Gagmay ug Yano nga mga Butang
Ug gikan sa gagmay nga mga butang magagikan ang mga dagko” (D&P 64:33 ).
Ang mga misyonaryo nakakaplag ug mitudlo sa akong apohan nga lalaki sa Samoa. Sa pagpasakop sa Simbahan, ang akong apohan kinahanglan nga mobiya sa pipila ka tradisyonal nga mga tinuohan ug relihiyuso nga mga naandan sa iyang mga tawo. Mapasigarbuhon ang among pamilya sa among Samoan nga kabilin, apan tungod sa ehemplo sa akong apohan, among nakat-unan nga ang ebanghelyo mao ang unahon.
Sa batan-on pa ako, istoryahan ako sa akong papa mahitungod sa komon nga tribal band nga patik ug sa pipila ka inila nga mga pagkaon nga dili moangay sa mga pagtulun-an sa Simbahan. Si papa miingon, “Ayaw pag-apil bisan unsa niana. Ikaw anak sa Dios sa wala pa ka mahimong Samoan, sa wala pa ka modako, sa wala pa ka mahimong isug nga tawo sa mga isla.” Mao kanang butanga ang kanunay nakong mahinumduman.
Karon ako ug ang akong asawa nagpuyo sa Costa Rica. Adunay mga tradisyon ug pamatasan sa kultura dinhi, ingon man sa bisan asa nga dapit, nga wala masubay sa unsay mga gitudlo sa Simbahan. Usahay among gikinahanglan ang kaisug sa pagtalikod niini nga mga naandan ug sa mga pagtulun-an sa ebanghelyo ni Jesukristo.
Morgan Sa Mataalii, Costa Rica
Sa wala: Litrato sa BYU Jerusalem Center ni D. Kelly Ogden; litrato sa sungkod pinaagi ni John Luke; litrato sa Silver Buffalo Award pinaagi ni Christina Smith