SA IVAKADINADINA, VEIYALAYALATI, KA IVAKADINADINA BULA
Au sa vakadinadinataka ni iVola i Momani sa dua na veiyalayalati vou, sa ivakadinadina vou mai na Vuravura Vou ki na vuravura raraba.
Na veivakadeitaki vakalou me baleta na iVakabula kei na Nona Lotu vakalesuimai a yaco taumada vei au niu se cauravou gone ena gauna au a wilika kina na iVola i Momani. Ena gauna au a wilika tiko kina na itukutuku tabu oqo au a vakila sara—vakaveitarataravi—na vakasolokakana dina ni Yalo Tabu ni sa tukuna tiko ki na yaloqu ni sa ka dina.
Niu sa wilika na ivola oqo sa caudre mai kina na noqu rarama. O ya na ivurevure ni isevu ni noqu veivakadeitaki vakayalo ni sa bula dina tiko na Kalou, ni sai Koya na Tamaqu Vakalomalagi, ka sa tuvanaki tu e dua na bula marau ena veigauna tawamudu baleti au. A muataki au meu vakasakita na iVola Tabu kei na ivola tudei vakalotu ni Lotu. A vakavulici au meu lomana na Turaga o Jisu Karisito, meu raica rawa na Nona loloma vakalou, ka meu kila na loloma veivueti kei na lagilagi ni Nona solibula ni veisorovaki.
Ena vuku ga niu kila ga vakai au ni sa ivakadinadina bula na iVola i Momani—e dua tale na ivakadinadina kei na veiyalayalati vou—ni o Jisu na Karisito, au sa vulica vakakina ni o Josefa Simici sa parofita dina ni Kalou. Me vaka ga na ka a tukuna o tubuqu vakatolu ni se qai yaco walega na Vakalesuimai, “E sega ni rawa vua e dua na tamata ca me vola e dua na ivola vakaoqo; ka na sega ni rawa vua e dua na tamata vinaka me vola, vakavo ga ke sa ka dina ka sa vakaroti koya na Kalou me vakayacora.”1
Sa mai sema ki na imatai ni noqu veivakadeitaki na veika e veivakauqeti vakayalo kei na ivakaraitaki veivakasavasavataki sa mai vakaibalebale titobu kina na noqu veisiga oqo, vakainakitaki kina na noqu bula, ka vaqaqacotaki kina na yavu ni noqu ivakadinadina.
Ia, au a sega ni soko vata kei taci Jereti. Au a sega ni rogoci Tui Penijamini na nona a vunau vaka na agilosi. Au a sega ni maliwai ira na Nifai era tara na we ni mavoa ni Turaga ni sa tucaketale mai, se meu a tagi vata kei Momani kei Moronai ni ra sa vakarusai e dua na kawa tamata. Au vakadinadinataka na ivola oqo, me vaka sara ga au a raica vata kei iratou na iVakadinadina e Tolu na agilosi o Moronai se, tara na peleti koula, vata kei ratou na iVakadinadina e Walu. Au sa vakadinadinataka na ivola oqo, me vakataki iratou na iVakadinadina e Tolu, ni ratou a raica na agilosi o Moronai se, vata kei iratou na iVakadinadina e Tolu kei na iVakadinadina e Walu, ni ra a raica ka tara na peleti koula.
Au sa vakadinadinataka talega kina ni sega ni rawa me dua vei keda me taucoko na nona vakabauta na cakacaka ni iotioti ni gauna oqo me qai kunea na ivakarau taucoko ni sautu kei na vakacegu ni noda gauna oqo me yacova ni sa karona o koya na kena sa vakalou na iVola i Momani kei na Turaga o Jisu Karisito, ni sa vakadinadinataki Koya. Me vaka a kaya o Momani vei Moronai ena nodrau gauna eso ni kakavaki, au sa qai kaya kina ena noda gauna oqo ni kakavaki: “Mo yalodina vei Karisito. … Ia me tiko ga kei iko na loloma ni Kalou ko Tamada, sa tiko mai lomalagi, kei na loloma i Jisu Karisito na noda Turaga, sa tiko ena liga imatau i Koya sa kaukauwa … ka tiko vata ga vata kei iko” (Moronai 9:25–26).
Na iVola i Momani sa ivakaraitaki tabu ni iotioti ni veiyalayalati cecere i Karisito vata kei ira na kawatamata. Sai koya na veiyalayalati vou, e dua na ivakadinadina vou mai na Vuravura Vou ki vuravura taucoko. Na rarama au lako voli kina sa Nona rarama. Sa liutaki au tiko na Nona loloma vakalou kei na Nona lagilagi—vakakina vei kemuni—daru sa vakadinadinataki Koya ki vuravura taucoko.
ERAU VAKADINADINATAKI KARISITO NA IVOLA TABU KEI NA IVOLA I MOMANI mai vei Greg K. Olsen