Kuo ʻAloʻi ʻa Sīsū

Fai ʻe Charlotte Mae Sheppard

Naʻe fononga ʻa Mele mo Siosefa ki Pētelihema. Ko ha fononga lōloa. Naʻe ʻamanaki ke fāʻeleʻi vavé ni ʻe Mele ha pēpē.

Naʻe fonu kotoa e ngaahi fale talifonongá. Naʻe nofo ʻa Mele mo Siosefa ʻi he fale ʻa ia naʻe mohe ai ʻa e fanga monumanú. Naʻe ʻaloʻi ʻa Sīsū he lolotonga ʻo ʻena ʻi aí.

Naʻe ʻi he ngaahi ngoueʻanga ofi maí ha kau tauhi sipi ʻo tokangaʻi ʻenau fanga sipí. Naʻe haʻu ha ʻāngelo ʻo fakahā kiate kinautolu ke nau ō ki Pētelihema ʻo mamata ʻi he pēpē foʻoú.

Naʻe ʻilo ʻe he kau tauhisipí ʻa e fale ʻo e fanga monumanu naʻe ʻi ai ʻa Mele mo Siosefá. Naʻe ʻi he ʻaiʻangakai ʻo e manú ʻa e pēpē ko Sīsuú, kuo takatakai ʻaki ia ʻa e kofu. ʻE hoko ia ko e Fakamoʻui ʻo e māmaní kotoa.

ʻOku faʻa foaki mai ʻe homau fāmilí mo e kaungāmeʻá ʻi he Kilisimasí ha ngaahi meʻaʻofa. Ka ko e meʻaʻofa maʻongoʻonga tahá ʻa ia naʻe foaki mai ʻe he Tamai Hēvaní kiate kitautolú. Naʻá Ne fekauʻi mai Hono ʻAlo tonu ko Sīsū Kalaisí, ke ʻaloʻi ʻi māmani.