Te u malu fēfē mei he ngaahi meʻa ʻoku kovi ʻi he māmaní?

Mei he “Founga ke Moʻui ai he Uhouhonga ʻo e Fakautuutu ʻa e Koví” Liahona, Mē 2004, 100–102.

ʻOku vahevahe mai ʻe ʻEletā Lisiate G. Sikoti ʻo e Kōlomu ʻo e Kau ʻAposetolo ʻe Toko Hongofulu Mā Uá ha niʻihi ʻo ʻene ngaahi fakakaukau ki he kaveingá ni.

Pīkitai ki he vaʻa ukamea ʻo e moʻoní neongo ʻe ngali faingataʻa e moʻuí he taimí ni. ʻOku lahi ange hoʻo fakalakalaká ʻi he meʻa ʻokú ke ʻiloʻí.

Te ke lava ʻo moʻui angamaʻa, ʻaonga, mo anga-māʻoniʻoni ʻaki haʻo muimui ʻi he palani maluʻi naʻe faʻu ʻe hoʻo Tamai ʻi Hēvaní: ʻa ʻEne palani ʻo e fiefiá.

ʻI he hokohoko atu hoʻo tuku taha hoʻo fakakaukaú mo ho lotó ʻi he ʻEikí, te Ne tokoniʻi koe ke koloaʻia mo kakato hoʻo moʻuí neongo pe ko e hā ʻe hoko takai ʻiate koe ʻi he māmaní.

Naʻe teuteuʻi ʻe he Tamai Hēvani ʻa e ngaahi folofolá mo foaki hokohoko mai ha fakahinohino fakalangi ke tokoniʻi kitautolu. ʻE hanga ʻe he tokoni ko iá ʻo fakapapauʻi atu ʻe lava ke ke moʻui ʻi he melino mo e fiefia lolotonga ʻoku fakalalahi mai ʻa e koví.

Fekumi pea tokanga ki he fakahinohino fakatāutaha ʻoku fai atu ʻo fakafou ʻi he Laumālie Māʻoniʻoní.

Tā fakatātaaʻi ʻe Bryan Beach