Ko e ʻOtu Motu Māsoló

Neongo naʻe ʻaʻahi ha kāingalotu ʻo e Siasí ki he ʻOtu Motu Māsoló lolotonga e Tau Lahi hono II ʻa Māmaní, ka naʻe toki kamata pē ʻa e ngāue fakafaifekau ʻi aí ʻi Fēpueli ʻo e 1977. ʻI he taʻu ko iá ne vahe ai ʻa ʻEletā Uiliami Uātolo mo ʻEletā Sitīveni Kupa mei he Misiona Honolulu Hauaiʻí ke na ngāue he ʻēlia ko iá. Ne tokoni ange ʻa ʻEletā Foukesi, ko ha mēmipa pē ʻo e Siasí ne hiki ʻo ngāue ʻi he ʻOtu Motu Māsoló, ʻo nau fokotuʻutuʻu ke fai e ngaahi houalotu ʻa e Siasí ʻi ha falelotu ʻo ha siasi kehe.

Naʻe papitaiso ʻe he kau faifekaú ha kau ului ʻe toko 27 he ʻuluaki taʻú. Hili ha taʻu ʻe tolu mei ai ne hoko e ʻOtu Motu Māsoló ko ha konga ʻo e Misiona Maikolonisia Kuamú. Naʻe fokotuʻu e Vahefonua Masulo ʻOtu Motu Māsoló he 1948. Ne hokohoko atu pē e tupu tokolahi ʻa e Siasí, ʻo aʻu ki hono fokotuʻu ʻo e vahefonua hono uá ʻi he motu ko Kauāleiní ʻi he 1991. Ne fokotuʻu e Misiona ʻOtu Motu Māsolo Masuló ʻi he 2006. ʻI he taʻu ʻe tolu hono hokó, ne tokolahi ange ʻa e kāingalotú mālohi tupu mei he ngaahi ngāue ke fakamālohia kinautolú, ngaahi papi uluí, mo hono fakamālohia ʻo e kau taki fakalotofonuá. Ko hono olá ko hono fokotuʻu ʻo e Siteiki Masulo ʻOtu Motu Māsoló.

Vakai ki he peesi 23 ke lau e ngaahi talanoa ki he tui mo hono fakaului ‘o e kāingalotu ʻi he ʻOtu Motu Māsoló.

Ko e Siasí ʻi he ʻOtu Motu Māsoló
Tokolahi ʻo e Kāingalotú	4,486
Ngaahi Misioná	1
Ngaahi Siteikí	1
Ngaahi Vahefonuá	1
Ngaahi Uōtí/Koló	11