Ko Hono ʻOmi ʻo e Palaimelí ki ʻApí
ʻOku ou Fili ke Fakafonu ʻEku Moʻuí ʻaki ʻa e Ngaahi Meʻa ʻOkú ne Fakaafeʻi ʻa e Laumālié
ʻE lava ke ke fakaʻaongaʻi e lēsoni mo e ʻekitivitī ko ʻení ke ako lahi ange ai ki he kaveinga ʻa e Palaimelí ki he māhina ní.
Te tau lava ʻo lau ʻi he Tohi Tapú ha talanoa fakaofo kau kia Setaleki, Mēsake, pea mo ʻApetenikō. Naʻe lī ʻe he Tuʻi ko Nepukanesá ʻa e ngaahi kaungāmeʻa ko ʻeni ʻe tolú ki he afi vela kakahá ko e ʻikai ke nau hū ki ha ʻīmisi koula naʻá ne faʻu. Naʻe talaange ʻe he kau ʻIsileli ʻe toko tolú ki he tuʻí ko e ʻOtuá pē te nau hū ki aí. Koeʻuhí ko e tui faivelenga ʻa e kau talavoú, naʻe fakahaofi ai kinautolu ʻe he ʻOtuá mei he afi vela kakahá. (Vakai, Tāniela 3.) Ko e talanoa ko ʻení ʻoku fekauʻaki ia mo e fakafalala ki he ʻOtuá, tui faivelengá mo e loto-toʻá. ʻOku toe kau foki ki ai mo e ngaahi kaungāmeʻa lelei naʻa nau fetokoniʻaki ke fili ʻa e totonú.
Naʻe fili fakataha ʻe Setaleki, Mēsake, pea mo ʻApetenikō ke tauhi ʻenau palōmesi ko ia ke tauhi pē ki he ʻOtuá. Naʻa nau fili ke tui ʻe fakahaofi kinautolu ʻe he ʻOtuá. Naʻa nau fili ke ʻoua naʻa nau manavahē ki he tuʻí ka ke falala pē ki he ʻOtuá. Naʻe pehē ʻe Palesiteni Henelī B. ʻAealingi, Tokoni ʻUluaki ʻi he Kau Palesitenisī ʻUluakí, “ʻOku tau fie maʻu kotoa pē ha ngaahi kaungāmeʻa moʻoni ke ʻofa ʻiate kitautolu, ke fanongo kiate kitautolu, ke fakahā kiate kitautolu ʻa e halá, pea mo fakamoʻoniʻi mai e moʻoní kiate kitautolu” (“Ngaahi Kaungāmeʻa Moʻoní,” Liahona, Siulai 2002, 32).
Manatuʻi, ʻe fakahoko ʻe he ngaahi kaungāmeʻa leleí ha liliu ʻi hoʻo moʻuí ʻaki hono tokoniʻi koe ke ke fili ki he totonú. Kumi ki ha ngaahi kaungāmeʻa hangē ko Setaleki, Mēsake, mo ʻApetenikoó, pea hoko ko ha kaungāmeʻa ʻo hangē ko kinautolú!
Ngaahi tā fakatātā ʻa Brad Teare