2013 оны 10-р сарын чуулганы тэмдэглэл

“Их Эзэн миний бие ярьснаа би ярилаа, … харин миний өөрийн дуу хоолой байна уу, эсвэл миний үйлчлэгчдийн дуу хоолой байна уу, энэ нь яг адил, бүгд биелэгдэх болно” (C ба Г 1:38).

Амьд бошиглогч, төлөөлөгчдийн болон сүмийн бусад удирдагчдын саяхан заасан зүйлсээс суралцаж, тэдгээрийг амьдралдаа хэрэгжүүлэхэд тань туслах 2013 оны 10-р сарын Ерөнхий чуулганы хэлсэн үгсийг судлахдаа эдгээр хуудсуудыг (мөн дараагийн дугаарууд дахь чуулганы тэмдэглэлүүдийг) ашиглаж болно.

Ерөнхий чуулганы үгсийг conference.lds.org-оос уншиж, үзэж харах эсвэл сонсох боломжтой.

Танай гэр бүл Ерөнхий чуулганаас сурч байгаа зүйлсээ хэрхэн хэрэгжүүлж байгаа вэ? [e-mail] хаягаар имэйл илгээнэ үү.

Бошиглогчийн амлалт: Бэрхшээлүүдтэй нүүр тулах нь

“Биднийг баярлаж баясгах маш олон зүйлсээр адисалсан Тэнгэрлэг Эцэг маань биднийг ирэх зовлон бэрхшээлүүдтэйгээ нүүр тулж, тэдгээрийг даван гарснаар илүү ихийг сурч улмаар өсч хөгжин, улам хүчирхэг болдог гэдгийг маань мэддэг. Биднийг гансруулж зовоон, тэсвэр тэвчээрийг маань барж түүнчлэн зүрхийг минь мохоон, уй гашууг мэдрүүлэх тийм цаг үе ирнэ гэдгийг бид мэддэг. Гэхдээ ийм бэрхшээлүүд нь Тэнгэрлэг Эцэгийн зааснаар амьдралаа өөрчлөх боломжийг бидэнд олгож, биднийг илүү чадварлаг болгон өөрчилдөг билээ. Бид өмнө байснаасаа илүү сайжирч—бидний ойлголт тэлэн, бусдыг хайрлах илүү их чадвартай мөн өмнөхөөсөө ч илүү хүчтэй гэрчлэлтэй болцгоодог юм.

“Бидний зорилго бол цөхрөлтгүйгээр урагшилж, даван туулах явдал юм. Тийм ээ, түүнчлэн бид нар, салхийг сөрөн гарахдаа сүнсээ хүчирхэгжүүлэх ёстой билээ. Хэрэв бидэнд шийдэх ёстой асуудлууд, давж гарах ёстой бэрхшээлүүд гэж байдаггүй байсансан бол бид хэзээ ч өөрчлөгдөхгүйгээр хэвээр үлдэж, мөнх амийг авах зорилгодоо ер ойртолгүй эсвэл үл ялиг л ойртсон байх байсан юм.”

Ерөнхийлөгч Томас С. Монсон, “Би чамайг хаяхгүй мөн орхихгүй” Лиахона, 2013 оны 11-р сар, 87.

• Хариултууд: 1. тушаал; 2. сайн мэдээ, сүрэг; 3. ёс бус байдал; 4. эрэгтэй, эмэгтэй

Танд зориулсан хариултууд

Чуулган бүрээр бошиглогч, төлөөлөгчид сүмийн гишүүдэд байж болох асуултуудад сүнслэгээр удирдагдсан хариултуудыг өгдөг юм. 2013 оны 11-р сарын дугаараас эсвэл conference.lds.org-оос эдгээр асуултуудын хариултыг олно уу.

• Бид Итгэлийн тунхагаас сайн мэдээний ямар сургаалуудыг сурдаг вэ? Л. Том Пэрри, “Итгэлийн тунхаг дахь сургаал, зарчмууд”-ыг үзнэ үү.

• Бид айдастай байсан үедээ номлолын ажилд хэрхэн оролцох вэ? М. Рассэл Баллард, “Их Эзэнд итгэл найдвараа тавь”-ыг үзнэ үү.

• Аравны нэгийг юунд ашигладаг вэ? Дэвид А. Бэднар, “Тэнгэрийн цонхнууд”-ыг үзнэ үү.

