?I Tru o I No Tru?
Samtaem, blong faenemaot wanem i tru o wanem i no tru, hem i had smol, be Papa blong yumi long Heven i givim yumi ol strong presen blong helpem yumi faenemaot wanem i trutok blong God mo wanem i giaman blong Setan.
Sapos yu bin mekem wan tes finis wetem ol kwestin we yu mas ansa se i tru o i no tru, bae yu save se samtaem i had blong luksave wan giaman samting. Semmak, long ol bigfala kwestin blong fet, blong bilif, mo blong evri dei laef, nomata hem i impoten tumas blong save luksave wanem i defren bitwin wanem we i tru mo wanem we i no tru, oltaem hem i no isi tumas blong mekem.
Be, yumi no nid blong stap fraet olsem olgeta man we oli no rere blong pasem wan tes. Papa blong yumi long Heven i blesem yumi wetem plante presen blong helpem yumi blong luksave ol trutok blong Hem mo ol giaman blong enemi.
Ol Defren Kaen blong Giaman
Faswan, blong soem eksampol blong wan poen, hemia i wan smol tru o no tru tes blong yu:
-
Mun i grin. tru no tru
-
Nil Amstrong, man we i go long spes sip Apollo 12, we i fas man blong wokbaot long mun, i bin talem se taem ia i wan bigfala step blong ol man long wol.tru no tru
-
Program blong Nasonol Aeronotik mo Spes Administresen (NASA) oli no save go long planet Mars long 1969, mekem se oli go longmun.tru no tru
-
Ol win blong san, ol strong laet blong san, ol strong laet blong spes, mo ol narafala samting bae i mekem se i no posibol blong man i lan long mun, mo ol foto oli no kamaot gud mo ol stori blong ol ae witnes oli no agri long sam ditel, mekem se gavman blong Y. S i mas mekemap wan bigfala giaman.tru no tru
Ansa blong wanwan long ol kwestin ia i No Tru, mo ol kwestin ia oli ripresentem sam besik kaen giaman we bae yu save fesem.
Kwestin 1 i wan simpol toktok we i no tru, mo wan bigfala mistek. Kwestin 2 i wan haf trutok, we i olsem wan trik, from se i tekem wan o moa long wan trutok, mo insaed i gat wan giaman toktok (hem i Apollo 11, be i no Apollo 12—!kasem yu!). Kwestin 3 i gat insaed long hem wan toktok we i agensem nara toktok, o wan situesen we oli presentem tu samting we oli no tufala ansa ia nomo we i stap (NASA i save jusum blong go long eni ples). Kwestin 4 i wan toktok we folem “gud tingting” nomo, we i yusum plante defren ansa be i no gat pruf blong save mekem se yu no save talemaot stret samting we i stap.
Ol Giaman blong Tedei
Taem i kam long ol samting we i save lidim ol tingting, ol bilif, ol joes mo ol fasin blong yu—ol samting we i gat risal long taem we i no save finis—i gud blong stap lukaotem ol defren kaen giaman we i stap, from se Setan, “papa blong evri giaman” (2 Nifae 9:9), bae i yusum eni kaen teknik blong save trikim yumi. Hemia sam eksampol long olsem wanem hem i stap mekem tedei, mo tu, sam eksampol long olsem wanem yumi save fesem hem wetem trutok.
