A Ibuobuoki Abotoro nakon Aaba aika Mwaiti

Membwa n te Kooram n te Tengaun ma Uoman a reitinako n ibuobuoki n te Ekaretia ni kabuta te aonaaba. N tain mwioko aika tibwa nako:

• Unimwaane Russell M. Nelson ao Unimwaane Neil L. Andersen a anga aia reirei ao aia kaetieti nakoia Aomata aika Itiaki i Aotiteria, Nu Tiran, French Polynesia, Biti, Nu Karetonia, Tonga, ao Babua Nu Kin. Unimwaane Nelson e maroroakina kainnanoan kakorakorakin te utu, ao Unimwaane Andersen e kauringia membwa bwa a na kukurei. Ni katannakoaia iaon mwiokoaia, e kaitibo Unimwaane Andersen ma membwa ao taan kariiri n te kaawa n aonon nako Biribin ake a rootaki n te mwaeiei ao angibuakan te aba.

• Unimwaane Dallin H. Oaks e katabua aia Tienta ni Kataneiai Mitinare i Mexico City. E kaungaia mitinare bwa a ana kamatebwai mwaaka ao n anga aia tai nakon te Uea.

• Unimwaane M. Russell Ballard e tuangia Aomata aika Itiaki i South America n aonon Maiaki bwa “aia bong natin Riaai mwaaane ao aine e a bwebwerake,” ma 4.5 mirion membwa ao 14 taian tembora i Amerika Maiaki. Aei are e a kakoroananon ana taetae ni burabeti tibuna te unimwaane Unimwaane Melvin J. Ballard (1873–1939) bwa Amerika Maiaki e na riki bwa te korakora n te Ekaretia.

• Unimwaane Jeffrey R. Holland e kaungaia membwa i Taiwan ao Hong Kong bwa a na karaoa te tembora bwa mwakoron maiuia n nanako iai n angin te tai ngkana a kona.

• Unimwaane David A. Bednar e kauringia Aomata aika Itiaki i Uganda bwa boni ngaiia bwaeoniia ni katean te Ekaretia iaon abaia. E kauringia membwa i Kenya ni kakawakin kakaotan te tangira n te mweenga.

• Unimwaane Quentin L. Cook e reireinia membwa i Amerika Nuuka ni kakawakin te mwakuri n ibuobuoki ibukin te Atua, imarenaia aomata n tatabemania, ao nakoia kaain rarikia.

N reiakina riki rongorongon aia ibuobuoki Abotoro, nakon lds.org/prophets-and-apostles.