Ua Avea le Malumalu o Rexburg ma Malumalu Lona 125 ua Faagaoioia

Na tatalaina ma faagaoioia le Malumalu o Rexburg Idaho ina ua mavae le faapaiaina i le aso 10 o Fepuari, 2008, e Peresitene Thomas S. Monson i se tasi o ana uluai gaoioiga i le avea ai ma Peresitene lona 16 o le Ekalesia.

Sa pulefaamalumalu ia Peresitene Monson i sauniga uma e fa o le faapaiaga ma sa faatasi atu ai ma Elder Russell M. Nelson ma Elder David A. Bednar o le Korama a Aposetolo e Toasefululua.

O loo tu i le itu i saute o le Iunivesite o Polika Iaga—i Idaho, o le Malumalu o Rexburg Idaho o le lona 125 ai lea o malumalu o le Ekalesia ua faagaoioia i le lalolagi atoa ma o le lona tolu ai lea o malumalu i Idaho. E tusa ma le 200,000 tagata sa auai atu i le fale tatala lea sa faia pe tusa ma se masina a o lumanai le faapaiaga.

O le malumalu e 57,504-sikuea futu (5,100-sikuea mita) na uluai faasilasilaina ia Tesema 2003, ma sa suatiaina le eleele ia Iulai 2005. O foliga vaaia i fafo o le malumalu o loo vaaia ai se teuga o se maamora ma se faatufugaga o ni tioata se 700. E tautuaina e le malumalu le tusa ma le 47,000 tagata o le Ekalesia i sasae o Idaho.