2011
Na iTalanoa ni iVola i Momani
Okotova 2011

Na iTalanoa ni iVola i Momani

Na cava e yaco ena iVola i Momani? Vakayagataka na iyaloyalo oqo mo vulica kina na parofita kei na italanoa ka tiko ena ivolanikalou totoka oqo.

  1. Tekivu na iVola i Momani vei Liai na parofita. E a vakasalataki ira na tamata ca mai Jerusalemi mera veivutuni, ia era sega ni via rogoca na tamata. Sa qai tukuna na Turaga vei Liai me kauti iratou na nona matavuvale, wili kina o watina, o Seraia, kei ira na luvena tagane—Leimani, Lemueli, Semi, kei Nifai—kina loma ni lekutu. (Raica na 2 Nifai 2:27.)

  2. Sa qai vakatalai iratou lesu na luvena me ratou laki kauta mai na ivolanikalou ka volai tu ena peleti parasa. E tiko ena peleti qo na itukutuku ni nodra qase kei na so tale na ka e tukuna vei ira na Turaga mera vola. Erau maroroya sara vakavinaka o Liai kei na Nifai na peleti oqo.Erau vola talega ena peleti kaukamea na veika e yaco ena nodratou matavuvale.(Raica na 1 Nifai 3–5.)

  3. E solia vei Liai na Turaga e dua na kabasi na yacana na Liaona me kauti iratou na nona matavuvale ena loma ni lekutu me yaco kina vanua yalataki. (Raica na 1 Nifai 16.)

  4. Tukuna vei Nifai na Turaga me taya e dua na waqa me kauti Liai kei na nona matavuvale kina vanua yalataki. E a talairawarawa o Nifai vei tamana kei na Turaga, o Leimani kei Lemueli e sega. (Raica na 1 Nifai 17.)

  5. Eratou sa qai soko yani kina vanua yalataki ena waqa ratou taya ga, o Liai kei na nona matavuvale. (Raica na 1 Nifai 18.)

  6. Erau tomana tikoga o Leimani kei Lemueli na nodrau talaidredre vei tamadrau kei na Turaga. Era vakatokai na nodrau kawa me ra Leimani.Tomana ga o Nifai na nona talairawarawa vei tamana kei na Turaga. Nona kawa era vakatokai mera Nifai. (Raica na 2 Nifai 2:27.)

  7. Ni rau sa mai mate o Liai kei Nifai era tomana ga na vola na kedra itukutuku kei na ivakavuvuli ena peleti e so me vakataki Jekope na taci Nifai. (Raica na Jekope 1.)

  8. Masulaka o Inosi me bokoci na nona ivalavalaca, sa mani vakakina. (Raica Inosi 1.)

  9. Tara o Tui Penijamini e dua na vatavata cecere me vakavulica na kosipeli vei ira na nona tamata. (Raica Mosaia 2:6.)

  10. Dua na tui ca o Noa e a vakavuna na mate nei Apinatai na parofita. Ia e dua na bete i Noa o Alama e a veisautaki koya na veivakavulici nei Alama. (Raica Mosaia11–17.)

  11. E a dro o Alama mai vei Noa na Tui ka laki veivakavulici vei ira na tamata ka papitaisotaka sara e so. (Raica Mosaia 18.)

  12. E a talaidredre voli e dua na luvei Alama o Alama lailai. O koya kei iratou na luvei Mosaia eratou a vakadrecike voli ga. Sa qai tukuna vei iratou e dua na agilosi me ratou veivutuni. A qai veivutuni o Alama kei iratou na luvei Mosaia ka qai vunautaka na kosipeli ena nodratou bulataucoko. (Raica Mosaia 27:28.)

  13. Na luvei Mosaia o Amoni e a veisautaki ira e levu sara na Leimani ni a taqomaka na qele ni manumanu nei Tui Lamonai ka rawata kina na nona veitokoni. (Raica Alama 17:19.)

  14. E a vola o Turaganivalu Moronai na yavu ni bula galala ka valataka na nodra galala na nona tamata. (Raica na Alama 46, 48.)

  15. Liutaki ira o e dua na mataivalu lewe 2,000 na cauravou yaloqaqa. (Raica na Alama 53, 56–58.)

  16. Parofisai e dua na parofita ni Leimani o Samuela ni sa na vakarau sucu o Jisu Karisito.(Raica na Ilamani 13–16.)

  17. Vakayawa mai Peceliema, sa sucu o Jisu Karisito. A vakavulica na Nona kosipeli, vakabulai ira ka vakalougatataki ira na tamata, ka vakaduria na Nona Lotu. A qai vakamatei o Koya ka tucaketale. (Raica na 3 Nifai 1, 8–10.)

  18. Ni sa Tucaketale o Koya sa qai sikovi ira na Nifai kei na Leimani yalododonu. E vakavulici ira ena Nona kosipeli, vakabulai ira, ka vakalougatataki ira me vaka sara ga e a cakava ena vanua volekati Jerusalemi. (Raica na 3 Nifai 11–28.)

