Ko ʻEtau Pēsí
Lukasi L., taʻu 9, ʻĀsenitina
Ko Hono Fakatupulaki ʻo e Tui ki he ʻOtuá
Kuo tokoniʻi au ʻe he kiʻi tohi ko ia ko e Tui ki he ʻOtuá ke u fakalakalaka ʻi hono tauhi ʻo e ngaahi fekau ʻa e Tamai Hēvaní. ʻOku ou fakalotolahiʻi ʻa e fānau kotoa pē ke fakakakato ʻa e kiʻi tohí mo fakatupulaki honau ngaahi talēnití ʻaki ʻenau fua fatongia ʻi he Siasí. Naʻá ku fokotuʻu ha taumuʻa peá u tā ʻa e vaioliní ʻi haʻaku hiva mo hoku tuongaʻané ʻi he lotú. ʻOku ʻi ai hoku tuongaʻane ʻoku ngāue fakafaifekau—ko ha faʻifaʻitakiʻanga lelei ia kiate au, ʻo hangē ko e mēmipa kotoa pē ʻo hoku fāmilí!
Sālote de B., taʻu 10, Falanisē
ʻOku manako ʻa Lepeka B., taʻu 4, mei Palāsila, ʻi he ʻalu ki he lotú. ʻOkú ne saiʻia maʻu pē ke hivaʻi ʻa e “Fānau Au ʻa e ʻOtuá” mo e “Ko e Fāmilí ke Taʻe Ngata” ʻi he efiafi fakafāmili ʻi ʻapí ʻi he uike taki taha, pea ʻokú ne ʻiloʻi e ngaahi leá kotoa. Naʻá ne ʻosi maʻu ʻa e ʻuluaki Tefito ʻo e Tui ʻe tolú ʻi heʻene kei taʻu tolu pē mo ha ngaahi māhiná. ʻOkú ne lau ko e Sāpaté ko e ʻaho ia ʻo e ʻEikí pea ko ha tāpuaki ia ki hono fāmilí.
ʻOku ʻofa lahi ʻaupito ʻa Sei R., taʻu 5, mei ʻInitonēsiá, ʻi hono fāmilí. Kuo akoʻi ia ʻe heʻene ongomātuʻá ke ʻofa ʻi he niʻihi kehé. ʻOku tokolahi hono ngaahi kaungāmeʻá, pea ʻokú ne saiʻia ke vahevahe mo kinautolu. ʻOkú ne ʻofa ʻi he ngaahi fakatupu ʻa e ʻEikí, hangē ko e ʻuluʻakaú mo e fanga monumanú. ʻOkú ne saiʻia ʻaupito ʻi he fanga kiʻi ʻinisēkité mo e hiná foki, koeʻuhí he ʻoku nau lalanga pē honau matamatakupengá. ʻOkú ne houngaʻia he meʻa kotoa pē naʻe fakatupu ʻe he ʻEikí maʻaná.
Tīmote K., taʻu 3, ʻUkuleini