Liahona, Oktoba 2011

Welkam long Spesel Namba Ia

I gat sam topik we i gud blong oli tokbaot long wan ful magasin, mo Buk blong Momon i wan long olgeta. Long namba ia, ol profet, blong bifo mo blong tedei, mo tu ol memba raon long wol, oli testifae abaot spesel buk blong skripja ia. Ples we hem i kamaot long hem i olsem wan merikel. Hem i wan pruf we man i save holem abaot Restoresen o Gospel we I Kambak. Hem i ki ston blong relijin blong yumi. Mo oli bin raetem blong dei blong yumi—i stap tijim klia doktrin blong Kraes mo i stap bildimap nomo fet blong yumi, mo i stap mekem ol famle blong yumi oli kam strong moa.

Nomata bae yu no luk plante seksen we yu save faenem oltaem insaed long Liahona, be Fas Presidensi Mesej (pej 4) mo Visiting Tijing Mesej (pej 46) oli stap nomo. Ol mesej mo evri nara atikol insaed, oli serem ol testemoni mo ol tijing we oli kamaot long Buk blong Momon.

Mifala i invaetem yu blong stadi long namba ia wetem prea; tekem ol mesej ia long hat blong yu, mo serem olgeta—mo serem Buk blong Momon—wetem ol narafala man.

• Ol Mesej

  • 4

    Fas Presidensi Mesej:

    Ol Gudfala Promes blong Buk blong Momon

    I Kam long Presiden Tomas S. Monson

  • 46

    Visiting Tijing Mesej:

    Sapos Yumi No Stap Gat Tu Tingting

• Ol Spesel Stori

  • 6

    Profet Josef Smit: Transleta blong Buk blong Momon

    Wan yang man we i no skul i kam, tru long paoa blong God, transleta ia we i kasem insperesen blong raetem “buk ia we i moa stret long eni narafala buk long wol.”

  • 10

    Wanem Nao Buk blong Momon I Stap Tijim Yumi Abaot Lav blong God

    I kam long Elda Rasel M. Nelson

    Yu yu wantem bon bakegen long saed blong spirit mo kasem paoa blong lavem man olsem we God i lavem man? Buk blong Momon i eksplenem olsem wanem blong mekem.

  • 16

    Stori blong Buk blong Momon

    Atikol ia i save helpem yu blong tijim ol pikinini blong yu abaot ol impoten stori we i stap long skripja buk ia.

  • 20

    Taem Laen blong Buk blong Momon

    Bigfala lukluk long ol ki pipol, stat long ol man blong Jared long yia 2200 B.K. (Bifo Kraes i bon) i go kasem en blong taem blong ol man blong Nifae long yia 420 A.K (afta Kraes i bon).

  • 22

    Hu Nao I Raetem Buk blong Momon?

    Wok blong ol profet blong bifo, wan man we i putum tugeta ol buk tru long insperesen, mo wan transleta blong lata-dei oli mekem Buk blong Momon i kamtru.

  • 24

    Buk blong Momon: Wan Witnes long saed wetem Baebol

    Hemia 14 stamba doktrin we Baebol i tijim we Buk blong Momon i givim wan moa witnes long olgeta.

  • 28

    Olsem Wanem blong Stadi long Buk blong Momon

    I Kam long Elda D. Tod Kristofeson

    Trifala risen mo trifala wei blong stadi long stret buk blong skripja ia.

  • 32

    Drim blong Lihae: Stap Holem Taet Rel blong Aean Ia

    I Kam long Elda Deved A. Bedna

    Drim blong Lihae i tijim yumi olsem wanem blong holem strong toktok blong God.

  • 38

    Buk blong Momon: Stap Mekem Fet blong Yumi long Jisas Kraes I Kam Strong Moa

    I Kam long Elda Nil L. Andesen

    Buk blong Momon i stap invaetem yumi mo ol famle blong yumi blong akseptem fet long Lod Jisas Kraes, we bae i helpem ol famle blong yumi blong gat gud laef.

  • 47

    Miusik

    Tu Taosen Yang Strong Soldia

    I Kam long Boni Hat Merei mo Janis Kap Peri

  • 48

    Ol Tijing blong Taem blong Yumi

    Ol profet mo ol aposol we oli laef oli serem ol trutok we i kamaot long Buk blong Momon we i save lidim yumi long tedei.

  • 52

    Buk blong Momon—Ki Ston blong Relijin blong Yumi

    I Kam long Presiden Esra Taf Benson

    Toktok ia we evriwan i save, i kamaot 25 yia i pas, i tokbaot ol testemoni mo kaonsel we i no save ded wetem taem, abaot Buk blong Momon.

  • 59

    Wan Tabu Wok

    I Kam long Deved A. Fets

  • 60

    Sapos Yu Wantem Save Tru, Bambae Yu Save Stret

    I Kam long Elda Wolta F. Gonsales

    Fofala wei we yu save kam blong save se Buk blong Momon i kam long God.

  • 65

    Posta

    Wan Voes we I Kamaot long Das

  • 66

    Wan Faea we I Stap Bon Insaed long Mi

    I Kam long Maekel R. Moris

    Dei ia we Eduardo Kontreras i bin lanem blong rid, i dei ia tu we hem i bin kasem wan testemoni abaot Buk blong Momon.

  • 68

    Olsem Wanem Buk blong Momon I Bin Jenisim Laef blong Mi

    Ol memba oli testifae long olsem wanem Buk blong Momon i bin helpem olgeta blong faenem ol ansa, faenem kamfot, mo i bin helpem olgeta blong jenisim laef blong olgeta.

  • 72

    I Go long Evri Lanwis mo Pipol

    I Kam long Lia MaKlanahan

    Long ol Lata-dei Sent raon long wol, i no gat wan samting we i bigwan moa bitim blong gat Buk blong Momon long lanwis blong olgeta.

  • 76

    Ol Kwestin we Oli Askem Oltaem abaot Buk blong Momon

    Ol simpol ansa long ol kwestin we ol pipol oli askem oltaem abaot Buk blong Momon.

  • 80

    Wan Testemoni, Wan Kavenan, mo Wan Witnes

    I Kam long Elda Jefri R. Holan

    Mi testifae abaot buk ia, semmak olsem sapos we mi bin stap wetem Ol Tri Witnes mo Ol Eit Witnes, se mi bin luk olgeta buk ia we oli wokem long gol.

Plante long ol peinting long namba ia i soem pikja blong Liahona ia we Lihae i bin kasem. Ol defren Liahona ia, oli no haedem olgeta, be ating i no semmak olsem hemia antap, be yu mo famle i save gat gudfala taem blong faenemaot hamas Liahona yu save faenem insaed long ful magasin ia.

Long Kova

Fored: Foto pikja i kam long Jon Luk; Blong Yufala I Save, i kam long Gari Kap, Mista mo Misis Deved Larsen i givim wetem glad hat, yu no save mekem kopi. Bak: Fes blong Kraes, i kam long Henrij Hofman, C. Harrison Conroy Co i givim wetem gladhat.