Manatu mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O ni manatu nei e lua.

“O Noa,” itulau 10: Fuafua e faamatala atu le tala ia Noa e faaaoga ai ia ataata o papeti. I totonu o se potu pogisa, faasusulu atu se malamalama (e pei o se moliuila) i luga o le puipui. E mafai ona tou faaaogaina ma lou aiga o outou lima e fai ai ni ataata i luga o le puipui e faamatala ai le vaa, manu, timu, lupe, ma le nuanua. Mafaufau i le faamaeaina o le gaoioiga e ala i le talanoaina o ni auala e mafai ona tatou mulimuli ai i o tatou perofeta soifua o i ai nei ma usuina le pese “Mulimuli i le Perofeta” (Tusipese a tamaiti, 58–59) po o se isi pese e uiga i perofeta.

“Aiga Sili ona Lelei e Faavavau,” itulau e 68: Mafaufau e fai se gaoioiga o le a faamalolosia ai ia faauoga ma tagata o le aiga. Atonu e te tusiata, e pei ona faia e Olivia ma Sieni, pe galue i se isi galuega faatino. A uma, e mafai ona e talanoa i le auala e taulima ai uunaiga a tupulaga, ma mafaufau i faamanuiaga o le fausia o faauoga malolosi i totonu o lou aiga. Atonu e mafai ona e talanoa e uiga i tagata mai tusitusiga paia o e sa faamalolosia e ala i a latou faauoga ma tagata o le aiga: o Maria ma Elisapeta, Nifae ma Sama, ma Iosefa ma Ailama Samita, mo se faataitaiga.

I Lau Gagana

O loo maua le Liahona ma isi tusi a le Ekalesia i le tele o gagana i le languages.lds.org.