• Нүгэл үйлдэх мөн эсэргүүцэл үзүүлэх нь хэрхэн бидний сонгох эрх чөлөөнд нөлөөлж, боолчлолд хүргэж болох вэ? Квинтин Л. Күк, “Иеремиагийн гашуудал: Боолчлолоос сэрэмжил”-ийг үзнэ үү.

Явж мөн хий

Хэрэв бид дараах зүйлсийг хийвэл чуулганы агуу адислалууд ирдэг болохыг Арванхоёр Төлөөлөгчийн чуулгын ахлагч Робэрт Д. Хэйлс заасан юм:

1. “Их Эзэний үгсийг сонсохоор цуглар.”

2. “Тэдгээрийн дагуу амьдрахын тулд гэртээ харь.”

“Ерөнхий чуулган: Итгэл ба гэрчлэлийг хүчирхэгжүүлэх нь,” Лиахона, 2013 оны 11-р сар, 7-р хуудсаас.

Эмэгтэйчүүдэд болон санваартнуудад зориулсан бошиглолын үгс

Арванхоёр Төлөөлөгчийн чуулгын ахлагч Нийл Л. Андэрсэн “Яагаад санваарын ёслолуудыг эрэгтэй хүн гүйцэтгэдэг вэ? гэж асуусан …

“Өөрийн охид, хөвгүүдийг Бурхан адилхан хайрладаг гэдгийг бид баттай мэддэг шиг Тэрээр эрэгтэй, эмэгтэй хүмүүсийг яг адилхан бүтээгээгүй гэдгийг ч бас мэддэг. Түүнчлэн хүйс нь мөнх бус болон мөнх амьдралд бидний хэн байх зорилгуудын маань салшгүй чухал хэсэг гэдгийг ч бид мөн мэддэг билээ. Аль алинд нь ариун нандин үүрэг хариуцлагууд өгөгддөг.

“Түүний санваарыг хэрхэн ашиглах ёстой талаар Их Эзэн эхлэлээс тогтоосон гэдгийг бид мэднэ.”

Энэхүү хэлсэн үгийн 12 дахь эшлэлд ахлагч Андэрсэн бусад бошиглогчдын үгсээс эш татаж, уг асуултад хариулсан юм. Ерөнхийлөгч Гордон Б. Хинкли (1910–2008) “Түүний сүмд эрэгтэй хүн санваар атгах ёстой гэдгийг Их Эзэн Өөрөө тогтоосон юм” гэж хэлсэн. Харин Арванхоёр Төлөөлөгчийн чуулгын ахлагч М. Рассэл Баллард “Их Эзэн яагаад энэ маягаар Өөрийн сүмийг зохион байгуулснаа илчлээгүй юм” гэж хэлсэн байна.

“Санваарын хүч,” Лиахона, 2013 оны 11-р сар, 92-р хуудсаас.

Хоосон зайг бөглөөрөй

1. “Гэрээгээ сахигчид нь _______________-ыг сахигчид байдаг билээ!” (Линда К. Бөртон, “Гэрээгээ сахиснаар ирэх хүч чадал, баяр баясал мөн хайр,” Лиахона, 2013 оны 11-р сар, 113).

2. “Өөрсдөө ч мэдэлгүйгээр олон хүн ____________-г сонсож, Их Эзэний _____________-т нэгдэх газрууд руу Түүгээр удирдуулагдаж байдаг.” (Жэралд Коссэй, “Та нар цаашид гадны хүмүүс биш,” Лиахона, 2013 оны 11-р сар, 50).

3. “Зөвт байдал нь _______________-аас илүү хүчтэй.” (Боид К. Пакэр, “Сүнсний хамгаалалтын түлхүүр,” Лиахона, 2013 оны 11-р сар, 27).

4. “Эр, эм хүйсийн ялгааг бүдгэрүүлснээр бид _________________ , ________________ хүмүүсийн ялгаатай бөгөөд бие биенээ нөхдөг мөн нийлж, илүү сайн сайхан зүйлийг бүтээдэг тэрхүү бэлгүүдээ алдаж эхэлдэг юм.” (Д. Тодд Кристоффэрсон, “Эмэгтэйчүүдийн ёс суртахууны хүч,” Лиахона, 2013 оны 11-р сар, 31).

Зүүн талд: Аштон Г.Смитийн авсан гэрэл зураг; баруун дээд талд: Август Миллэр; гэрэл зураг чимэглэлийг Карлос Израйл Гүйтэрэз Роблэс; гэрэл зургийг Эмили Лэйшмэн Бэүс