Te Mwakuri ao te Toronibwai

Ngkai kairake ao ataei a reireinaki bwa a na mwakuri korakora ao ni maiu n toronibwai, a katauraoia n “anganano nakon te aonaaba ike [a] maeka iai” (Ibukin Kakorakoraia Kairake [2011], 40).

N iteraniba 56–57 man te rongorongo aei, Randall L. Ridd, kauoman ni kauntira n te beretitentii ni kabuta n te Botaki n Ataeinimwaane, e tibwaua are e reiakinna ni karaoan te kateitei ma tamana. E maroroakina kakawakin te mwakuri korakora, reken te katei ae raoiroi, ao katean abanuean te Uea. E kauringira te Tari Ridd: “Ngaia are antai ae kainnanoa te mwakuri? Ti kainnanoia ni kabane! E karika te maiu n toronibwai, te tokanikai, ao te kimwareirei n te maiu aei. Ngkai ko kimwareirei inanon kabaeakim n te mwakuri, naake a mena irarikim ko na taia te uaa ae tamaroa ibukina bwa ko a tia n tai taian koraa aika tamaroa.”

Iango ibukin Reiakinaia Kairake

Ibukin Kakorakorai Kairake e taekinaki, “Katei kouru aika rietata i bon ibukim, ao tauraoi ni mwakuri korakora ni kakoroi nanoia” (40). Ko na bae n tangiria n mataku ma natim rongorongon man te Moomon ibukin aia Witeo Kairake “Te Mwakuri ae Rikirake” (taraa witeo iaon te Mare ao te Utu n mormonchannel.org/come-follow-me). Ngkanne kaai ni mwakuri ni katei tabeua k kouru ao karaoi babaire ni kakoroi nanoia.
E bebete riki te mwakuri ngkana e raoiroi kateira. Wareka “Kamwaingan Bwaibu n Teboaroka ni Kaau aika Bokaboka” n iteraniba 58–59 man te rongorongo aei ao maroroakinna bwa e kanga kateim n roota am mwakuri.
“Ni mwakoron te taningaroti bon kabanean taai aika bati aika akea uaaia ni waaki ni kakukurei ake a tukiko man mwakuri aika nakoraoi, n ai aron kabonganakin te intanete, te takakaro n witeo, ao ni mataku n te terewition” (Ibukin Kakorakoraia Kairake, 40). Titirakinia natim ibukin kakabwaia ao kaangaangan te intanete, takakaro n te witeo, ao te terewition. A bitaki n ningai bwaai ni mwakui aikai n riki bwa bwaai ni katabetabe? Baikara kakabwaia aika roko man te mwakuri ae nakoraoi? Iangoia ni buokia natim bwa a na rinanon kakabwaia aikai n aki kabonganai bwai n rabakau aikai ni kabane n tabetai ao ni kaai ni mwakuri iaon te karikirake.

Iango ibukin Reiakinaia Ataei

Te mwakuri ni mitinare bon te mwakuri ae matoatoa, ao reiakinam bwa ko na toronibwai e na buokia natim ibukin te mwakuri anne. Ma natim, karinani tabeua mwakurin mweengam are a riai n ataia mitinare bwa a na kanga ni karaoia. (karaoan e uaati, kuuka, kaitiaki, n aron te katoto). Ngkaane kaai ni karaoi tabeua mai buakon mwakuri akanne.
Inanon ana rongorongo, e kauringira te Tari Ridd bwa “te kabaen ni kakawaki ni mwakuri bon ana mwakuri te Atua.” E na kanga am utu ni waakina ana mwakuri te Uea? Iangoa te waaki ni kakukurei are e na buokia tabeman ni kaniia riki nakon Kristo.
Mwakoron te toronibwai bon reireiakim bwa ko na kanga ni tararua am mwane. Reireinia natim tuan te kataumwane ao kakawakin karaoan te kabwianibwai bwa mwakoron te kataumwane.