Faailoga

Saunia e Jerry Peak

Sa ou mafaufau pe faafia ona ou tuleieseina lo’u saogalemu faaleagaga aua sa ou taulai atu i mea faalelalolagi.

E masani lava ona ou faaaogaina se tasi o auala pisi e alu ai i le galuega. O le auala sili ona vave ma sili ona faigofie e oo ai iina. Ou te taumafai ina ia vave ona ou alu i le taeao e faamisi ai le pisi o le auala, pe a faifai lemu mea ma mafai ona tupu ni faalavelave.

Ae peitai i se tasi taeao, sa tuai ona ou aluese mai le fale mai le taimi masani ma iu ai ina maua i le pisi o le auala. A o ou agai atu i le auala televave, sa ou mafaufau e uiga i au suesuega i tusitusiga paia i lena taeao. Sa i ai sou lagona ua matele lou taulai atu i mea faalelalolagi ae le lava ia mea faaleagaga. A o ou agai atu i le galuega, sa ou mafaufau pe faapefea ona ou gauai sili atu i mea faaleagaga i le aluga o le aso.

Ona ou vaaia lea o se savali i luga o se tasi o faailo faaeletonika tele i luga o le auala pisi e lapataia ia avetaavale e uiga i faalavelave faafuasei po o ni tulaga o le auala. A o ou latalata atili atu i ai, sa ou faitauina, “Taavale lavevea i luma i Mesa Drive—poloka le laina ogatotonu. Ou te lei manao i se faaletonu i le aluese mai le auala pisi, o lea sa ou mafaufau ai po o le a le umi ou te tumau ai i luga o le auala pisi ae ou te lei aluese mai ai.

Ona oo mai lea o se i si manatu i lo’u mafaufau: afai ou te le amanaiaina le faailo, mata o ou tuuina au i se tulaga o le a matautia? Mata o ou le amanaiaina le lapataiga talu ai ona ou te le o manao e faalavelave i au fuafuaga faatulagaina? E manino lava, sa tauau ina ou le amanaiaina ni lapataiga o lo’u saogalemu faaletino; e faafia ona ou tuleieseina ni musumusuga mo lou saogalemu faaleagaga?

A o ou mafaufau loloto e uiga i le auala ina ia gauai atili atu ai i le Agaga, sa ou iloaina masalo e auina mai ia te au e le Tama Faalelagi ni savali se tele i le aso atoa. Sa ou mafaufau pe faafia ona ou misia Ana savali talu ai sa ou le faalogologo mo uunaiga faaleagaga. Sa ou tautino atu e faia ia sili atu.

Sa ou siakia le pisi o le auala, sui le laina, ma aluese mai i le isi auala alo na sosoo ai. O le faaaogaina o auala o le aai e alu ai e faigaluega, sa mafai ai ona ou aloese mai ala faigata ma mea matautia o le tumau ai i luga o le auala pisi, a o faamama le [auala] faalavelave.

Ou te iloa e alofa le Alii ia te au e auina mai ai ia te au Ana savali. E nao le manaomia lava o lou ogatasi ma uunaiga faaleagaga ua Ia auina mai ia te au.

E alala le tusitala i Arisona, ISA.