Te Mare ao te Itiaki
“[N te tai ae e a tibwa nako,] te Moan Beretitentii ao te Kooram n Abotoro n te Tengaun ma Uoman a korei aia reta nakoia taan kairiiri n te Ekaretia ni kabuta te aonaaba. Ni mwakorona e taekinaki: ‘Bitakin te tua a aki, ni koauana aki, bita aron te tua are e a tia ni kateia te Atua. E kataningaia te Uea bwa ti na boutokai ao ni kawakin Ana tua n aki tabe ma iango ni kakaitara ke ana waaki te botanaomata. Ana tua ibukin te itiaki man te wenenibure e bon matata. Te reitaki n te wenenibure e riai tii imarenan te mwaane ao te aine ake a tia ni katabuaki ao ni mareaki n aron te buu te mwaane ao te buu te aine.’
“E ngae ngke e a rangin n rikirake n raroa nako aron ana kainibaire te aonaaba man ana tua te Uea i bukin te itiaki man te wenenibure, ti teimatoa ni maiuakina te tua anne. …
“Ngkai angina tautaeka ao aomata ake a nakoraoi aroia a tia ni kaokoroa nanon te mare, te Uea e bon aki. Ni moan karikan aonaaba, te Atua e baronga te mare imarenan te mwaane ao te aine―Atam ao Ewa. E bairea te botoniango n te mare bwa e na kairaki riki ma kukurein temanna n onoti ao kakoroan bukin aia iango ikawai, ni karaoa riki te bwai ae kakawaki are e na kairaki ni barongakin te tabo ibukin bungiakia ataei, ibukin kaikawaakia, ao n tabeakinaki raoi. Utu bon te kaubwai mai karawa.”
Unimwaane Neil L. Andersen man te Kooram n Abotoro n te Tengaun ma Uoman, “Kangaanga n te Tamnei,” Riaona, Meei 2014, 19.