Ngaahi Fakakaukau ki he Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo ha ʻekitivitī ʻe lava ke fakaʻaongaʻi ki he efiafi fakafāmili ʻi ʻapí. Ko ha fakakaukau ʻeni ʻe ua:

“Ko Hono Tokoniʻi e Fānaú ke Nau Fakatokangaʻi e Laumālie Māʻoniʻoní,” peesi 10: Hili hono vakaiʻi ʻo e fakamatalá ni, fakakaukau ke palani ha ngaahi ʻekitivitī kehekehe ki he fanongó, sió mo e ngāué, ʻe lava ke tokoni ke ako ai hoʻomou fānaú ki he founga ʻoku lea mai ai e Laumālie Māʻoniʻoní kiate kinautolú. ʻE lava ke mou lau mo fakafaivaʻi e talanoa ʻo e Kilisimasí. ʻE lava ke mou ako ha ngaahi himi pe hiva Palaimeli fekauʻaki mo hono ʻaloʻi ʻo e Fakamoʻuí pea fakaʻaliʻali ia ki homou kaungāmeʻá mo e kaungāʻapí. ʻE lava ke mou vakai fakataha ki he ʻū tā ʻo e Fakamoʻuí pe fokotuʻu ha fakatātā ʻo e ʻaloʻí ʻi ha feituʻu lelei ʻi homou ʻapí. ʻE lava ke mou palani ha ngāue tokoni fakafāmili. Ko e hā pē meʻa te mou fili ke faí, tokoni ke ʻiloʻi ai ʻe hoʻomou fānaú e taimi ʻoku nau ongoʻi ai e Laumālié.

“Hoko ko ha Kāingalotu Lelei Ange ʻi he Fengāueʻaki ʻa e Ngaahi Tui Fakalotú,” peesi 26: Fakakaukau ke kumi ha founga ke mou fengāueʻaki fakataha ai mo ha tui fakalotu kehe ʻi he faʻahitaʻu Kilisimasi ko ʻení. ʻE lava ke mou kau fakataha mo ha fāmili tui faka-Kalisitiane kehe ke mou lau ʻa e talanoa ʻo e Kilisimasí pe fai ha ngāue tokoni. Te ke lava ʻo fakaafeʻi ha fāmili mei ha siasi kehe ke mou efiafi fakafāmili fakataha ʻi ʻapi pea mo taufetongi he feakoʻaki ki hoʻomou tui fakalotú. Fakakaukau ke mou aleaʻi mo hoʻo fānaú he hili hono fakahoko iá, ʻo fekauʻaki mo e ngaahi moʻoni kuo nau ako mei homou kaungāmeʻá.

ʻI Hoʻo Lea Fakafonuá

ʻOku maʻu ʻa e Liahoná mo e ngaahi nāunau kehe ʻa e Siasí ʻi ha ngaahi lea fakafonua lahi ʻi he languages.lds.org.