Taan Kairiiri a Anga te Karaunano, te Boutoka i Biribin

Ni Beberuare, 100 te bong imwiin ana urubwai Taaibuun Haiyan i Tacloban, Titita Linda K. Burton, te beretitenti ni kabuta n te Botaki n Aine, ao Titita Carol F. McConkie, te moan kauntira n te beretitentii ni kabuta n te Botaki n Ataeinaine, a kawara te tabo ae rootaki n anga aia boutoka ao aia karaunano.

“I ataia I riai n inga ma aine,” e taku Titita Burton. “I ataia bwa akea riki te bwai ae I kona ni karaoia, ma I ataia bwa I riai n nako Tacloban ao n rabwatia aomata ngkana I kona.”

Taaibuun Haiyan e urui e raka iaon 1.1 mirion mweenga i nuukan Biribin, ni katikuia ae raka iaon 6,100 aomata ni mate, n ikotaki ma 42 Aomata aika Itiaki. Imwiin te angibuaka, e anga ana buoka te Ekaretia iaon bwaai n raonaki ma botakin te aba ao botanaomata n ibuobuoki ma te amwarake, katantan, itiakin te ran, kanakoan te mwaange, ao boutokan ma kaokan mwengaraoin temanna ma temanna.

Titita Burton ao n ikotaki ma Titita McConkie a ribootinna bwa a kunea te kantaninga ao te nakoraoi ibuakoia Aomata aika Itiaki, ake a manga moan katei mwengaia ao ni kakorakorai aia kakoaua ni beku i bon imarenaia.