Pito ka Managsoong Babaye Nagpasanag sa Ilang Kahayag diha sa Natad sa Misyon

Ang Pleiades, o ang Seven Sisters, maoy usa ka hugpong sa pito ka mga bitoon nga layo kaayo nga ang ilang hayag nagkinahanglan og 350 ka tuig nga moabut sa yuta.

Mga nanag-edad gikan sa baynte ngadto sa hinapos sa mga treynta, kini nga managsoong babaye naghimo sa ilang kahayag nga mosanag diha sa ilang pamilya ug diha sa natad sa misyon samtang sila nakigbahin sa ebanghelyo ngadto sa mga katawhan sa lima ka mga nasud.

Marisol (Chile Osorno), Antonia (Argentina Resistencia), Daniela (Costa Rica San José), Florencia (Honduras Comayaguela), Verónica (Chile Santiago East), Anai (Guatemala City North), ug Balbina Nava Aguilar (Argentina Bahía Blanca) mga taga Mexico nga sa pagkakaron nagserbisyo og mga misyon alang sa Ang Simbahan ni Jesukristo sa mga Santos sa Ulahing mga Adlaw.

Ang unang panagkita sa managsoong babaye sa mga misyonaryo sa LDS mao kadtong misugod sila sa pagtambong og walay bayad nga mga klase sa Iningles diha sa lokal nga chapel. Niadtong 2006 sila—kuyog sa laing igsoon nga babaye ug sa ilang igsoon nga lalaki—gibunyagan. Ang ilang mga ginikanan, si Albino Nava ug Isidra Aguilar, kinsa mipasakop sa Simbahan tulo ka dekada ang milabay, mibalik sa hingpit nga pagkaaktibo niana nga panahon.

Si Sister Aguilar miingon nga siya nakakita sa nindot nga moabut sa pagpadala sa iyang pito ka anak nga mga babaye ngadto sa mga misyon.

“Sila anaa sa mga kamot sa Ginoo, nagtrabaho, nagsangyaw sa Iyang ebanghelyo sa pagdala og daghan pa nga mga kalag [ngadto Kaniya],” siya miingon.

“Gihigugma ko kini nga ebanghelyo ug ako nasayud nga ang buhat nag-usab sa mga kinabuhi,” miingon si Florencia. “Miusab kini kanako, ug mousab kini sa mga kinabuhi niadtong akong gitudloan.”

Ang managsoong babaye magsugod sa pagpamauli sa katapusan sa 2011.

Kining pito ka managsoon nga gikan sa Siyudad sa Mexico nagdungan sa pagserbisyo og full-time nga mga misyon sa lainlaing mga dapit sa kalibutan.

Litrato sa maayong kabubut-on ni Anai Nava