Sa Ou Puipuia Lo’u Faatuatuaga

Karlina Peterson, Idaho, ISA

I le taimi o lo’u tausaga muamua i le kolisi, sa tatalaina oʼu mata i le mea moni faapea o le a le toe puipuia lou olaga o se tagata aoga e pei ona sa i ai muamua. O le a le taliaina foi mea e pele ia te au.

Sa ou iloa le pei o se lima matua tiga ina ua ou musu e auai i gaoioiga ia na ou iloa o le a faatamaia ai au faaletino pe faatamaia ai le ma mafutaga ma le Tama Faalelagi. Ae peitai, sa ou fefe i faitioga i le avea ma se tagata o le Ekalesia ma o le mea lea na aloaloese ai mai le autu.

I se tasi aso i se vasega o le aoauli, sa taitaia e le polofesa se talanoaga i le auala e atiina ae ai le autalavou i le lotolotoi o le faailogalanu faifai pea. Sa tali mai se teineitiiti i o’u tua o le talanoaga o loo faia na ia manatu ai i tagata Mamona. Sa ou lagona le le mautonu ina ua tauina mai le Ekalesia i se vasega, o faamatalaga le talafeagai e masani lava ona sosoo ai.

A o ou sauniuni mo ni faamatalaga faatiga, sa fesili mai le faiaoga pe sa i ai nisi tagata o le Au Paia o Aso e Gata Ai i le vasega. I le tei ai i le fesili, sa ou vailiilia totonu o le potu ma iloa ai o loo faia foi e isi tagata lea lava mea e tasi. A o lei mafai ona ou mafaufau faalua, sa sii i luga lo’u lima mai lona tulaga mafana lea sa i ai i luga o le kesi. Sa ou faalogoina se solo musumusu mai le isi pito o le potu.

“Tasi,” o le tala lea a le faiaoga. Na tatagi le upu i ou taliga. Ina ua mavae se saō umi lava, sa talosagaina au e tali i le finauga e faatatau, pe mata o tagata o le Au Paia o Aso e Gata Ai o ni Kerisiano. Sa lei fou ia te au le fesili ma sa ou sauni e tali.

“‘Ma ua matou tautalatala e uiga ia Keriso, ua matou olioli ia Keriso, [ma] ua matou talai atu Keriso’” (2 Nifae 25:26), sa ou tali atu ma le mautinoa. “O matou moni lava o ni Kerisiano.”

Na le toe i ai se musumusu, ae sa ou lagona le sioa mai o tagata uma ia te au. Sa ou manatu o le a ou lagona le tuua toatasi. Nai lo lena, sa ou lagonaina le pei na saofai i ou talaane le Faaola ma tuu Lona lima i lou lima. Na leai se isi mea sa taua, aua sa faatumulia a’u i le olioli lea na faamalosia ai la’u molimau ia te Ia. Sa ou puipuia lo’u faatuatuaga.

Sa tele mea na ou faasoa atua i le vasega e uiga i le mafuaaga e avea ai tagata o le Au Paia o Aso e Gata Ai ma ni Kerisiano. Ona ou mafaufau lea i le taimi na faasoa mai ai e Peresitene Thomas S. Monson le talalelei i se tietiega pasi. Mai lenei aafiaga, sa ia uunaia ai tagata ina ia “lototetele pea ma saunia e tutu mo mea ua tatou talitonu i ai.”¹ A o ou mafaufau i ana upu, sa ou iloaina sa ou faia le mea na sili ona ou fefe e fai.

Ou te le iloa pe na suia ai ni manatu o nisi e uiga i le Ekalesia i mea sa ou tauina atu, ae e le tatau ona tatou fefefe e tutu atu ma faasoa atu le talalelei—po o fea lava tatou te i ai. E tusa lava pe tatou te le faamanuiaina se isi tagata, o le a tatou faamalosia lava a tatou molimau ma lo tatou sootaga ma le Tama Faalelagi.