Elder Kevin R. Duncan

Sa Seventy

Gikan sa pagkabata, si Elder Kevin Read Duncan naghinam- hinam sa pagserbisyo sa Ginoo isip usa ka misyonaryo. “Sigurado gayud ako. Kanunay akong nasayud nga gusto nakong moalagad og misyon,” siya miingon.

Nan sa wala pa ang iyang ika-19 nga adlawng natawhan, si Elder Duncan nakahimamat og usa ka General Authority nga nag-alagad sa Missionary Department kinsa naghagit kaniya sa pagmemorya sa mga panaghisgutan sa misyonaryo. Iyang natuman ang hagit ug sa wala madugay gitawag ngadto sa Chile Santiago South Mission. Ang iyang panahon isip usa ka misyonaryo mipamatuod sa iyang gugma sa pagserbisyo sa Ginoo. “Nasayud ko nga gusto nakong mahimong usa ka misyonaryo matag adlaw hangtud sa akong tibuok kinabuhi,” miingon si Elder Duncan.

Si Elder Duncan, natawo niadtong Oktubre 1960, anak nga lalaki nila ni David Henry ug LaRene Eliza Duncan. Siya nagtubo sa usa ka umahan sa pamilya sa West Point, Utah. Ang pagpuyo sa umahan isip usa ka batang lalaki nagtudlo kaniya dili lamang sa pagtrabaho, miingon siya, apan sa paghigugma usab sa trabaho.

Kanang pagpahinungod sa trabaho mitabang kaniya sa pag-angkon og usa ka bachelor’s degree sa Brigham Young University sa accounting, usa ka master’s degree sa accounting taxation, ug usa ka juris doctorate sa law. Siya nagsugod sa iyang panginabuhi isip usa ka tax attorney ug sa kaulahian nagtukod og korporasyon sa litigation technology.

Si Elder Duncan ug ang iyang asawa, si Nancy Elizabeth Smart, naminyo niadtong Hunyo 27, 1986, sa Templo sa Salt Lake. Sila ginikanan sa lima ka mga anak, apil ang usa ka anak sa unang asawa ni Elder Duncan, si kanhi Wendy Wallentine.

Dul-an sa 20 ka tuig human sa pag-alagad og misyon sa Chile, si Elder Duncan mibalik alang sa Church-service mission isip usa ka associate international legal counsel alang sa Simbahan sa South America. Samtang anaa didto, siya gitawag sa pagdumala sa Chile Santiago North Mission, nagpuyo sa sama nga mission home diin siya mialagad isip usa ka batan-ong lalaki.

Sa wala pa ang iyang call sa Unang Korum sa Seventy, si Elder Duncan nag-alagad isip magtatambag sa bishop, ward mission lider, high councilor, ug Area Seventy sa Utah South Area.