Fiefia ʻi ʻApi
Ko e tuongaʻane mo e tuofefine ʻa Puna mo Nita naʻá na nofo ʻi Siemi Lipa, ʻi Kemipōtia.
Naʻe fili ʻa Puna ke papitaiso ia he hoko hono taʻu valú. ʻE papitaiso foki mo Nita ka hoko hono taʻu valú. ʻOkú ne pehē, “ ʻOku ou loto ke u maʻu ʻa e Laumālie Māʻoniʻoní.”
ʻOku mahuʻinga kia Puna mo Nita ke na tokoni ki he kakai kehé. ʻOku loto ʻa Puna ke hoko ko ha faifekau ʻi haʻane fuʻu lahi. Naʻe ʻikai faʻa tatali ʻa Nita ia ke ne hoko ko ha “faifekau kuifefine,” ko ha faifekau matuʻotuʻa. ■
ʻOku haʻu e kakai mei he funga māmaní ke ʻaʻahi ki he ngaahi fuʻu fale motuʻa ʻi hona koló, ka ʻoku fiefia taha pē ʻa Puna mo Nita ʻi ʻapi mo fakataha mo honau fāmilí.
ʻOku ʻi ai ha kiʻi feituʻu mavahe ʻo Puna mo Nita ʻi tuʻa ke na tangutu ʻo lau folofola ai, fai ai ʻena ngāue fakaako mei ʻapí, mo lau ʻa e Liahoná. ʻOku manako ʻa Puna mo Nita ke lau ʻena folofolá. ʻOkú na feinga ke lau e folofolá ʻi he ʻaho kotoa pē. ʻOku saiʻia ʻa Nita he lau ʻo kau ki he misi ʻa Līhaí. ʻOku saiʻia ʻa Puna he lau ʻo kau kia Nīfaí.
ʻOku saiʻia ʻa Nita he mapú. ʻOku saiʻia ʻa Puna he ʻakapulu ʻaki ha faʻahinga foʻi pulu pē te ne maʻu.
ʻOku lahi e taimi ʻoku feohi ai ʻa Puna mo Nitá. ʻOkú na feinga ke na feangaleleiʻaki pea kiate kinautolu foki ʻi honau fāmilí.
Ngaahi faitā ʻa Chad E. Phares