Bag-ong Porma sa Mensahe Nakatabang sa mga Sister nga Molambo isip mga Visiting Teacher

Sa Hulyo 2010, ang mga sister sa Relief Society ug mga tig-subscribe sa mga magasin sa Liahona ug Ensign makakita og kausaban ngadto sa tradisyonal nga porma sa Mensahe sa Visiting Teaching.

“Among gusto nga ang tanang visiting teacher makasabut nga ang visiting teaching usa ka call gikan sa Ginoo ug modawat sa iyang buluhaton sa paghigugma, pagserbisyo, pagtudlo, ug pangalagad sa ubang sister nga naghunahuna niini,” miingon si Julie B. Beck, kinatibuk-ang presidente sa Relief Society.

Ang bag-ong porma sa mensahe makatabang sa mga sister sa pagsabut sa katuyoan sa Relief Society, pagtudlo sa mga baruganan aron sa pagtabang sa mga sister sa pagsunod sa katuyoan, paghatag og panglantaw sa kasaysayan, ug motanyag og mga sugyot kon unsaon sa mga babaye nga mas epektibong makabantay ug makalig-on sa ubang mga sister.

“Ang Mensahe sa Visiting Teaching usa ka himan diha sa mga kamot sa usa ka visiting teacher. Samtang siya nagtuon sa mga mensahe nga naghunahuna sa iyang mga sister, siya masayud unsa ang ipakigbahin uban kanila ug unsa ang buhaton ngadto kanila,” miingon si Sister Beck.

Sa sunod nga pahina anaa ang usa ka sampol sa bag-ong Mensahe sa Visiting Teaching, uban sa mga eksplinasyon sa bag-ong mga feature niini.

Mga Instrukyon

Mga Katuyoan sa Relief Society

Mensahe

Pangutana sa Pagpangalagad

Pangutana sa Pag-apply

Gikan sa Atong Kasaysayan

Gikan sa mga Kasulatan

Dugang nga impormasyon

Ang mga instruksyon makatabang sa mga visiting teacher sa pagkahibalo unsaon sa pagtudlo ug pag-apply sa mensahe.

Ang mga katuyoan sa Relief Society gidugang aron sa pagpahinumdom sa mga sister sa mga responsibilidad sa Relief Society: sa pagpalig-on sa pagtuo ug personal nga pagkamatarung, paglig-on sa mga pamilya ug panimalay, ug sa pagpangita ug pagtabang niadtong nanginahanglan.

Ang labing importante nga mensahe motanyag karon og piho ug angayan sa panahon sa pagtambag diretso gikan sa kinatibuk-ang kapangulohan sa Relief Society.

Ang katuyoan niining pangutana mao ang pagtabang sa mga visiting teacher sa pagsunod sa pagdasig aron mas maayo nga makaserbisyo sa mga sister nga ilang tudloan.

Kini nga pangutana gituyo aron sa pagpalihok sa bahin sa matag sister sa Relief Society ug tabangan siya sa pag-apply sa mensahe sa iyang kinabuhi mismo.

Pinaagi sa pagbasa sa halangdon nga kabilin sa mga sister sa Relief Society, ang mga sister makakuha og pagdasig gikan sa organisasyon nga anaa panahon sa sayong katuigan sa Simbahan ug sa programa karon sa Relief Society. “Kita nadasig pinaagi sa ilang mga sakripisyo ug mga tinguha sa pagbuhat sa atong bahin sa pagtukod sa gingharian sa Ginoo sa atong panahon sa pagserbisyo,” miingon si Sister Beck.

Kining mga pakisayran sa kasulatan motabang sa pagpalambo sa pagtuon, pagtudlo, ug personal nga pag-apply sa mensahe.

May kalabutan nga link ngadto sa ubang mga kapanguhaan makita sa Web page sa Relief Society, reliefsociety.lds.org.