isong inam-nkpo ke utenge ye asian. Nnyin imikemeedinwam ukeme obio ke edikpeme isong. Nnyin imikeme edida mme edu ye ido nnyin ikpono mme nkpo-obot eke Abasi inyung inam mme ebiet nnyin eye-ofon, enehede eye, onyung enyene akwa odudu.9
Nko ibat-utom ke nkpo-obot eke Abasi esine, ke ntongo esie, nsasana ubiong ndima, mkpono, nnyung mkpeme kpukpru owo emi nnyin ibuanade idung isong. Mmo edi ndito-iren ye ndito-iban eke Abasi, ndito-eka nnyin iban ye iren, ndien nsinsi inemesit mmo edi ata akpan ntak ke utom obot.
Ewet-nwed Antoine de Saint-Exupéry eketing iko emi ete ke: Usen kiet, kini ikade-isang ke train, enye ikut idemesie nte etiede ke otu eboho mbon emi eyomde-uboho. Ke esit edibungo oto unana-idorenyin emi enye okokutde ke okpo-iso ekpri eyen kiet, enye odoho ete: “Ini emi otode ke edibuaha obufa rose amana ke inwang-esa, kpukpru mme ɔtɔ-inwang-esa edara. Mmo esio rose oro enim, ekpeme enye, ebɔk enye. Edi iduhe ɔtɔ-inwang-esa nno owo.”10
Ndito-eka mi iren ye iban, nte nnyin ikpidige mme ɔtɔ-inwang-esa nno irenowo ye iban nnyin? Nte nnyin idige mme andikpeme eyeneka nnyin? Jesus ama owuk ete nnyin ima mbɔhiduŋ nnyin nte idem nnyin.11 Otode ke inua Esie, iko oro mbohoidung itimke iworo mbon edungde ekpere, oro oworo edikpere ke esit. Oro oyoho kpukpru mme andidung ke isong emi—mme mmo ekpedung ekpere nnyin mmeke anyan idut, isehe ntongo, uwem edem, mme ndaha mmo.
Nte mbet Jesus, nnyin iminyene akamba ubiong ndinam utom awak nsin emem ye inemesit kotu ofuri idut ke isong. Nnyin inyene ndinam ata eti ukeme nnyin ndikpeme nnyung nda ndongesit ye uboho nsok mbon mmem-idem, unana, ye kpukpru mbon emi ebode ukut mme mbon emi efikde. Akande oro, mkpon-nkan eno emi nnyin ikemeke edino mbon owo nnyin edi ndibuana idara iko Abasi ye mmo inyung ikoot mmo ete edi etiene Andinyanga mmo otode ke nsasana ediomi ye edinam-iko Abasi.
Oyoho ukpepnkpo Ita: Ekot nnyin ete idibuana ke utom obot.
Edisana usung edibot ikureke kanga. Ofuri usen, nkpo se Abasi obotde ke akaka-iso ndikori, ntara, nnyung nwak. Ata akpan inem nkpo edi ke Ete Heaven nnyin ayak ikoot ono nnyin ete idibuana ke ifiok-utom obot Esie.
Nnyin ibuana ke utom obot kini nnyin itɔde isong mme edidian se ibopde isin ke ererimbot emi—koro nnyin imiwut ukpono mme nkpo-obot eke Abasi. Ekeme ediwut ntip-nsin nnyin oto ke utom obot eke usɔ, architecture, ikwo, iko-ifiok-nwed, ye edu-uwem, emi abanade isong nnyin, atara ifiok nnyin, onyung ayama uwem nnyin. Nnyin nko imitip-isin oto ke mbufiok nkpo-obot ye ibok-mbakara emi ekpemede isong ye uwem ekedude ke enye. President Thomas S. Monson anam ukpep edi ibio-ibio ye ndiye iko emi ete: “Abasi akayak ererimbot emi minamke-ima ono owo man anam ifiok-utom adian do … man owo ekpediongo idara ye ubong nkpo-obot.”12
Ke nke Jesus eke talent, ini emi ete-ufok afiakde ke uka-isang esie, enye otoro onyung odiong asanga-utom iba emi ekekoride enyung enamde talent mmo awak. Ke ukpuhode, enye okot asanga-utom emi ekedipde asanga-asanga talent esie ke isong “idorike-mi-udori,” ndien ɔbɔ kpa talent emi enye ɔkɔbɔde.13
Ukem oro, utom nnyin nte mme ono-ibat ke nkpo-obot eke isong idige ofuri-ofuri kabanga edisuhɔ mme edikpeme mmo. Abasi oyom nnyin iting-enyin inam utom, ke nte Edisana Spirit etemede, man ikori, isongo, inyung inam mme inyene emi Enye ɔkɔnɔde nnyin ɔfɔn—idige ke ufɔn nnyin kpɔt edi man idiong mbon efen.
Kotu kpukpru se owo anamde okure, iduhe eke ekemde ke ifiok-ukpep eke ndidi udiana-andibot ye Abasi ke ndino uwem mme ke edinwam eyenowong ekpep nkpo, okori, onyung oworo-ada—mme edi ete ye eka, andikpep, mme adausung, mme ke ubiong kiet ekededi. Iduhe ibat-utom ndomokiet emi asanake, ekemde, ye nko oyomde-utom awak akan eke edibuana ye Andibot nnyin ke edino Spirit ndito Esie ikpokidem ndien ekem anwam mmo ndisim edisana ndaha mmo.
Ubiong eke edidiana-mbot anwam nte nkpo editi ete ke ye idem owo kiet-kiet edi nsasana, ke Abasi enyene mmo, ndien ke Enye ama enim nnyin nte ese-enyin man ikpono, ikpeme, inyung ibem mmo. Ibet Abasi, emi akarade odudu edibot-owo ye edisiak nsinsi ufokemana, ada nnyin usung ke edisana ibat-utom emi, emi edide ata akpan-nkpo ono uduak Esie.
Ndima ndito-eka mi iren ye iban, nnyin inyen ndifiok ete ke kpukpru edi nkpo-spirit ono Abasi—esinede ata esisit mbiet eke uwem nnyin. Ami nting iko ntiense ke enwongo akamba edidiong nkpo-spirit eno mbon emi emade enyung ekpemede isong ye nsanga irenowo ye iban mmo. Nte mbufo enimde ke nsasana ibat-utom emi enyung ekpono nsinsi ediomi mbufo, mbufo eyekori ke ifiok Abasi ye eke Eyen Esie, Jesus Christ, ndien mbufo eyekop ima Mmo ye odudu Mmo nte enehede awak ke uwem mbufo Kpukpru emi eyebenge mbufo man edung ye Mmo enyung ebɔ ndadian odudu ifiok-obot14 ke uwem emi edidide.
Ke utit uwem isong emi, Andikpep eyedɔhɔ nnyin ete inɔ ibat ke nsasana ibat-utom nnyin, esinede nte nnyin ikikpemede mme nkpo-obot Esie. Ami mbenge ke nnyin ndien iyekop edima iko Esie etingde ke esit nnyin ete: “Omotim anam, afo eti asanga-utom ye owo akpaniko; akanam akpaniko ke se miwakke; nyenam fi ekpeme ediwak nkpo, duk ke idara obong fo.”15 Ke enying Jesus Christ, amen.