Iango Ibukin Botakin te Utu n te Tairiki

Te bwai ae taekinaki aio kanoana bwai ao mwakuri ake a na kona ni kamanenaki ibukin te botaki n utu n te tairiki. Iai uoua iango aika imwina.

“KaKororaoaki iroun Kristo,” iteraniba 42: Kabonganaan ana reirei, Unimwaane Gong ibukiia aika kororaoi, ikotii ni kabane ukenano ae koua-ke-kairua ibukiia am utu ni buokiia ni kinaa ngkana iai ae kororaoi ni koaua irouia. Ko kona ni kabongana te taeka ae “I kona ni kukurei e ngae ngke ngkana I karaoa te kairua” ke “E kangaanga irou kabwaraan aia bure tabeman” inanon am ukenano. Ni kabane, wareka ana reirei Unimwaane Gong iaon te onimaki iroun te Tia Kamaiu. Kabongana naba iteraniba 146–147 n te Tataekina Au Euangkerio: Te Kairi nakon te Mwakuri ni Mitinare n reirei karaoan kouru aika a riai bwa ko na tokanikai iaon te kororaoi.

“Rabwatau Bon te Tembora,” iteraniba 68: Kabongana te titiraki n te reirei aei n reireiniia iai natim bwa ana kanga ni karinea ao n tangira rabwataia. Ko kona ni katauraoa te amarake ae kamarurung, n aron te uanikai ke banikai, n reireiniia natim atakin kanakin amarake aika raraoi. Ko kona ni karaoa te takakaro ke karaoi takakaro itinaniku ni buokiia natim kakawakin raoiroin te marurung ao te korakora. Kaungaia natim bwa ana karekeia ataei ke te roro ae tebwi tabun te ririki n ami uoote, mwaanga, ke taabo n reirei are iai toamatoa iai. Ko kona naba n anene “I’ll Walk with You” (Children’s Songbook, 140).

Kamatata n te korotamnei iroun Cody Bell

N Oin Am Taetae

Te Riaona ao tabeua bokin te Ekaretia a kona ni karekeaki n taetae aika bati man languages.lds.org.