Komentaryo
Kaisug nga Mamahimong mas Lig-on
Akong gipamalandungan matag adlaw ang tambag ug ang pagmay-may nga akong nadawat diha sa Liahona. Nakatabang kini kanako sa akong inadlaw-adlaw nga mga desisyon, ug mas determinado ako sa pagsunod sa ebanghelyo. Ang magasin naghatag kanako og kaisug nga mahimong mas lig-on pa og gamay.
Ramon Cristopher Hipolito Villaluna, Phillipines
Pagsulbad og Imposible nga mga Problema
Ang mensahe nga naa sa Liahona nagpalig-on kanako. Kon akong gikinahanglan ang paghimo og daw imposible nga mga desisyon, akong basahon pag-usab ang mga mensahe ug akong makit-an ang hingpit nga mga solusyon. Palihug ayaw ihunong sa paglakip ang Mensahe sa Unang Kapangulohan ug ang mga Tingog sa mga Santos sa Ulahing mga Adlaw.
Evelyn Forson, Ghana
Kini ang Kamatuoran
Ang Liahona nahimo nga giya sa akong kinabuhi sukad nagpasakop ako sa Simbahan 15 ka tuig na ang milabay, ug nakadawat ko og lig-on nga mga pagdasig gikan sa Espiritu samtang akong gibasa ang mga pahina. Kini ang akong kapasilongan sa mga panahon sa kasubo. Samtang magbasa ko sa mga istorya sa mga Santos sa tibuok kalibutan ug sa mga pulong sa mga General Authority akong mabatyagan ang kahupayan, kalinaw, ug ang pagmatuod nga kini ang matuod.
Felipe Urbina, Costa Rica