  19. E a lesi e dua na gonetagane yabaki 10 o Momani me volavola ena peleti ena gauna sa qasecake mai kina. Ni qai yabaki 24 sa tekivu me vola vata na itukutuku bibi kece mai na ivolatukutuku kina peleti kaukamea. (Raica na Momani 1.)

  20. Ni bera ni mate o Momani sa solia na peleti vei luvena o Moronai. O Moronai e dua na turaganivalu ena mataivalu. O koya na iotioti ni Nifai me bula tiko ena ivalu levu era a vala kina na Leimani kei ira na Nifai. (Raica na Momani 6, 8.)

  21. Ni bera ni mai mate o Moronai, e sa buluta oti na peleti mai na ulunivanua o Kumora. Rauta na 1400 na yabaki ni sa buluta oti o Moronai na peleti, e a qai masu e dua na gonetagane ni yabaki 14 na yacana o Josefa Simici ena nona gadreva me kila se lotu cava e dina. (Raica na Josefa Simici—A iTukutuku 1:5–16)

  22. Rau a rairai mai kina na Tamada Vakalomalagi kei Jisu Karisito ka tukuna vei Josefa Simici ni sega ni dua vei ira na lotu e dina. Sa na Veivuke o Josefa ena kena vakaduri na Lotu i Jisu Karisito. (Raica na Josefa Simici—A iTukutuku 1:17–20.)

  23. A sikovi Josefa Simici o Moronai ka tukuna vua na peleti ka a bulu tu. Ni sa na qase cake mai o Josefa Simici sa na qai laki kauta mai na peleti ka mai vakadewataka. (Raica Josefa Simici—A iTukutuku 1:27–54.)

  24. Ni sa yabaki 21 o Josefa Simici sa qai lako yani kina Ulunivanua o Kumora ka kauta mai na peleti ena vanua a buluta tu kina o Moronai. (Raica na Josefa Simici—A iTukutuku 1:59.)

  25. E a vakadewataka o Josefa Simici na volavola ena peleti ena kaukauwa ni Kalou. E a qai tabaki na vakavakadewa oqo. E vakatokai me iVola i Momani. (Raica na tabana ni ulutaga kei na ivakamacala ni iVola i Momani)

iMawi: itaba vakaraitaki mai vei Robert Casey; matailalai mai na Lakovoli e Yasa ni Waitui Damudamu o Liai, mai vei Gary Smith; Au a Talairawarawa Vua na Yalotabu, mai vei Walter Rane: Liai kei na Liaona, mai vei Joseph Brickey; Vakadodonutaki Iratou na Tuakana Dauvakadrecike o Nifai , mai vei Arnold Friberg © 1951 IRI; imatau: Yaco Kina Vanua Yalataki o Liai kei ira na Nona tamata, mai vei Arnold Friberg© 1951 IRI; A KAUKAUWA SARA GA VAKALEVU NA NODRATOU IVAKARAU VEI AU, mai vei Walter Rane; Volavola ena Peleti Koula o Nifai, mai vei Paul Mann © 1988; Au Tabalaka Na Domoqu Me Yaco Ki Lagi, mai vei Walter Rane; Dau Qarava na Nomu Kalou, mai vei Walter Rane; matailalai mai vei Rairai o Apinatai vei Tui o Noa, mai vei Arnold Friberg © 1951 IRI; Lako Mai Vua na Kalou, mai vei Walter Rane; Alama Tucake, mai vei Walter Rane; na itaba boroi mai vei Walter Rane e solia na Church History Museum

iMawi: Taqomaka o Amoni na Qele ni Manumanu ni Tui o Lamoani, mai vei Arnold Friberg © 1951 IRI; Lako Mai, mai vei Walter Rane, solia na Church History Museum; Era Lako Ki Vala e Rua na Udolu na Cauravou, mai vei Arnold Friberg, solia na Church History Museum; Parofisai o Samuela na Leimani, mai vei Arnold Friberg © 1951 IRI; Vakacokotaka na Peleti o Momani, mai vei Tom Lovell © IRI; Au Sa Tiko Duadua Voli Ga, mai vei Walter Rane, solia na Church History Museum; Moronai ni Buluta Tiko na Peleti, mai vei Tom Lovell © IRI; Na Gagadre ni Yaloqu II, mai vei Walter Rane; imatau: Sa Tucaketale Ko Koya, mai vei Del Parson; Karisito kei ira na Gonelalai ena iVola i Momani, mai vei Del Parson © 1995; Rairai na Agilosi o Moronai vei Josefa Simici, mai vei Tom Lovell © 2003 IRI; Na Delana o Kumora, mai vei Jon McNaughton; Vakadewataka Tiko na iVola i Momani o Josefa Simici, mai vei Del Parson © 1996 IRI

Tabaka