Elder Larry R. Lawrence

Sa Seventy

Pinaagi sa nagkalain-lain nga mga calling ug serbisyo sa Simbahan, si Elder Larry Ray Lawrence nakakat-on sa “pagsalig sa Ginoo sa bug-os [niyang] kasingkasing” (Mga Proverbio 3:5).

Natawo niadtong Agosto 1947 ngadto kang Argil ug Mary Lawrence sa Cheverly, Maryland, si Elder Lawrence nagtubo sa Tucson, Arizona. Siya mipursige sa iyang edukasyon sa University of Arizona, diin iyang naangkon ang bachelor’s degree in agricultural biochemistry ug doctorate sa medisina, nagdala ngadto sa panginabuhi nga ophthalmology.

Siya namiyembro sa Simbahan niadtong 1970, sa edad nga 23, ug naminyo kang Laurel Stott sa Templo sa Mesa Arizona niadtong Nobyembre 5, 1971.

Sa wala pa ang iyang call sa Ikaduhang Korum sa Seventy, siya nakatuman sa mga calling nga naglakip sa presidente sa elders korum, bishop, high councilor, stake president, ug stake mission president.

Si Elder Lawrence miingon nga unta ang kinabuhi nagpaingon sa dili na kaayo busy, uban sa ilang unom ka anak nga dagko na ug nagkinaugalingon na, siya ug ang iyang asawa gitawag sa pagdumala sa Russia Novosibirsk Mission sa Siberia niadtong 2001. Sila si Elder ug Sister Lawrence nagkinahanglan sa pagbansay sa hugot nga pagtuo samtang sila mibiya sa ilang panimalay ug pamilya sa pagserbisyo sa usa ka lugar diin ang pinulongan, mga tawo, ug ang klima dili gayud kaayo pamilyar.

“Kadto usa ka dako nga pagsulay alang kanamo sa pagbutang lamang sa among pagsalig sa Ginoo,” miingon si Sister Lawrence. “Ang tanang butang nga among gikabalak-an namaayo ra, ug [ang kasinatian] nakapausab sa among kinabuhi.”

Usa ka marka diha sa kusina sa mission home naghatag og kanunayng pahinumdom sa “paghunahuna [sa Manluluwas] sa matag hunahuna; ayaw pagduha-duha, ayaw kahadlok” (D&P 6:36).

Sila si Elder ug Sister Lawrence miisip sa ilang kasinatian sa misyon nga mao ang usa sa labing nindot sa ilang kinabuhi ug mibati nga kini miandam kanila sa ilang bag-ong mga responsibilidad uban sa call ni Elder Lawrence sa Seventy.

“Kami wala masayud unsa ang anaa sa unahan, apan kami nasayud nga kini mahimong maayo,” miingon si Elder Lawrence.