“Manatu ʻEni ki ho Tupuʻangá ʻi he Ngaahi ʻAho ʻo Hoʻo Kei Siʻí” (Tangata Malanga 12:1)

ʻOku fakamatala ʻa e ngaahi tohi folofolá ki he ngāue fakafaifekau ʻa e kau palōfitá mo e kau ʻaposetoló. Naʻe ʻiloʻi ʻe he tokolahi ʻo e kau takí ni ʻa e ʻOtuá talu mei heʻenau kei talavou. Ko ha fakamatala fakafolofola ʻeni ʻe nima ki he ngaahi meʻa ne aʻusia ʻe ha niʻihi ʻo e kau taki ko ʻeni ʻo e kahaʻú.

• Ko Sione Papitaiso, ʻa ē ne uiuiʻi ke teuteuʻi e kakaí ki he “hāʻele mai ʻa e ʻEikí,” pea naʻe “fakanofo ia ʻe he ʻāngelo ʻa e ʻOtuá ʻi he taimi naʻá ne ʻaho valu aí ke maʻu ʻa e mālohí ni” (T&F 84:27–28).

• Ko e Tuʻi ko Sosaiá, naʻe fakakalauni ia ʻi hono taʻu valú, peá ne fakaʻaongaʻi e taʻu ʻe 31 naʻá ne pule aí ke tokoni ki hono fakaului ʻo e kau Siú ki he ongoongoleleí (vakai, 2 Ngaahi Tuʻi 22).

• Naʻe taʻu 10 nai ʻa Molomona pea fili ia ʻe ʻEmaloni ko e tokotaha hono hoko ke tauhi e ngaahi lekōtí (ʻa e ʻū peleti ʻa Nīfaí). ʻI hono taʻu 16 nai, ne taki ʻe Molomona e kau tau ʻa e kau Nīfaí. (Vakai, Molomona 1:2–4; 2:1–2.)

• Ko ha “tangata siʻi” (ko ha talavou) pē ʻa Tēvita ʻi he taimi naʻá ne tāmateʻi ai ʻa Kolaiaté, mahalo naʻe taʻu tatau pē mo e kau sōtia ʻi he kau tau ʻa Hilamaní (vakai, 1 Samuela 17:49–56; ʻAlamā 53:22).

• Naʻe taʻu 17 ʻa Siosefa he taimi naʻe fakatau ai ki ʻIsipité, pea “naʻe ʻia Siosefa ʻa [e ʻEikí]” (vakai, Sēnesi 37:2, 27–28; 39:2).