MANATU MO AFIAFI FAALEAIGA

O nei fautuaga faaleaoaoga e mafai ona faaaoga i potuaoga faapea foi i le aiga.

“Fua [Recipe] mo se Aiga Fiafia,” i. 26: Faamatala le tala a Ronndahl, ma vaavaai mo mea o loo faaaoga e fiafia ai lo latou aiga. Mafaufau e fai se mea tausami faapitoa a o lei faia le afiafi faaleaiga. A o outou saunia faatasi lena mea tausami, talanoa pe na faapefea ona manuia le mea tausami i mea taitasi na faaaoga, e faapei foi ona taua tagata taitoatasi e faatupu ai se aiga fiafia.

Faitau le tala. Faaaoga le faataitaiga a Ronndahl, fesili i tagata o lo outou aiga po o le a le mea latou te mananao e fai mo le afiafi faaleaiga.

“O Le Aao Taiala o le Atua,” i. 30: Amata i le faamatala o nisi o aafiaga o Elder Paul i le tatalo. Faitau leotele ana folafolaga o loo i le vaega o le “Taialaina o se Olaga.” Faitau le Alema 34:18–26, ma talanoaina po o a mea na aoao atu e Amoleka ma Sa Sorama e uiga i le tatalo. Tofi ni tagata o le aiga e faasoa mai ni aafiaga i le taimi na fesoasoani ai le tatalo ia i latou.

“O Le Taimi Lenei,” i. 34: Faamatala auala eseese e tolu e faitau ai e Sasa le Tusi a Mamona. Na eseese faapefea lana auala lona tolu mai le lua muamua? Faitau le Moronae 10:4–5, ma talanoaina le folafolaga a Mamona.

“E te Manao Ta Te o i le Peraimeri?” i. U12: Talanoaina ma lau fanau, po o a mea latou te fiafia ai e uiga i le Peraimeri. Fai faatasi ma lou aiga se aotelega o le tala o i ai. Pe o i ai se tagata latou te mananao e valaaulia i le Peraimeri? Faatu se sini e valaaulia se tasi i le Peraimeri po o se gaoioiga a le Peraimeri.

“Anapogi a le Aiga,” i. U15: Faitau le tala, ma mafaufau e amata se “fagu o uiga faaaloalo” ma lo outou aiga. Talanoaina pe na faapefea e le anapogi ma osigataulaga a Leonato ma Mariana ona faamanuiaina ai i la’ua ma isi. E mafai foi ona fai sa outou anapogi faaleaiga mo se tasi e manaomia se faamanuiaga faapitoa, ona fai ai lea o se mea e fesoasoani ai i lena tagata.