Ua Faasilasilaina Mea e Tutupu mo le Malumalu o le Aai o Panama

Na faasilasilaina e le Au Peresitene Sili ia aso o le fale tatala ma le faapaiaga mo le Malumalu o le Aai o Panama i Panama, o le lona 127 ai lea o malumalu ua faagaoioia i le lalolagi atoa.

O le uluai malumalu lea i Panama, o le a tatalaina i le lautele i le aso 11 o Iulai, 2008, ma o le a tatalaina pea seia oo i le aso 26 o Iulai, e le aofia ai Aso Sa. O le a faia se faafiafiaga faaleaganuu i le aso 9 o Aokuso a o lei faia sauniga e fa o le faapaiaga ua fuafuaina mo le Aso Sa, 10 Aokuso, 2008. O le a tatalaina le malumalu mo sauniga i le Aso Gafua, 11 o Aokuso.

Na amataina le galuega ia Oketopa 2005 ina ua maea ona suatiaina le eleele e Elder Spencer V. Jones o le Au Fitugafulu, a o avea lena ma Peresitene o le Eria a Amerika Tutotonu. Sa faasilasilaina le malumalu ia Aokuso o le 2002. E tusa ma le 22,000 tagata o le Ekalesia i siteki e 7 ma itu e tolu i Panama.