Wan Simpol Toktok we I No Tru
|
Giaman Tingting: |
Ples we I Lidim Yumi (Bigfala Giaman): |
Trutok: |
|
Ponografi i nomol nomo, mo i no mekem man i harem nogud. |
Gohed mo go luk ponografi. |
Ponografi i jenisim ol wei we yumi stap lukluk long fasin blong gat seks, i save mekem yu kam adik, i save spolem yu tru long saed blong spirit, mo i save prapa spolem gud ol rilesensip. |
Haf Trutok
|
Giaman Tingting: |
Ples we I Lidim Yumi (Bigfala Giaman): |
Trutok: |
|
Wanwan man o woman i defren, i no gat tu semmak, mo i save laef olsem we hem i wantem; mekem se olsem wanem yu stap filim o tokbaot yuwan, hemia nao samting we i moa impoten long laef blong yu. |
Yu no mas letem God o Jos i talemaot long yu olsem wanem blong laef, so gohed mo mekem wanem yu wantem mekem sapos hemia i mekem yu harem gud. |
Wanwan long yumi i wan spesel pikinini blong Papa long Heven, we i wantem yumi blong kam gud evriwan, mo blong yumi kam olsem Hem. Fasin blong stap obei long ol komanmen blong Hem i helpem yumi blong kasem bigbigfala glad. |
Tufala Giaman Ansa (I Gat Tufala Wei Nomo)
|
Giaman Tingting: |
Ples we I Lidim Yumi (Bigfala Giaman): |
Trutok: |
|
Jos i stap prij agensem sam kaen laefstael; taswe, tingting blong jos i sot tumas, mo i no laekem ol pipol—hem i fasin blong no akseptem man, mo no lavem man. |
From se Jos i gat sot tingting mo i no laekem man, i gud blong oli spolem, daonem, mo panisim Jos nomo, mekem se i gud blong yu stop blong joen long Jos. |
Blong no akseptem laefstael blong wan man o woman, i no semmak long fasin blong no laekem man mo fasin blong gat sot tingting. Yumi save soem lav mo sore, respek, mo fasin we i kaen long evriwan—wetem ol pipol tu we laefstael blong olgeta i go agensem ol loa blong God—mo semtaem, stap tru long God mo ol komanmen blong Hem. |
Toktok we folem “gud tingting” nomo
|
Giaman Tingting: |
Ples we I Lidim Yumi (Bigfala Giaman): |
Trutok: |
|
Sam samting insaed long Buk blong Momon, ol pruf blong saens oli sakemaot, mo ol stori long olsem wanem oli transletem oli no semsemmak; so maet Josef Smit i mekemap stori ia, i o i karem ol toktok ia samples mo i kopi long olgeta. |
Buk blong Momon i no tru, mo Josef Smit i no wan profet, so yu stop blong joenem Jos. |
Saens i talemaot se plante samting insaed long Buk blong Momon i tru, mo “pruf” agensem i no strong. Be plante pruf blong buk ia, hem i witnes blong Spirit we i talemaot long yu se i tru mo we Josef Smit i wan tru prohet. |
Olsem Wanem blong Save Trutok
?So weaples nao ful lukluk blong trutok i kamaot long hem? ?Olsem wanem nao bae yumi save luk tru long ol giaman samting? Hemia sam strong presen we Papa long Heven i givim long yumi blong luksave trutok long samting we i no tru.
-
Laet blong Kraes. “Laet blong Kraes … i pusum evri man mo woman raon long wol blong luksave trutok mo samting we i no tru, wanem we i raet mo wanem we i rong. Hem i mekem tingting blong yu i laef.”1
-
Tabu Spirit. “Spirit ya we i Stamba blong Trutok …, hem bambae i save tijim yufala long olgeta tok we i tru” (Jon 16:13).
-
Ol Skripja. “God i yusum ol skripja blong soemaot ol tingting we oli no tru, ol giaman kastom, mo sin wetem ol nogud risal blong hem.”2 Buk blong Momon i impoten, speseli long saed ia, from se i “putum ol enemi blong Kraes long klia ples. I soemaot klia ol giaman doktrin mo i daonem ol raorao. (Luk long 2 Nif 3:12.)”3
-
Ol Profet blong Tedei. “Responsabiliti blong wan profet i blong talemaot tingting mo tru fasin blong God long ol man. … Wan profet i talemaot wanem i sin, mo i talemaot fastaem wanem nao risal blong hem.”4
-
Edukesen “Wan Sent … i lukaot blong lanem samting tru long stadi, mo tu, tru long fet. Edukesen … i mekem wan i save luksave samting we i tru, mo samting we i no tru, speseli tru long fasin blong stadi long ol skripja. (Luk long D&C 88:118.)”5
Nomata bae i no isi oltaem blong save ansa Tru o No Tru taem yumi fesem evri tingting we oli stap aotsaed ia, ol presen we Papa long Heven i bin givim long yumi bae i save helpem yumi blong pasem tes ia.