Elder Patrick Kearon

Sa Seventy

Samtang nagpuyo sa mubong panahon sa California, si Elder Patrick Kearon nagpuyo uban sa “hilabihan ka maayo” nga pamilya nga Santos sa Ulahing mga Adlaw kinsa nagpaila-ila kaniya sa ebanghelyo.

Duha ka tuig ang milabay, miuli sa England, iyang nahimamat ang mga misyonaryo sa dalan sa London ug sa kaulahian misugod sa pag- imbestigar sa Simbahan. Siya nakasugat og kasulatan diha sa Basahon ni Mormon nga mabasa, “Ang mga tawo naingon, nga unta sila makabaton og hingpit nga kalipay” (2 Nephi 2:25). Ang kasulatan mitandog pag-ayo kaniya samtang siya naghinumdom sa hingpit nga kalipay diha sa panimalay niadtong LDS nga pamilya ug sa mga kinabuhi sa mga misyonaryo nga nagtudlo kaniya.

“Kadto nga kasulatan mibagting sa akong mga dunggan,” miingon si Elder Kearon. “Niadtong akong nahimamat, nakita nako sa unsang paagi nga ang among kinabuhi mapanalanginan pag-ayo pinaagi sa pagsunod sa tambag sa Manluluwas nga magmaya.”

Sukad sa iyang pag-apil sa Simbahan niadtong Disyembre 24, 1987, si Elder Kearon nagdala nianang pagmaya ngadto sa daghang calling, lakip ang presidente sa Young Men sa ward, magtatambag sa bishop, branch president, stake president, ug Area Seventy.

Isip bag-ong natawag nga sakop sa Unang Korum sa Seventy, siya miingon nga siya kanunay “nagtrabaho aron magiyahan sa mga baruganan sa Simbahan. Nakita nako sa unsang paagi nga ang pagsunod niadtong mga baruganan makapausab og mga kinabuhi.”

Si Elder Kearon natawo sa Carlisle, Cumberland, England, niadtong Hulyo 1961, ngadto kang Paddy ug Patricia Kearon. Ang iyang amahan nagserbisyo sa British Royal Air Force, si Elder Kearon naedukar sa Middle East ug sa United Kingdom.

Iyang nahimamat si Jennifer Carole Hulme samtang nagtuon sa Brigham Young University sa England. Sila naminyo sa Templo sa Oakland California niadtong 1991. Sila ginikanan sa upat ka mga anak, ang usa niini namatay na.

Si Elder Kearon nakapuyo ug nakatrabaho sa United Kingdom, Saudi Arabia, ug sa Estados Unidos sa nagkalain-laing mga industriya, apil ang politika, health care, ug industriya sa sakyanan. Sa wala pa ang iyang call, sila si Elder ug Sister Kearon nagdumala og konsultahanan sa komunikasyon [communications consultancy] sa England.