Elder Per G. Malm

Sa Seventy

Sa dihang si Elder Per Gösta Malm 16 anyos pa, siya nagserbisyo sa Church-service mission sa pagtabang og tukod og bag-ong mga meetinghouse sa Germany, Finland, Netherlands, ug Sweden. Siya kanunayng makugihon sa pag-apil sa pagtabang sa pagtukod sa Simbahan sukad pa.

Si Elder Malm natawo niadtong Septyembre 1948 sa Jönköping, Sweden, ngadto kang Karl Gösta Ivar ug Karin Anna-Greta Malm. Siya nakakat-on og daghan kabahin sa labing importante nga mga leksyon sa kinabuhi gikan sa iyang ginikanan, gisuportahan pinaagi sa pagpamatuod sa iyang amahan sa wala pa kini mamatay sa edad nga 48: “Magpabiling matinud-anon sa ebanghelyo.”

“Siya nagtudlo kanamo nga diha sa ebanghelyo atong makita ang mga solusyon sa mga butang nga labing importante,” miingon si Elder Malm.

Human sa 18 ka bulan nga makapalig-ong misyon, si Elder Malm mialagad og full time nga misyon sa Sweden Stockholm Mission. Human sa iyang pag-uli, iyang giminyoan si Ingrid Agneta Karlsson sa Templo sa Bern Switzerland niadtong Oktubre 1969, mipuli sa negosyo sa iyang papa sa real estate, ug nakaangkon og master’s degree gikan sa University of Göteborg ug Swedish law degree (LLM) gikan sa Lund University.

Siya nagtrabaho sa Simbahan isip regional real estate manager. Sa wala madugay, isip direktor sa temporal affairs, siya gisangunan sa Presiding Bishopric sa pagsugod og paghiusa sa mga buluhaton sa temporal affairs sa Simbahan sa Central, East, ug North Area sa Europe.

Samtang sila si Elder ug Sister Malm nagpatubo sa ilang walo ka anak, siya nangalagad isip stake mission president, branch president, high councilor, stake president, mission president, direktor sa public affairs alang sa Sweden, ug Area Seventy.

Ang iyang mga kasinatian nagmatuod nga siya nagsubay sa mga pagtulun-an sa iyang mga ginikanan, diin siya naglaum sa pagpakigbahin pinaagi sa iyang call sa Ikaduhang Korum sa Seventy. “Ang ebanghelyo mao ang atong angkla,” siya miingon. “Kini mahimo, kon kita magpabiling matinud-anon niini, makahatag og kalinaw nga walay makasabut.”